खानिःत् 29 - लिम्बुसादाङ् मुःप्मा तङ्नाम् ( ले़बि २३:२३-२५ ) 1 “‘नुसिगेक्पा लाःल्ले़न् थिक्सिगेक्पा ये़न्नो खिनिॽ लत्छा सेसे चुम्लुङ् पोङ्ल॥ खे़ल्ले़ याःन्दिक् खिनिॽ थिक्याःन्धक् के़जोगुम्बा थे़मा याःम्बक्काङ् मे़जोगे़म्मिन्ने़ॽ॥ खे़ङ्ग खिनिॽ लागि थुत्थुरिःप्पा मुःप्मा ये़न्लो॥ 2 यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा कुनाम् पोङ्ल फाॽआङ् मिधिङ्मनादेमनाबा सिदुङ्जभारे़ लागि कुम्बाबा पित्सात् थिक्, थुःम्बाधिक् नु तङ्बे थिक् के़गे़प्पा नुसि कुम्बाबा मे़ल्लुक्साःत्हाॽ तोःन्दे़म्सिम्मे़ॽ॥ कन्हाॽ के़रे़क् कुलाङ् कुहुक् मे़न्छक्मना मे़ङ्गाःम्मनाबा मे़बोङ्ल पोङ्ॽ॥ 3 खे़न्नु सोरिक्पा पोगुगे़न् कुजा सिदुङ्जभाःल्ले़ लागि पित्सात्तिन्नु सोसोरिक् चैतुन निःङ्गेॽओ सॽमनाबा फोलक् थिक्काङ् कुभ्रे़ःक् चुन्जुम्बा फेॽरुम्, मे़ल्लुक्के़न्नु सोरिक् फोलक् थिक् चुन्जुम्बा फेॽरुम्, 4 हे़क्क्याङ् नुसिए थुःम्बाहाॽओ के़रे़क् थुःम्बा थप्मे माना लिसि फेॽरुम् तोःन्दे़म्मे़ॽ॥ 5 खे़न्नु सोसोरिक् खिनिॽ लायोल्ले़ लागि ले़प्मि नाःक्मा याःम्बक् चोःक्मारे़ लागि लायोलाम् ले़प्मि खोमा सिदुङ्जभारे़ लागि कुम्बाबा मे़ःन्दाक् थिक्काङ् तोःन्दे़म्मे़ॽ॥ 6 कन्हाॽ के़रे़क् ला थक्मा नु ये़न् थक्माबा मिधिङ्मनादेमनाबा सिदुङ्जभाहाॽ हे़क्क्याङ् खे़न्नु सोरिक्पा कुजा सिदुङ्जभा नु सेजःङ्वा सिदुङ्जभाहाॽनुःल्ले़ वेॽ पोङ्मा पोङ्ॽ॥ खे़ङ्हाॽग यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा पोगुगे़न् कुजा सिदुङ्जभारो॥’” आप्तिक्लाम् सुत्थो पोङ्मा ये़न् ( ले़बि २३:२६-३२ ) 7 “‘आम्भा खे़न् नुसिगेक्पा लाओबा थिबोङ्गेक्पा ये़न्नो खिनिॽ लत्छा सेसे चुम्लुङ् पोङ्ल॥ खे़न् ये़न्निल्ले़ याःन्दिक् खिनिॽ थे़माआङ् मे़जाम्मिन्ने़ॽ मे़धुङे़म्मिन्ने़ॽ, हे़क्क्याङ् खिनिॽ थे़मा परिक्ले़न् याःम्बक्काङ् मे़जोगे़म्मिन्ने़ॽ॥ 8 यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा कुनाम् पोङ्मारे़ लागि मिधिङ्मनादेमनाबा सिदुङ्जभारे़ लागि खिनिॽ कुम्बाबा पित्सात् थिक्, थुःम्बाधिक् नु तङ्बे थिक् के़गे़प्पा नुसि थुःम्बा तोःन्दे़म्सिम्मे़ॽ॥ खे़ङ्हाॽ के़रे़क् कुलाङ् कुहुक् मे़न्छक्मना नु मे़ङ्गाःम्मनाबा मे़बोङ्ल पोङ्ॽ॥ 9 हे़क्क्याङ् पित्सात्तिन्नु सोसोरिक् पोगुगे़न् कुजा सिदुङ्जभाःन्नु चैतुन निःङ्गेॽओ सॽमनाबा फोलक् थिक्काङ् कुभ्रे़ःक् चुन्जुम्बा फेॽरुम् तोःन्दे़म्मे़ॽ, थुःम्बाःन्नु सोसोरिक् फोलक् थिक् फेॽरुम् तोःन्दे़म्मे़ॽ॥ 10 हे़क्क्याङ् नुसिए कुम्बाबा मे़ल्लुक्साःत्हाॽ थक्मा माना लिसि फेॽरुम् तोःन्दे़म्मे़ॽ॥ 11 आप्तिक्लाम् सुत्थो पोङ्मा याःम्बक् चोःक्मारे़ लागि लायोलाम् ले़प्मि खोमा सिदुङ्जभा मे़ःन्दबका थिक्काङ् तोःन्दे़म्मे़ॽ॥ कन् चक्मे़ल्लॽए तोःम्मनाबा लायोलाम् ले़प्मि खोमा सिदुङ्जभा नु चक्मे़ल्लॽए मिधिङ्मनादेमनाबा सिदुङ्जभा हे़क्क्याङ् खे़न्नु सोरिक् तोःम्मनाबा पोगुगे़न् कुजा सिदुङ्जभा खम्भ्याङ् खे़न्नु सोसोरिक्पा सेजःङ्वा चे़ल्ले़क्से सिदुङ्भाःन्नुःल्ले़ वेॽ तोःन्दे़म्मे़ॽओ॥’” तक्तक्वा हिम् तङ्नाम्मोबा हुक्वाहाॽ ( ले़बि २३:३३-४४ ) 12 “‘नुसिगेक्पा ला थिबोङ्ङाङ् ङासिगेक्पा ये़न्नो खिनिॽ लत्छा सेसे चुम्लुङ् पोङ्ल, हे़क्क्याङ् खे़ल्ले़ याःन्दिक् खिनिॽ के़जोगुम्बा थिक्याःन्धक्पा याःम्बक् थे़माआङ् मे़जोगे़म्मिन्ने़ॽ॥ यहवे दाङ्बे़ल्ले़ कुलागि खिनिॽ नुसि ये़न् थारिक् तङ्नाम् तोसे़म्मे़ॽ॥ 13 यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा कुनाम् पोङ्मारे़ लागि पोगुगे़न् कुजा सिदुङ्जभान् मिधिङ्मनादेमनाबा सिदुङ्जभाःल्ले़ लागि थिबोङ्ङाङ् सुम्सि कुम्बाबा पित्सात्, थुःम्बा ने़त्छि, तङ्बे थिक् के़गे़प्पा थिबोङ्ङाङ् लिसि कुम्बाबा मे़ल्लुक् तोःन्दे़म्सिम्मे़ॽ॥ कन्हाॽ के़रे़क् मे़ङ्गाःम्नाबा मे़बोङ्ल पोङ्ॽ॥ 14 खे़न्नु सोरिक्पा पोगुगे़न् कुजा सिदुङ्जभाःल्ले़ लागि थिबोङ्ङाङ् सुम्सिए पित्सात्हाॽओ लत्छा पित्सात् थक्मे चैतुन निःङ्गेॽओ सॽमनाबा फोलक् थिक्काङ् कुभ्रे़ःक् चुन्जुम्बा फेॽरुम्, ने़त्छि थुःम्बाहाॽओ लत्छा थुःम्बाःन्नु सोरिक् फोलक् थिक् फेॽरुम्, 15 हे़क्क्याङ् थिबोङ्ङाङ् लिसिए मे़ल्लुक्हाॽनु सोरिक् माना लिसि फेॽरुम् तोःन्दे़म्मे़ॽ॥ 16 खे़न्नु सोसोरिक् लायोलाम् ले़प्मि खोमा सिदुङ्जभारे़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ कन् चक्मे़ल्लॽए मिधिङ्मनादेमनाबा सिदुङ्जभा के़दोःन्दुम्बा नु खे़न्नु सोरिक्पा पोगुगे़न् कुजा सिदुङ्जभा हे़क्क्याङ् सेजःङ्वा सिदुङ्जभाःन्नुःल्ले़ वेॽ तोःन्दे़म्मे़ॽ॥ 17 “‘निसिगेक्पा ये़न्नो कुम्बाबा पित्सात् थिबोङ्ङाङ् ने़त्छि, थुःम्बा ने़त्छि, तङ्बे थिक् के़गे़प्पा थिबोङ्ङाङ् सिलि कुम्बाबा मे़ल्लुक्हाॽ खिनिॽ तोःन्दे़म्सिम्सिम्मे़ॽ॥ कन्हाॽ के़रे़क् मे़ङ्गाःम्मनाबा मे़बोङ्ल पोङ्ॽ॥ 18 खे़न्नु सोरिक्पा पोगुगे़न् कुजा सिदुङ्जभा नु सेजःङ्वा सिदुङ्जभा पित्सात्हाॽ, थुःम्बाहाॽ नु मे़ल्लुक्हाॽ खानिःत् कुइसिक् तोःम्दे़म्सिम्मे़ॽ॥ 19 खे़न्नु सोसोरिक् लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ कन् चक्मे़ल्लॽमनाबा मिधिङ्मनादेमनाबा सिदुङ्जभा, खे़न्नु सोरिक्पा पोगुगे़न् कुजा सिदुङ्जभा नु खे़न्नु सोरिक्पा सेजःङ्वा सिदुङ्जभाहाॽनुःल्ले़ वेॽ तोःन्दे़म्मे़ॽ॥ 20 “‘सुम्सिगेक्पा ये़न्नो थिबोङ्ङाङ् थिक् पित्सात्हाॽ, थुःम्बा ने़त्छि नु तङ्बे थिक् के़गे़प्पा थिबोङ्ङाङ् लिसि कुम्बाबा मे़ल्लुक्हाॽ तोःन्दे़म्सिम्मे़ॽ॥ कन्हाॽ के़रे़क् मे़ङ्गाःम्मनाबा मे़बोङ्ल पोङ्ॽ॥ 21 खे़न्नु सोरिक्पा पोगुगे़न् कुजा सिदुङ्जभान् नु सेजःङ्वा सिदुङ्जभा पित्सात्हाॽ, थुःम्बाहाॽ हे़क्क्याङ् मे़ल्लुक्हाॽ खानिःत् कुइसिक् तोःन्दे़म्सिम्मे़ॽ॥ 22 खे़न्नु सोसोरिक् लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ कन् चक्मे़ल्लॽए तोःम्मनाबा मिधिङ्मनादेमनाबा सिदुङ्जभाःन्, खे़न्नु सोरिक्पा पोगुगे़न् कुजा सिदुङ्जभा हे़क्क्याङ् सेॽजःङ्वाःन्नुःल्ले़ वेॽ तोःन्दे़म्मे़ॽ॥ 23 “‘लिसिगेक्पा ये़न्नो थिबोङ् पित्सात्हाॽ, थुःम्बा ने़त्छि नु तङ्बे थिक् के़गे़प्पा थिबोङ्ङाङ् लिसि कुम्बाबा मे़ल्लुक्हाॽ तोःन्दे़म्सिम्मे़ॽ॥ थक्साहाॽ के़रे़क् कुलाङ् कुहुक् मे़न्छक्मनाबा मे़ङ्गाःम्नाबा मे़बोङ्ल पोङ्ॽ॥ 24 खे़न्नु सोरिक्पा पोगुगे़न् कुजा सिदुङ्जभा नु सेजःङ्वा सिदुङ्जभा पित्सात्हाॽ, थुःम्बाहाॽ हे़क्क्याङ् मे़ल्लुक्हाॽ खानिःत् कुइसिक् तोःन्दे़म्सिम्मे़ॽ, 25 खे़न्नु सोसोरिक् लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ कन् चक्मे़ल्लॽए तोःम्मनाबा मिधिङ्मनादेमनाबा सिदुङ्जभा, खे़न्नु सोरिक्पा पोगुगे़न् कुजा सिदुङ्जभा खे़ब्याङ् सेजःङ्वा सिदुङ्जभानुःल्ले़ एःक् तोःन्दे़म्मे़ॽ॥ 26 “‘ङासिगेक्पा ये़न्नो फाङ्सि पित्सात्, थुःम्बा ने़त्छि नु तङ्बे थिक् के़गे़प्पा थिबोङ्ङाङ् लिसि कुम्बाबा मे़ल्लुक्हाॽ तोःन्दे़म्सिम्मे़ॽ॥ कन्हाॽ के़रे़क् कुलाङ् कुहुक् मे़न्छक्मनाबा मे़ङ्गाःम्नाबा मे़वाॽर पोङ्ॽ॥ 27 खे़न्नु सोरिक्पा पोगुगे़न् कुजा सिदुङ्जभा नु सेजःङ्वा सिदुङ्जभा पित्सात्हाॽ, मे़ल्लुक्हाॽ हे़क्क्याङ् थुःम्बाहाॽ खानिःत् कुइसिक् तोःन्दे़म्सिम्मे़ॽ॥ 28 खे़न्नु सोसोरिक् लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ कन् चक्मे़ल्लॽए तोःम्मनाबा मिधिङ्मनादेमनाबा सिदुङ्जभा, खे़न्नु सोरिक्पा पोगुगे़न् कुजा सिदुङ्जभा हे़क्क्याङ् सेजःङ्वा सिदुङ्जभाःन्नुःल्ले़ एःक् तोःन्दे़म्मे़ॽ॥ 29 “‘तुक्सिगेक्पा ये़न्नो ये़त्छि पित्सात्हाॽ, थुःम्बा ने़त्छि नु तङ्बे थिक् के़गे़प्पा थिबोङ्ङाङ् लिसि मे़ल्लुक्हाॽ तोःन्दे़म्सिम्मे़ॽ॥ कन्हाॽ के़रे़क् कुलाङ् कुहुक् मे़न्छक्मनाबा मे़ङ्गाःम्मनाबा पोङ्मा पोङ्ॽ॥ 30 खे़न्नु सोरिक्पा पोगुगे़न् कुजा सिदुङ्जभा नु सेजःङ्वा सिदुङ्जभा पित्सात्हाॽ, मे़ल्लुक्हाॽ हे़क्क्याङ् थुःम्बाहाॽ खानिःत् कुइसिक् तोःन्दे़म्सिम्मे़ॽ॥ 31 खे़न्नु सोसोरिक् लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ कन् चक्मे़ल्लॽए तोःम्नाबा मिधिङ्मनादेमनाबा सिदुङ्जभा, खे़न्नु सोरिक्पा पोगुगे़न् कुजा सिदुङ्जभा हे़क्क्याङ् सेजःङ्वा सिदुङ्जभाःन्नुःल्ले़ वेॽ तोःन्दे़म्मे़ॽ॥ 32 “‘नुसिगेक्पा ये़न्नो खिनिॽ नुसि पित्सात्हाॽ, मे़ल्लुक् ने़त्छि नु तङ्बे थिक् के़गे़प्पा थिबोङ्ङाङ् लिसि थुःम्बाहाॽ तोःन्दे़म्सिम्मे़ॽ॥ कन्हाॽ के़रे़क् कुलाङ् कुहुक् मे़न्छक्मनाबा मे़ङ्गाःम्नाबा पोङ्मा पोङ्ॽ॥ 33 खे़न्नु सोरिक्पा पोगुगे़न् कुजा सिदुङ्जभान् नु सेजःङ्वा सिदुङ्जभा पित्सात्हाॽ, थुःम्बाहाॽ हे़क्क्याङ् मे़ल्लुक्हाॽ खानिःत् कुइसिक् तोःन्दे़म्सिम्मे़ॽ॥ 34 खे़न्नु सोसोरिक् लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ कन् चक्मे़ल्लॽए तोःम्मना मिधिङ्मनादेमनाबा सिदुङ्जभा, खे़न्नु सोरिक्पा पोगुगे़न् कुजा सिदुङ्जभा हे़क्क्याङ् सेजःङ्वा सिदुङ्जभाःन्नुःल्ले़ वेॽ तोःन्दे़म्मे़ॽ॥ 35 “‘ये़त्छिगेक्पा ये़न्नो खिनिॽ लत्छा सेसे चुम्लुङ् पोङ्ल, खे़ब्याङ् खिनिॽ थिक्याःम्धक् के़जोगुम्बा थे़मा याःम्बक्काङ् मे़जोगे़म्मिन्ने़ॽ॥ 36 यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा कुनाम् पोङ्ल फाॽआङ् पोगुगे़न् कुजा सिदुङ्जभान् मिधिङ्मनादेमनाबा सिदुङ्जभाःल्ले़ लागि पित्सात् थिक्, थुःम्बाधिक् नु तङ्बे थिक् के़गे़प्पा कुम्बाबा मे़ल्लुक् नुसि तोःन्दे़म्सिम्मे़ॽ॥ खे़ङ्हाॽ के़रे़क् कुलाङ् कुहुक् मे़न्छक्मना मे़ङ्गाःम्नाबा मे़बोङ्ल पोङ्ॽ॥ 37 खे़न्नु सोरिक्पा पोगुगे़न् कुजा सिदुङ्जभान् नु सेजःङ्वा सिदुङ्जभा पित्सात्, मे़ल्लुक् हे़क्क्याङ् थुःम्बाहाॽ खानिःत् कुइसिक् तोःन्दे़म्सिम्मे़ॽ॥ 38 खे़न्नु सोसोरिक् लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक्काङ् तोःन्दे़म्मे़ॽ॥ कन् चक्मे़ल्लॽए तोःम्मनाबा मिधिङ्मनादेमनाबा सिदुङ्जभा, खे़न्नु सोरिक्पा पोगुगे़न् कुजा सिदुङ्जभा हे़क्क्याङ् सेजःङ्वा सिदुङ्जभाःन्नुःल्ले़ एःक् तोःन्दे़म्मे़ॽ॥ 39 “‘खिनिॽ माङ्हुप् के़जोगुम्बा नु आप्फेक् निङ्वाॽरे़ के़दोःन्दुम्बा सिदुङ्जभाःन्नुःल्ले़ वेॽ मिधिङ्मनादेमनाबा सिदुङ्जभाहाॽ, पोगुगे़न् कुजा सिदुङ्जभाहाॽ, सेजःङ्वा सिदुङ्जभाहाॽ खम्भ्याङ् तङ्जुम् सिदुङ्जभाहाॽ खिनिॽ निःन्धो के़बोङ्बा तङ्नाम्हाॽओ यहवे दाङ्बाओ तोःन्दे़म्मे़ॽ॥’” 40 यहवे दाङ्बे़ल्ले़ मोसान् इङ्जाङ् पिरुबा कुइसिक् के़रे़क् पाःन्हाॽ मोसाःल्ले़ इस्राइलिहाॽ मे़त्तुसिरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.