निङ्वाॽफु साम्लोसुम् 149 - लिम्बुयहवे दाङ्बे़ल्ले़ कुनारा फोमा 1 यहवे दाङ्बे़ल्ले़ कुनारा फोसे़म्मे़ॽओ! यहवे दाङ्बे़ल्ले़ कुलागि लत्छा कुसङ् साम्लोधिक् साम्मे़त्ते़म्मे़ॽओ, नसाःन्साबा कुमनालुम्मो खुने़ॽ कुनारा फोसे़म्मे़ॽओ॥ 2 इस्राइलबा मनासे खिनिॽ नावागे़न् चइःत्दाङ्बाओ सःत्ते़म्मे़ॽओ, सियोनबा मनासे खिनिॽ हाङ्ङिन्नु ये़ये़ लॽरे़म्मे़ॽओ॥ 3 लाःक्खे़म्मे़ॽर खुने़ॽ मिङ्सो इङ्धाङ् पिरे़म्मे़ॽओ, के नु तुःङ्गे मुक्खे़म्मे़ॽर खुने़ॽ कुनारा फोसे़म्मे़ॽओ॥ 4 थेआङ्भे़ल्ले़ यहवे दाङ्बान् आबाङे कुमनाहाॽनु सःत्लो, नःम्नःम्बाहाॽ थङ् के़नाःम्बा चोगुसिरो हे़क्क्याङ् खे़ङ्हाॽ इङ्धाङ् पिरुसिरो॥ 5 निङ्वाॽफुमाङ्ङिल्ले़ नसाःन्साबा कुमनाहाॽ अक्तङ्बा मिङ्सो इङ्धाङ्ङो मे़सःत्लरो, हे़क्क्याङ् ने़त्नाओ से़न्दिक् नाम्दाःत्तात् निङ्वाॽ तार साम्मे़लोररो॥ 6 निङ्वाॽफुमाङ्ङिल्ले़ कुनारा मे़भोसुल्ले़ खे़ङ्हाॽ यम्बा इक्लाओ मे़बाःत्लरो, हे़क्क्याङ् खे़ङ्हाॽरे़ खुनिॽ हुक्को खागे़सुक्पा ताभेन् वाॽररो॥ 7 हे़क्केलॽरिक् खे़ङ्हाॽरे़ थिम्मे़न्दङ् सुवाङ्हाॽ खासे़न् मे़लोःन्दुसिररो, हे़क्क्याङ् इक्सादिङ् खाम्बेःक्मोबा मे़न्छाम् सुवाङ्हाॽ खुम्दिङ् मे़बिरुसिररो॥ 8 खे़ङ्हाॽरे़ इक्सादिङ् खाम्बेःक्मोबा मे़न्छाम् सुवाङ्हाॽरे़ खुनिॽ हाङ्हाॽ फे़न्सिक्किःल्ले़ मे़घेःक्खुसिररो, हे़क्क्याङ् खे़ङ्हाॽरे़ हाङ्याःम्बक् के़जोःक्पाहाॽ फे़न्थक्क्रङ्ङिल्ले़ इमे़घेःक्खुसिररो॥ 9 हे़क्केलॽरिक् निङ्वाॽफुमाङ्ङिल्ले़ कुमनाहाॽरे़ इक्सादिङ् खाम्बेःक्मोबा मे़न्छाम् सुवाङ्हाॽरे़ खोमा के़बोङ्बा खुम्दिङ्ङिन् पिमा मे़सुक्तुसिरो॥ कङ्ग निङ्वाॽफुमाङ्ङिल्ले़ के़रे़क् कुमनाहाॽरे़ थङ् मे़नाःन्दुबारो, यहवे दाङ्बे़ल्ले़ कुनारा फोसे़म्मे़ॽओ! |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.