निङ्वाॽफु साम्लोसुम् 1 - लिम्बुनिङ्वाॽफु साम्लोसुम् कुलक् थिक् ( निङ् सुम् १–४१ ) से़क्खाबा सःप्मा लाम् 1 आत्तिन् मनान् ताक्के़भे़ॽबा मनाहाॽरे़ खुनिॽ पान् सुजाओ मे़बत्तिन्, लायोबा मनाहाॽनु मे़वाॽने़न् इग्र निङ्वाॽफुमाङ्ङिन् नामे़न्छाॽ के़मे़प्पाहाॽनुआङ् मे़गाम्सिङ्ङिन् खे़ङ्ग मुॽइसाबा मनारो॥ 2 कर खुने़ॽग यहवे दाङ्बे़ल्ले़ कुसाम्योथिम्मोए पसःत्सःत्लो, हे़क्क्याङ् खे़ल्ले़ग से़न्दिक् ले़न्दिक् साम्योथिम्मो निङ्वाॽ पिरुरो॥ 3 खुने़ॽग यङ्घङ्ङिल्ले़ कुयाओ लेःप्मनाबा कुधोःक्मा ये़म्मो कुजाॽ के़धोःक्पा हे़क्क्याङ् आप्फाल्ले़आङ् कुभे़क्वान् सिरे़म् मे़ल्लॽमनाबा सिङ्बुङ् कुइसिक् चोक्लो, खे़ल्ले़ थे चोगुसाङ् कुलिङ्दो के़त्लो॥ 4 कर ताक्के़भे़ॽबाहाॽग हे़क्तङ्बा मे़न्जोःक्ने़न्लो, सुरित् केजङ्ङिल्ले़ फे़सुबा याॽसिप् कुइसिक् मे़जोक्लो॥ 5 खे़ङ्हाॽग निङ्वाॽफुमाङ्ङिल्ले़ खासे़न् ये़न्नो खुम्दिङ् पिरुसिरो, साम्योबा मनालुम्मो लायोबाहाॽ चुम्मा मे़न्छुक्ने़न्लो॥ 6 यहवे दाङ्बे़ल्ले़ साम्योबा मनाहाॽरे़ मे़नाःत्तुबा लाम्मो नुरिक्काङ् कत्तुसिरो, कर कुइगे़भे़म्बाहाॽग मे़नाःत्तुबा लाम्मिल्ले़ मे़म्भैओ तेॽरुसिरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.