नहेम्याह 7 - लिम्बु1 लुङ्धाक्किन् से़प्मा चुरे़, हे़क्क्याङ् लाम्धेःप्पाहाॽ आबाङे कुये़प्नादे़न्हाॽओ ये़प्सुङ्ङाङ् ये़बे़॥ खे़ब्याङ् लाम्धेत् के़गोबाहाॽ, सेसे से़वासाम्लो साम्गे़मे़प्पाहाॽ नु ले़बिहाॽ आबाङे खुनिॽ याःम्बक्को मे़भत्छुसिआङ् मे़वये़॥ 2 आङ्गाॽ आन्साॽ हनानिन् हाङ्यक्कोबा थक्तुम्बा हनन्याहःन्नु सोरिक् यरुसले़म ये़क्यक्को युक् चोःक्मारे़ लागि सेःक्युक् चोगुङ्सिङ्॥ थेआङ्भे़ल्ले़ खुने़ॽ वेॽ मनाहाॽनुःल्ले़ साॽरिक् निङ्वाॽइरे़ खोःप्तुबा नु निङ्वाॽफुमाङ्ङिन् के़गिप्पा मना वये़॥ 3 आङ्गाॽ खे़ङ्हाॽ मे़त्तुङ्सिङ्, “यरुसले़म ये़क्यक्कोबा लाम्धेःप्पाहाॽ तानाम् माङ्भा नाम् थोधो के़त्ताङ्लक् हन्दे़म्मे़ॽ॥ हे़क्क्याङ् युःन्छिक् लाम्धेत् के़गोबाहाॽ मे़वाॽरए लाम्धेःप्पाहाॽ सुबे़म्मे़ॽआङ् नुरिक्काङ् आग्लोहाॽ ए़त्ते़म्मे़ॽ॥ कुभा इक्कोमारे़ लागि हे़क्क्याङ् कुभारे़ चैं आबाङे हिम् कम्ब्राङ् मे़प्मारे़ लागि यरुसले़म ये़क्यक्को के़युङ्बाहाॽए सेःक्युक् चोगे़म्सिम्मे़ॽओ॥” थङ्ङो मे़दे़म्सु मे़देॽरुसिबा के़नुःङ्बाहाॽरे़ खुनिॽ थामिङ् ( ए़ज्रा २:१-७० ) 4 यरुसले़म ये़क्यक्किन् यम्बा नु ताम्दाम्बा चोगे़, कर खे़प्मो के़वाॽबा मनाहाॽ सुःल्लिक् मे़वये़॥ के़लुःम्बा हिम्हाॽ आरसाङ् याम्मो मे़न्जोःक्के ने़स्से़॥ 5 कल्ले़चोगुल्ले़ मनाहाॽ, लाम्लोबाहाॽ, सुहाङ्युक्पाहाॽ नु खे़ङ्हाॽरे़ खुनिॽ हिम्सयङ्हाॽ सुम्मासिआङ् खुन्छिॽ मिङ् साप्मारे़ लागि निङ्वाॽफुमाङ्ङिल्ले़ आङ्गाॽ निङ्वाॽ पिराङ्॥ आङ्गाॽ के़रे़क्नुःल्ले़ तगि थङ्ङो पुङ्लाधाबा मे़जोगु मे़देॽरुसिबालाम् मे़ले़रुसिआङ् के़नुःङ्बाहाॽरे़ खुनिॽ मिङ्स्राःल्ले़ साप्पन्निन् खोसुङ्॥ खे़प्मो आङ्गाॽ कन् पाःन्हाॽ साप्ते़आङ् पत्छे़बा खोसुङ्— 6 बेबिलोनबा हाङ् नबुकदनेसरे़ल्ले़ पुङ्लाधाबा चोगु तेॽरुसिबाहाॽओ यरुसले़म नु यहुदाबा आबाङे ये़क्यक्हाॽओ के़नुःङ्बाआङ् के़भे़म्बा मनाहाॽ हाबा कन्हाॽरो॥ 7 खुन्छिॽ लाम्लोबाहाॽ यरुबाबेल, येसुआ, नहेम्याह, अजर्याह, राम्याह, नहमानि, मोर्दकै, बिल्सान, मिसपेरेत, बिग्वै, नेहुम हे़क्क्याङ् बानाहसि मे़वये़॥ पुङ्लाहिम्लाम्बा के़नुःङ्बा के़भे़म्बा इस्राइलिहाॽरे़ खुनिॽ थाःक्थाःक्ले़ मिङ् नु खानिःत्तिन् अक्तङ्बा वाॽ— 8 परोसरे़ कुधाःक्हाॽ—२,१७२ 9 सपत्याह—३७२ 10 आरा—६५२ 11 पहत-मोआब (येसुआ नु योआबरे़ खुन्छिॽ मुॽइदाङ्साहाॽ)—२,८१८ 12 एलाम—१,२५४ 13 जत्तु—८४५ 14 जक्कै—७६० 15 बिन्नुइ—६४८ 16 बेबै—६२८ 17 अज्गाद—२,३२२ 18 अदोनिकाम—६६७ 19 बिग्वै—२,०६७ 20 आदिन—६५५ 21 आतेर (खे़न्निन् हिजकियाआङ् मे़मे़त्तु)—९८ 22 हासुम—३२८ 23 बेजै—३२४ 24 हारिप—११२ 25 गिबोन—९५ आबाङे पाधे़बाहाॽरे़ खुनिॽ ये़क्यक्को मनाहाॽ कम्भलॽरिक् मे़नुःक्खे़र मे़बत्छे़— 26 बेथले़हे़म नु नतोपा—१८८ 27 अनातोतओ—१२८ 28 बेथ—अज्मावेतओ—४२ 29 किर्यत-यारिम्मो, कपिरा नु बेरोतओ—७४३ 30 रामा नु गेबाओ—६२१ 31 मिकमासओ—१२२ 32 बेथेल नु ऐओ—१२३ 33 वेॽ ने़बोओ—५२ 34 वेॽ एलाम्मो—१,२५४ 35 हारिम्मो—३२० 36 यरिहोओ—३४५ 37 लोद, हादिद नु ओनोओ—७२१ 38 सेनाहओ—३,९३० 39 मे़दे़म्सु मे़देॽरुसिबालाम् के़नुःङ्बा निङ्वाॽफुसाम्बाहाॽरे़ खुनिॽ थाःक्हाॽ अक्तङ्बा मे़जोगे़— यदायाःल्ले़ (येसुअरे़ कुमुॽइदाङ्साहाॽ)—९७३ 40 इम्मेरे़ल्ले़ कुस्सा—१,०५२ 41 पसहुरे़ल्ले़ कुस्सा—१,२४७ 42 हारिमिल्ले़ कुस्सा—१,०१७ 43 मे़दे़म्सु मे़देॽरुसिबालाम् के़नुःङ्बा ले़बिहाॽरे़ खुनिॽ थाःक्हाॽ— येसुआ नु कादमिएलरे़ खुन्छिॽ हिम्सयङ् (होदबियारे़ कुमुॽइदाङ्साहाॽ)—७४ 44 माङ्हिम्मो साम्गे़लोबा— (आसापरे़ कुमुइॽदाङ्साहाॽ)—१४८ 45 लाम्धेत् के़गोबाहाॽ— (सल्लुम, आतेर, तल्मोन, अक्कुब, हतिता नु सोबैरे़ खुनिॽ मुॽइदाङ्साहाॽ)—१३८ 46 मे़दे़म्सु मे़देॽरुसिबालाम् के़नुःङ्बा माङ्हिम्मो से़वा के़जोःक्पाहाॽ— खुनिॽ थाःक्हाॽ— सिहा, हसुपा, तब्बाओत, 47 कोरेस, सिआ, पादोन, 48 ले़बाना, हगाबा, सल्मै, 49 हानान, गिद्देल, गहर, 50 रायाह, रसिन, नकोदा, 51 गज्जाम, उज्जा, पसेह, 52 बेजै, मोनिम, नेपुसिम, 53 बक्बुक, हकुपा, हर्हुर, 54 बस्लुत, महिदा, हर्सा, 55 बर्कोस, सिसरा, तेमह, 56 नसिह नु हतिपा 57 मे़दे़म्सु मे़देॽरुसिबालाम् के़नुःङ्बा सोलोमनरे़ कुसे़वारोबाहाॽ— खुनिॽ थाःक्हाॽ— सोतै, सोपेरेत, पारिद, 58 याला, दर्कोन, गिद्देल, 59 सपत्याह, हत्तिल, पोकेरेत-हसेबायिम हे़क्क्याङ् आमोन 60 मे़दे़म्सु मे़देॽरुसिबालाम् के़नुःङ्बा माङ्हिम्मोबा से़वारोबा नु सोलोमनरे़ कुसे़वारोबाहाॽरे़ खुनिॽ के़रे़क् खानिःत्तिन्३९२ 61 तेल-मेलह, तेल-हर्सा, करुब, आदोन नु इम्मेर मे़प्मनाबा ये़क्यक्हाॽलाम्बा के़नुःङ्बा के़दाबा मे़वये़ कर खे़ङ्हाॽरे़ आनिगे इस्राइलरे़ कुमुॽइदाङ्सादिगे़ फाॽआङ् तसि पिमा मे़न्छुक्तुन्— 62 खुनिॽ थाःक्हाॽ दलायाह, तोबिया नु नकोदा—६४२ 63 हे़क्क्याङ् निङ्वाॽफुसाम्बा लुम्मोलाम्— खुनिॽ थाःक्हाॽ— होबाया, हक्कोस नु बर्जिल्लै हिम्सयङ्हाॽरे़ थामिङ्ङो आबाङे थाःक्हाॽरे़ खुनिॽ मिङ् खोमा मे़न्छुक्तुन् (निङ्वाॽफुसाम्बा थाःक्कोबा लत्छा ये़म्बित्छा साधिक्ले़ गिलादबा लत्छा बर्जिल्लै मे़न्छुमाधिक् ते़न्धाम् मेःक्खिम् मे़त्तु॥ हे़क्क्याङ् कुमेत् ले़प्माङ्बा बर्जिल्लै हिम्सयङ्बा मिङ्ङिन् मिङ् वाःन्छिङ्ङाङ् वये़ खे़ब्याङ् खे़ल्ले़ कुधाःक्मिङ् बर्जिलै पोःक्खे़आङ् वये़)॥ 64 खे़ङ्हाॽरे़ आबाङे खुनिॽ थाःक्हाॽरे़ याःम्बेओ तसि पिमा मे़न्छुक्तुम्बाल्ले़ चोगुल्ले़ खे़ङ्हाॽ आसुत्थो मे़बोःक्खे़बा हे़क्के निङ्वाॽफुसाम्बासि फाॽआङ् मे़न्दाःक्तुसिन्॥ 65 “उरिम” नु “तुम्मिम” याङ्मा के़सुक्पा निङ्वाॽफुसाम्बा हाःत्ताङ् होःप्ते़॥ खे़ल्ले़चोगुल्ले़ उरिम नु तुम्मिन्मे़न् याङ्मा मे़क्छुक्के़ थारिक् निङ्वाॽफुसाम्बा थाःक्को खुन्छिॽ मिङ् मे़म्बप्मनाबाहाॽरे़ निङ्वाॽफुमाङ्ङो तोःम्मनाबा सिदुङ्जभान् चामा मे़न्छुक्तुन् के़लॽबा इङ्जाङ् यहुदि तुम् सुहाङ्युक्पाल्ले़ पिरुसि॥ 66 के़नुःङ्बा के़भे़म्बा पुङ्लाधाबाहाॽरे़ खुनिॽ के़रे़क् खानिःत्तिन् ४२,३६० वये़रो॥ 67 खे़ङ्हाॽरे़ खुनिॽ से़वारोबा नु से़वारोमाहाॽ—७,३३७ ये़म्बित्छा नु मे़न्छुमा साम्गे़लोबाहाॽ—२४५ 68 अन्हाॽ—७३६ अन्योक्हाॽ—२४५ 69 उमेहाॽ—४३५ हे़क्क्याङ् पाङ्बुत्हाॽ ६,७२० मे़वये़॥ 70 यरिक् हिम्सयङ्बा लाम्लोबाहाॽरे़ माङ्हिम् चोःक्मा याःम्बक्को याङ्साकुन्धे मे़लःत्तुआङ् मे़भाॽरुसि— तुम् सुहाङ्युक्पाल्ले़ ८ किलो साम्म्याङ्, ५० माङ्घमाल्ले़ याङ्मनाबा खर्बा, ५३० निङ्वाॽफुसाम्बाल्ले़ चाङ्मनाबा तेत् 71 थाःक्थाःक्कोबा लाम्लोबाहाॽरे़ १६८ किलो साम्म्याङ्, १,२५० किलो युप्पा 72 वेॽ मनाहाॽरे़ १६८ किलो साम्म्याङ्, १,०४० किलो युप्पा, ६७ निङ्वाॽफुसाम्बाल्ले़ कुजाङ्मा तेत्॥ 73 निङ्वाॽफुसाम्बाहाॽ, ले़बिहाॽ, लाम्धेत् के़गोबाहाॽ, साम्गे़लोबाहाॽ, वेॽ कुभा मनाहाॽ, माङ्हिम्मो याःम्बक् के़जोःक्पाहाॽ हे़क्क्याङ् खे़न्नाङ्योबा के़रे़क् इस्राइलबा मनाहाॽ यहुदाबा ये़क्यक् नु पाङ्भेॽहाॽओ मे़युङे़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.