Biblia Todo Logo
Bib sou entènèt

- Piblisite -


निङ्‌वाॽफु साम्‍लोसुम् 146 - लिम्‍बु


से़न्‍लप्‍दाङ्‌बाल्‍ले़ कुनारा फोमा

1 यहवे दाङ्‌बे़ल्‍ले़ कुनारा फोसे़म्‍मे़ॽओ! आङ्‌गाॽ आसिक्‍लुङ्‌मोनुए यहवे दाङ्‌बे़ल्‍ले़ कुनारा फोसुङ्‌लो॥

2 आङ्‌गाॽग आहिङ्‌हिङ् थारिक् यहवे दाङ्‌बे़ल्‍ले़ कुनारा फोसुङ्‌लो॥ आङ्‌गाॽ हिङ्‌ङार थारिक् साम्‍लोआर निङ्‌वाॽफुमाङ्‌ङिन् मिङ्‌सो इङ्‌धाङ् पिरुङ्‌लो॥

3 इक्‍सा खाम्‍बेःक्‍कोबा हाङ्‌हाॽ नु वेॽ मनाहाॽओ खिनिॽ निङ्‌वाॽ मे़युक्‍खे़म्‍मिन्‍ने़ॽओ, खे़ङ्‌हाॽरे़ से़ःप्‍मा के़मे़न्‍छुक्‍ने़ल्‍लो॥

4 खे़ङ्‌हाॽ मे़सिःल्‍ले़ खे़ङ्‌हाॽरे़ खुनिॽ थक्‍किन् खाम्‍मोए नुःङ् पेःक्‍लो॥ हाबा खे़न् ये़म्‍मोए खे़ङ्‌हाॽरे़ चोःक्‍मा पाःप्‍मा मे़इःत्तुबा पाःन्‍हाॽआङ् नुप्‍लो॥

5 याकुबरे़ कुनिङ्‌वाॽफुमाङ्‌ङिल्‍ले़ फाॽरुबा मनाःङ्‌ग मुॽइसाबारो, हे़क्‍क्‍याङ् कुनिङ्‌वाॽफुमाङ् यहवे दाङ्‌बाओ कुनिङ्‌वाॽ के़युङ्‌बान् सःत्‍लो॥

6 खुने़ॽग साङ्‌ग्राम्‍पेदाङ् नु इक्‍सादिङ् खाम्‍बेक् के़जोःक्‍पारो, हे़क्‍क्‍याङ् वरःङ् नु खे़प्‍मो के़याक्‍पा के़रे़क् पाधुङ् ले़ःक्‍ङाहाॽ नावागे़न् चइःत् चोगुसिबारो, यहवे दाङ्‌बान् सदादिङ् नसाःन्‍साबा चोक्‍लो॥

7 खुने़ॽग तुक्‍खे मे़जाःत्तुसिबाहाॽ कुदोःप्‍मा खासे़न् लोःन्‍दुपिरुसिरो, हे़क्‍क्‍याङ् साक्‍मे़न्‍जा के़वाॽबाहाॽ कुजा पिरुसिरो॥ यहवे दाङ्‌बे़ल्‍ले़ पुङ्‌लाहिम्‍मो साक्‍पा के़धाबाहाॽ चोःक्‌युम्‍भो पिरुसिरो॥

8 यहवे दाङ्‌बे़ल्‍ले़ मिक्‍फःम्‍बाहाॽ खागे़निबा चोगुसिरो, खुने़ॽ के़जोःम्‍बाहाॽ फोःक्‍खुसिरो, खुने़ॽ साम्‌योबाहाॽ लुङ्‌माॽ तुक्‍तुसिरो॥

9 वेॽ लाजेॽबा मनाहाॽ यहवे दाङ्‌बे़ल्‍ले़ ताङ्‌से़ःप्‍तुसिरो॥ ये़त्‍छाबाहाॽ नु मेमेदुमाहाॽ कम्‍ब्राङ् मे़त्तुसिरो, कर ताक्‍के़भे़ॽबाहाॽरे़ चोःक्‍मा मे़इःत्तुबा पाःन्‍हाॽ पोङ् मे़भाःक्‍तुल्‍लो॥

10 यहवे दाङ्‌बाङ्‌ग सदादिङ्‌ले़ लागि हाङ्‌लो, सियोःन्‍ने, के़निङ्‌वाॽफुमाङ्‌ङिल्‍ले़ थाःक् थाःक् थारिक् हाङ्‌युक् चोगुरो, यहवे दाङ्‌बे़ल्‍ले़ कुनारा फोसे़म्‍मे़ॽओ!

© 2009, 2023, Wycliffe Bible Translators, Inc. All rights reserved.

Wycliffe Bible Translators, Inc.
Swiv nou:



Piblisite