खानिःत् 1 - लिम्बुइस्राइलिहाॽरे़ खुन्छिॽ थिक्सिगेक्पा याम्नाःत्निःत् 1 इस्राइलिहाॽ मिस्र लाजेॽलाम् मे़भे़रे़बा निसिगेक्पा तङ्बेओबा निसिगेक्पा लाःल्ले़ थिक्सिगेक्पा ये़न्नो सिनैबा मुरे़क् खारे़क् थेआङ् के़होःप्पादे़न्नोबा तुम्मादे़न् साःङ्गाहिम्मो यहवे दाङ्बे़न् मोसाःन्नु पारे़॥ 2 खुने़ॽ मे़त्तु, “के़रे़क् इस्राइलि सङ्जुम्भोओ ये़म्बित्छाहाॽरे़ खुनिॽ याम्नाःत्निःत्ते़न् खे़ङ्हाॽरे़ खुन्छिॽ थाःक्थाःक् नु हिम्सयङ् कुइसिक् लत्थिक्काङ् मेःन्ने के़रे़क्ले़ खुन्छिॽ मिङ् साप्ते़ॽ॥ 3 इस्राइलओ निबोङ् तङ्बे नु खे़न्नुःल्ले़ थोबा थङ्ङो पेःक्मा के़सुक्पा के़रे़क् ये़म्बित्छाहाॽ हारुने़न् नु खे़ने़ॽ कुलुप् कुलुप् चोगे़ॽसे़ॽआङ् निरे़से़ॽ॥ 4 के़रे़क् थाःक्लाम्बा लत्छा लत्छा मना, के़रे़क्ले़ आबाङे खुन्छिॽ हिम्सयङ्बा लाम्लोबे़ल्ले़ खे़निॽ के़भाॽरिर॥ 5 खे़निॽ फाॽबाङ्हाॽरे़ खुन्छिॽ मिङ्हाॽ हाबा कन्हाॽएरो— “रुबेनरे़ कुधाःक्लाम् सदेउररे़ कुस्सा एलिसुर, 6 सिमियोनरे़ कुधाःक्लाम् सुरिसद्दैरे़ कुस्सा सलुमिएल॥ 7 यहुदारे़ कुधाःक्लाम् अम्मिनादाबरे़ कुस्सा नहसोन, 8 इस्साखाररे़ कुधाःक्लाम् सुआररे़ कुस्सा नतनेल, 9 जबलुनरे़ कुधाःक्लाम् हेलोनरे़ कुस्सा एलिआब, 10 युसुफरे़ कुस्साहाॽलाम्— इफ्राइमरे़ कुधाःक्लाम् अम्मिहुदरे़ कुस्सा एलिसामा, मनस्सेरे़ कुधाःक्लाम् पदासुररे़ कुस्सा गमलिएल, 11 बेन्यामिनरे़ कुधाःक्लाम् गिदेओनिरे़ कुस्सा अबिदान, 12 दानरे़ कुधाःक्लाम् अम्मिसद्दैरे़ कुस्सा अहिएजेर, 13 आसेररे़ कुधाःक्लाम् ओक्रानरे़ कुस्सा पगिएल, 14 गादरे़ कुधाःक्लाम् दुएलरे़ कुस्सा एल्यासाप, 15 नप्तालिरे़ कुधाःक्लाम् एनानरे़ कुस्सा अहिर॥” 16 इस्राइलि सङ्जुम्भोलाम् खुन्छिॽ आप्फेक् आप्फेक् पाधाःक् लाम्बाबा लाम्लोबाहाॽ कन्हाॽए मे़वये़॥ 17 कन् थाःङ् खुन्छिॽ मिङ् साप्ते़आङ् के़बप्पा मनाहाॽ मोसान् नु हारुने़ल्ले़ याङ्ने़सि, 18 हे़क्क्याङ् निसिगेक्पा लाःल्ले़ थिक्सिगेक्पा ये़न्नो के़रे़क् सङ्जुम्भोःन् खे़ङ्हाॽरे़ सोरिक् मे़भुक्खुसि॥ मनाहाॽरे़ खुन्छिॽ आप्फेक् आप्फेक् थाःक्थे़बाहाॽरे़ खुन्छिॽ थाःक् नु हिम्सयङ्हाॽ मे़दोन्दुसि, हे़क्क्याङ् निबोङ् तङ्बे के़गे़प्पा नु खे़न्नुःल्ले़आङ् थोबा के़रे़क्ले़ खुन्छिॽ मिङ्हाॽ मे़साप्तु॥ 19 हे़क्क्याङ् यहवे दाङ्बे़ल्ले़ इङ्जाङ् पिरुसिबा कुइसिक् मोसाःल्ले़ सिनैबा मुरे़क् खारे़क् थेआङ् के़होप्पादे़न्नो खे़ङ्हाॽ निरुसि॥ 20 इस्राइलरे़ कुस्सा तुम्बा रुबेनरे़ कुमुॽइदाङ्सालाम्— निबोङ् के़गे़प्पा नु खे़न्नुःल्ले़आङ् थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 21 रूबे़न रे़ कुधाःक्लाम्बाबा खुन्छिॽ खानिःत्तिन् ४६, ५०० मे़वये़॥ 22 सिमियोनरे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्हाॽ खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 23 सिमियोनरे़ कुधाःक्लाम्बाबा खानिःत्तिन् ५९,३०० मे़वये़॥ 24 गादरे़ कुमुॽइदाङ्सालाम्— तङ्बे निबोङ् नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 25 गादरे़ कुधाःक्लाम्बाबा खानिःत्तिन् ४५, ६५० मे़वये़॥ 26 यहुदारे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 27 यहुदारे़ कुधाःक्लाम्बाबा खानिःत्तिन् ७४, ६०० मे़वये़॥ 28 इस्साखाररे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 29 इस्साखाररे़ कुधाःक्लाम्बाबा खानिःत्तिन् ५४, ४०० मे़वये़॥ 30 जबलुनरे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 31 जबलुनरे़ कुधाःक्लाम्बाबा खानिःत्तिन् ५७,४०० मे़वये़॥ 32 युसुफरे़ कुस्साहाॽलाम्— एफ्राइमरे़ कुमुॽइदाङ्सालाम्— तङ्बे निबोङ् नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 33 इफ्राइमरे़ कुधाःक्लाम्बाबा खानिःत्तिन् ४०,५०० मे़वये़॥ 34 मनस्सेरे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बिम्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 35 मनस्सेरे़ कुधाःक्लाम्बाबा खानिःत्तिन् ३२, २०० मे़वये़॥ 36 बेन्यामिनरे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 37 बिन्यामिनरे़ कुधाःक्लाम्बाबा खानिःत्तिन् ३५, ४०० मे़वये़॥ 38 दानरे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 39 दानरे़ कुधाःक्लाम्बाबा खानिःत्तिन् ६२, ७०० मे़वये़॥ 40 आसेररे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 41 आसेररे़ कुधाःक्लाम्बाबा खानिःत्तिन् ४१, ५०० मे़वये़॥ 42 नप्तालिरे़ कुमुॽइदाङ्सालाम्— निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽरे़ खुन्छिॽ मिङ्ङिन् खे़ङ्हाॽरे़ खुन्छिॽ पाधे़बाहाॽरे़ खुन्छिॽ थाःक् नु हिम्सयङ् कुइसिक् मे़साप्तु॥ 43 नप्तालिरे़ कुमुॽइदाङ्सालाम्बाबा खानिःत्तिन् ५३, ४०० मे़वये़॥ 44 आप्फेक् आप्फेक् थाःक्कोबा इस्राइलबा थिबोङ्ङाङ् ने़त्छि थाःक्लाम्लोबाहाॽ हे़क्क्याङ् मोसान् नु हारुने़ल्ले़ निरे़सुबा खक्पे़त् मनाहाॽरे़ खुनिॽ खानिःत्तिन् हाबा कन्हाॽए मे़वये़रो॥ 45 निबोङ् तङ्बे नु खे़न्नुःल्ले़ थोबा ते़न्धङ्ङो पेःक्मा के़सुक्पा के़रे़क् ये़म्बित्छाहाॽ खुन्छिॽ आप्फेक् आप्फेक् हिम्सयङ् कुइसिक् मे़निरुसि॥ 46 खे़ङ्हाॽरे़ खुनिॽ खानिःत्तिन् के़रे़क्ले़ ६,०३,५५० मे़वये़॥ 47 ले़बिरे़ कुधाःक्किन् वेॽहाॽनु मे़न्निरुसिन्॥ 48 थेआङ्भे़ल्ले़ यहवे दाङ्बे़ल्ले़ मोसान् मे़त्तुआङ् वये़, 49 “ले़बिरे़ कुधाःक्किन् मे़निरे़न्ने़ॽ, हे़क्क्याङ् इस्राइलिहाॽनु सोसोरिक् खे़ङ्हाॽरे़ खुन्छिॽ खानिःत् मे़जोगे़न्ने़ॽ॥ 50 कर खे़ने़ॽ ले़बिहाॽ माङ्हुप् साप्लुङ् के़याक्पा सन्दोक् के़युङ्बा साःङ्गाहिम्मो नु खे़प्मोबा के़रे़क् सामा चिगक्वा ओमे़प्मा याःम्बक्को मुरामे़त्ते़से़ॽ॥ साःङ्गाहिम्मिन् खे़प्मोबा के़रे़क् सामा चिगक्वाहाॽआङ् खे़ङ्हाॽरे़ए मे़बक्खुर॥ खे़ङ्हाॽरे़ खे़न् सामा चिगक्वाहाॽ ओमे़मे़त्तुर॥ खे़ङ्हाॽरे़ खुन्छिॽ खिङ्मनाबा साःङ्गाहिम्हाॽ खे़न् साःङ्गाहिम्मिल्ले़ए कब्रिङ् पिसाङ् मे़जोगुर॥ 51 साःङ्गाहिम्मिन् तगि मे़देॽरुल्ले़ ले़बिहाॽरे़ खे़न् मे़आःक्खुर, हे़क्क्याङ् साःङ्गाहिम् फोङ्मा ये़म्मो ले़बिहाॽरे़ए खे़न् मे़भोःक्खुर॥ साःङ्गाहिम् पिसाङ् के़दाबा ले़बिहाॽनुःल्ले़ एयाङ्बा मनान् से़रे़म्मे़ॽ॥ 52 इस्राइलिहाॽरे़ आप्फेक् आप्फेक् खुन्छिॽ मनासुम्मोबा नु खुन्छिॽ आबाङे निसाःल्ले़ कुया कुया खुन्छिॽ खिङ्मनाबा साःङ्गाहिम् मे़जोगुर॥ 53 कर ले़बिहाॽरे़ माङ्हुप् साप्लुङ् के़याक्पा सन्दोक् के़युङ्बा साःङ्गाहिम् कब्रिङ् पिसाङ् माङ्हुप् साप्लुङ् के़याक्पा सन्दोक् के़युङ्बा साःङ्गाहिम् खुन्छिॽ खिङ्मनाबा मे़जोगुर, हे़क्केलॽरिक् इस्राइलिहाॽरे़ खुन्छिॽ सङ्जुम्भो सम्धाङ् यहवे दाङ्बे़ल्ले़ कुसाक्के़न्निन् मे़धाने़न्ल॥ ले़बिहाॽरे़ए तोःन्दि पिमा साःङ्गाहिम्मिन् कोमा ओमे़प्मा याःम्बक् मे़जोगुर॥” 54 खे़ल्ले़चोगुल्ले़ यहवे दाङ्बे़ल्ले़ मोसान् पिरुबा के़रे़क् इङ्जाङ्हाॽ कुइसिःक्के इस्राइलिहाॽरे़ मे़जोगुरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.