निङ्वाॽफु साम्लोसुम् 13 - लिम्बुतुक्खे आजाःल्ले़बा पेलि साम्लो के़हुॽबाल्ले़ लागि दाउदरे़ कुसाम्लो 1 यहवे दाङ्बे, आभे़ल्ले़ थारिक् निङ्वाॽ के़भेःन्नाबाबे? सदादिङ् थारिक्पि? आभे़ल्ले़ थारिक् आङ्गाॽनु के़नारान् के़जिक्खुआङ् लाःत्लाःत् के़बोङ्बाबे? 2 आभे़ल्ले़ थारिक् आङ्गाॽ तुक्खेन् थरुङ्बाबे? से़न्दिक् ले़न्दिक् आभे़ल्ले़ थारिक् आसिक्लुङ्मो आनिङ्वाॽ तुक्ल वाॽआबाबे? आभे़ल्ले़ थारिक् आनिङ्मिहाॽरे़ मे़नाःन्नाबाबे? 3 यहवे दाङ्बा आनिङ्वाॽफुमाङ्ङे, आङ्गाॽ लुङ्माॽ तुक्ताङ्ङे़ॽओ, हे़क्क्याङ् मे़त्ताङ्ङे़ॽओ॥ आङ्गाॽ याम्मो के़धुम्बा चोगाङ्ङे़ॽओ, मेःन्ने़भग्र आङ्गाॽ सिआ पेःक्कारो॥ 4 आङ्गाॽ आनिङ्मिहाॽरे़, “खे़न् नाःन्दुम्बे़आङ् वाॽरो” पाःप्मा खे़ङ्हाॽरे़ मे़ङ्घोसुल्लरो॥ मेःन्ने़भग्र आङ्गाॽ हारि ताआल्ले़ आनिङ्मिहाॽ मे़सःत्लो॥ 5 कर आङ्गाॽग आभे़ल्ले़साङ् खे़ने़ॽ लुङ्माॽ के़दुक्का फाॽआङ् निङ्वाॽ युक्खुङ्ङाङ् वाॽआरो, आङ्गाॽ के़से़ःप्ताङ्बाल्ले़ चोगुल्ले़ आसिक्लुङ्मान् सःत्लो॥ 6 यहवे दाङ्बाए, आङ्गाॽ साम्लोआर के़नारा फोसुङ्लो, थेआङ्भे़ल्ले़ आङ्गाॽ नुॽमादामा के़बिराङ्ङाङ् वाॽरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.