निङ्वाॽफु साम्लोसुम् 114 - लिम्बुचोःक्युम्भो तङ्नाम् साम्लो 1 इस्राइलबा मना याकुबरे़ कुमुॽइदाङ्साहाॽरे़ पाःन्मे़न्दङ् मनाहाॽरे़ खुन्छिॽ मिस्र लाजेन् मे़ले़रुरो॥ 2 यहुदा लाजेन् यहवे दाङ्बे़ल्ले़ कुसेसेदे़न् पोःक्खे़रो, हे़क्क्याङ् इस्राइले़न् कुहाङ्जुम् पोःक्खे़रो॥ 3 हे़ःत्ताङ्बा वरःङ्ङिल्ले़ खे़ङ्हाॽ निसुसिआङ् खे़न् नुःक्खे़बेरो, यर्दन यङ्घङ्ङिन् कुङ्मा नाॽरे़रो॥ 4 कोःक्माहाॽ मे़ःन्दाक् हे़क्के मे़बिन्दे़रो, थे़गुहाॽ मे़ल्लुक्साःत्हाॽ कुसिक् मे़लोःक्ते़रो॥ 5 थेआङ् वरःङ्ङिन् हेरे़बाबे? हे़क्क्याङ् थेआङ् यर्दन वहःङ्ङिन् कुङ्मा नाॽरे़बाबे? 6 कोःक्माहाॽ थेआङ् मे़ःन्दाक् हे़क्के मे़बिम्बाबे? थे़गुहाॽ थेआङ् मे़ल्लुक्साहाॽ हे़क्के मे़लोःक्पाबे? 7 यहवे दाङ्बान् इक्सादिङ् खाम्बेःक्मो युरो, याकुबरे़ कुनिङ्वाॽफुमाङ्ङिल्ले़ कुदगि खाम्बेःक्मान् थे़गक्कक्ना यङ्लो॥ 8 यहवे दाङ्बे़ल्ले़ लुङ्घ्रे़ःक्हाॽ वरक् पोङ्ल याःन्दुरो, हे़क्क्याङ् के़साक्पा लुङ्ङिन् वाबुन्दाक् पोङ्ल चोगुरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.