निङ्वाॽफु साम्लोसुम् 128 - लिम्बुइङ्जाङ् के़इःप्पाहाॽरे़न् मुॽइसाम् लाम्दिक् चोःक्मा साम्लो 1 यहवे दाङ्बान् मिङ्सो इङ्धाङ् के़बिबाहाॽ के़रे़क् मुॽइसाबासिरो, खे़ङ्हाॽग खुने़ॽ कुलाम्मो लाङ्गे़घेःक्पासिरो॥ 2 स्याङ्मे़न्दाङ् के़जोगु के़धगुबा कुजाःल्ले़ खे़ने़ॽ के़योरो, हे़क्क्याङ् खे़ने़ॽ के़सःत्ताङ् के़नुॽके़दारो॥ 3 खे़ने़ॽ के़हिम्मो मे़लिङ्गे़न् के़मेःत्तिन् कुजाॽ के़धोःक्पा चे़ल्ले़क्सेल्ले़ कुबुङ् कुइसिक् पोङ्लो॥ हे़क्क्याङ् खे़ने़ॽ के़स्सा के़एहाॽ चामादे़न्निल्ले़ कुघिरि पे़ःङ्वा लिछेल्ले़ कुनःक् कुइसिक् मे़बोङ्लो॥ 4 ओमे़त्ते़म्मे़ॽओ, यहवे दाङ्बान् मिङ्सो इङ्धाङ् के़बिबाहाॽरे़ग से़क्खाए अक्तङ्बा मुॽइसाम् मे़घोसुरो॥ 5 यहवे दाङ्बे़ल्ले़ सियोनलाम्बा खे़ने़ॽ मुॽइसाम् के़बिररो, हे़क्क्याङ् खे़ने़ॽ के़हिङ्हिङ् थारिक् यरुसले़म ये़क्यक्को थोबो पोङ्बान् खे़ने़ॽ निमा के़घोसुररो॥ 6 खे़ने़ॽग के़म्मे़न्छाॽ के़जक्मे़न्छाॽहाॽ निमा के़घोसुसिररो॥ इस्राइलओ नुॽमादामा पोङ्लरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.