निङ्वाॽफु साम्लोसुम् 11 - लिम्बुयहवे दाङ्बान् नासाॽमा साम्लो के़हुॽबाल्ले़ लागि दाउदरे़ कुसाम्लो 1 आङ्गाॽग यहवे दाङ्बाओ इःम्सिङ्ङारो, के़गोःक्मा फाङ्जङ्हाॽओ पु हे़क्के पे़रे़ पेगे़ॽ फाॽआङ् याप्मि आम्मे़त्ते़न्ने़ॽओ॥ 2 थेआङ्भे़ल्ले़ ओमे़त्ते़म्मे़ॽओ, ताक्के़भे़ॽबाहाॽरे़ कुदोःप्मा निङ्वाॽ के़गप्पाहाॽ खागे़माक्पोलाम् आप्मासि फाॽआङ् तोःङ्ङिन् लिओ मे़भत्छुआङ् पत्लो॥ 3 के़रे़क् पाःन्हाॽरे़ कुबुङ्ङिन्ने फे़त्लाने़भग्र, साम्योबा मनाःल्ले़ थे चोःक्मा सुक्तुआङ्बे? 4 यहवे दाङ्बान् आबाङे कुसेसे हिम्मो युङ्लो, यहवे दाङ्बान् साङ्ग्राम्पेदाङ्ङोबा कुहाङ्युक्नाओ युङ्लो, खुने़ॽ मे़न्छाम्साहाॽ नुरिक्काङ् ओमे़त्तुसिरो, खुने़ॽ खे़ङ्हाॽ मिक्चो मे़त्तुसिरो॥ 5 यहवे दाङ्बे़ल्ले़ साम्योबाहाॽरे़ खुनिॽ निङ्वाॽ साॽरुरो, कर कुइगे़भे़ॽबा नु हयङ्ते़न्धङ् चोःक्मा खुनिॽ सिराॽ के़धाङ्बाहाॽग खुने़ॽ पजिःत् चिःत्तुसिरो॥ 6 कुइगे़भे़म्बाहाॽ सम्धाङ् मि नु कान्धाक् थासुरो, हे़क्क्याङ् खे़ङ्हाॽरे़ याप्मि मिआदिक्दिक्पा नु पये़म् आये़म्ये़म्बा सुरिःत्मान् मे़दुमुरो॥ 7 थेआङ्भे़ल्ले़ यहवे दाङ्बान् साम्योबा चोक्लो, साम्योबा याःम्बक्हाॽ कुसिराॽधाङ्लो, कुदोःप्माहाॽरे़ खुने़ॽ कुनारान् मे़निसुरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.