यहोसु 19 - लिम्बुसिमियोनरे़ खोसुबा लाजेॽ लक् 1 निसिगेक्पा तॽयाःन्सोन्निन् सिमियोनरे़, इग्र सिमियोनरे़ कुधाःक्हाॽरे़ खुन्छिॽ मिङ्ङो खे़ङ्हाॽरे़ खुन्छिॽ हिम्सयङ् कुइसिक् थ्ये़॥ खे़ङ्हाॽरे़ खुन्छिॽ लक्खोमान् यहुदाःल्ले़ कुधाःक्हाॽरे़ खुन्छिॽ लक्खोमाल्ले़ कुलुम्मो चुक्ते़॥ 2 खे़ङ्हाॽरे़ खुन्छिॽ लक्खोमा मे़घोसुबान् हाबा कन्हाॽएरो—बेर्सेबा (इग्र सेबा), मोलादा, 3 हसर-सुआल, बाला, एसेम, 4 एल्तोलद, बतुल, होर्मा, 5 सिक्लग, बेथ-मर्काबोत, हसर-सुसा, 6 बेथ-लबाओत नु सारुहेन॥ खे़प्मोबा पाङ्भेॽहाॽनु सोसोरिक् थिबोङ्ङाङ् सुम्सि ये़क्यक्हाॽ ने़स्से़॥ 7 ऐन, रिम्मोन, एतेर नु आसान्॥ खे़प्मोबा पाङ्भेॽहाॽनु सोसोरिक् लिसि ये़क्यक्हाॽ ने़स्से़॥ 8 हे़क्क्याङ् खे़न् ये़क्यक्हाॽओबा कब्रिङ् पिसाङ्बा के़रे़क् पाङ्भेॽहाॽ बालात-बेअर, इग्र नेगेव मे़प्मनाबा इग्र लाङ्गे़त् ले़प्माङ्बा लाजेॽ रामा थारिक्के ने़स्से़रो॥ सिमियोनरे़ कुधाःक्हाॽरे़ खुन्छिॽ लक्खोमान् खुन्छिॽ हिम्सयङ् कुइसिक् हाबा कन्हाॽएरो॥ 9 यहुदाःल्ले़ कुमुॽइदाङ्साहाॽरे़ खुन्छिॽ लक्कोलाम्बाए सिमियोनरे़ कुधाःक्हाॽरे़ लक्खोमा मे़घोसुआङ् ने़स्से़रो, थेआङ्भे़ल्ले़ यहुदाःल्ले़ कुमुॽइदाङ्साहाॽरे़ खुन्छिॽ चाहा मे़जोगे़बानुःल्ले़ यरिक् लक्मे़घोसुआङ् ने़स्से़॥ कल्ले़चोगुल्ले़ सिमियोनरे़ कुमुॽइदाङ्साहाॽरे़ यहुदाःल्ले़ कुलक्कोए लक्खोमा युक् मे़घोसुआङ् ने़स्से़रो॥ जबुलुनरे़ कुलक् 10 सुम्सिगेक्पा तॽयाःन्सोन्निन् जबुलुनरे़ कुमुॽइदाङ्हाॽरे़ खुन्छिॽ मिङ्ङो खे़ङ्हाॽरे़ खुन्छिॽ हिम्सयङ् कुइसिक् कम्भलॽरिक् थ्ये़—खे़ङ्हाॽरे़ खुन्छिॽ लक्खोमा मे़घोसुबा इःन्दोन् सारिद थारिक् ने़स्से़रो॥ 11 हे़क्क्याङ् खे़ङ्हाॽरे़ खुन्छिॽ इःन्दोन् मरला थे़म्बा पोरे़आङ् दब्बेसेत थारिक् के़रे़ खम्भ्याङ् योक्नाम तगिबा यहःङ् थारिक् के़रे़आङ् ने़स्से़॥ 12 खे़न् इःन्दोन् सारिदलाम् याम्मो नाङ्गे़न् ले़प्माङ् किस्लोथबोररे़ कइःन्दोन् थारिक् नाङ्गे़न् ले़प्माङ् हिसिङ्ङाङ् ने़स्से़॥ खे़न् दाबरतओ लःन्दे़आङ् यापि थारिक् थोःक्सिङ्बेआङ् ने़स्से़॥ 13 खे़प्मोलाम् खे़न् नाङ्गे़न् ले़प्माङ् पेआङ् गात-हेपेर नु इथ-कासिन थारिक् लस्सुर रिम्मोन थारिक् के़रे़ हे़क्क्याङ् नेआ ले़प्माङ् पेआङ् ने़स्से़॥ 14 खे़ब्याङ् खे़न् इःन्दोन् हन्नतोन ले़प्माङ् थाङ्गे़त् हिसिङ्ङाङ् यिप्ताहएलबा ने़ने़बादे़न्नो के़रे़आङ् ने़स्से़रो॥ 15 खे़न् इःन्दोओ काथाथ, नहलल, सिम्रोन, इदलाह नु बेथले़हे़म्मिन्नाङ् ने़स्से़॥ खे़प्मोबा पाङ्भेॽहाॽनु सोसोरिक् थिबोङ्ङाङ् ने़त्छि ये़क्यक्हाॽ ने़स्से़॥ 16 खे़ङ्हाॽरे़ खुन्छिॽ हिम्सयङ् कुइसिक् जबुलुनरे़ कुधाःक्हाॽरे़ खुन्छिॽ लक्खोमा लक्कोबा ये़क्यक्हाॽ खे़प्मोबा पाङ्भेॽहाॽनु सोसोरिक् हाबा कन्हाॽएरो॥ इस्साखाररे़ कुलक् 17 लिसिगेक्पा तॽयाःन्सोन्निन् इस्साखाररे़ कुमुॽइदाङ्साहाॽरे़ खुन्छिॽ मिङ्ङो खे़ङ्हाॽरे़ खुन्छिॽ हिम्सयङ् कुइसिक् अक्खेलॽरिक् थ्ये़रो— 18 खे़ङ्हाॽरे़ खुन्छिॽ इःन्दोन् यिजरेल, कसुल्लोत, सुनेम, 19 हपरैम, सिओन, अनाहारत, 20 रब्बित, किस्योन, एबेस, 21 रेमेत, एन-गन्निम, एन-हद्दा नु बेथ-पसेस पोःक्खे़र 22 खे़न् इःन्दोन् तबोर, सहसुमा नु बेथ-सेमेस थारिक् के़रे़आङ् यर्दनओ नुबे़आङ् ने़स्से़॥ खे़प्मोबा पाङ्भेॽहाॽनु सोसोरिक् थिबोङ्ङाङ् तुक्सि ये़क्यक्हाॽ ने़स्से़रो॥ 23 खे़ङ्हाॽरे़ खुन्छिॽ हिम्सयङ् कुइसिक् इस्साखाररे़ कुधाःक्हाॽरे़ खुन्छिॽ लक्खोमा लक्कोबा ये़क्यक्हाॽ खे़प्मोबा पाङ्भेॽहाॽनु सोसोरिक् हाबा कन्हाॽएरो॥ आसेररे़ कुलक् 24 ङासिगेक्पा तॽयाःन्सोन्निन् आसेररे़ कुधाःक्हाॽरे़ खुन्छिॽ लागि खे़ङ्हाॽरे़ खुन्छिॽ हिम्सयङ् कुइसिक् अक्खेलॽरिक् थ्ये़रो— 25 खे़ङ्हाॽरे़ खुन्छिॽ इःन्दोन् हेल्कत, हलि, बेतेन, अछ्याप, 26 अल्लम्मेलेक, अमाद, मिसाल नु नाम्धा कर्मेल ले़प्माङ् सिहोर-लिब्नात थारिक् के़रे़आङ् ने़स्से़॥ 27 हे़क्क्याङ् खे़न् नाङ्गे़न् ले़प्माङ् हिसिङ्ङाङ् बेथ-दागोन ले़प्माङ् पेआङ् जबलुन नु यिप्ताहएलबा ने़ने़बादे़न् थारिक् के़रे़आङ् ने़स्से़, हे़क्क्याङ् बेथ-एमेक नु निएल थाङ्गे़त् ले़प्माङ् पेआङ् खे़न् फे़ङ्वा ले़प्साङ् काबुलओ लःन्दे़आङ् ने़स्से़॥ 28 खे़न् इःन्दोन् एब्रोन, रहोब, हम्मोन नु कना पोःक्खे़आङ् यम्बा सिदोन थारिक् के़रे़आङ् ने़स्से़॥ 29 हे़क्क्याङ् खे़न् इःन्दोन् रामा नु लुङ्धाक् के़ये़प्पा तुरोस ये़क्यक् ले़प्माङ् हिसिङ्ङाङ् ने़स्से़॥ खे़न् इःन्दोन् याम्मो होसा ले़प्माङ् हिसिङ्ङाङ् अक्जिब, उम्मा, अपेक नु रहोब निःत्ताङ्बा लुम्बा वरःङ्ङो नुबे़आङ् ने़स्से़॥ 30 खे़प्मोबा पाङ्भेॽहाॽनु सोसोरिक् निबोङ्ङाङ् ने़त्छि ये़क्यक्हाॽ ने़स्से़रो॥ 31 खे़ङ्हाॽरे़ खुन्छिॽ हिम्सयङ् कुइसिक् आसेररे़ कुधाःक्हाॽरे़ खुन्छिॽ लक्खोमा लक्कोबा ये़क्यक्हाॽ खे़प्मोबा पाङ्भेॽहाॽनु सोसोरिक् हाबा कन्हाॽएरो॥ नप्तालिरे़ कुलक् 32 तुक्सिगेक्पा तॽयाःन्सोन्निन् नप्तालिरे़ कुधाःक्हाॽरे़ खुन्छिॽ लागि खे़ङ्हाॽरे़ खुन्छिॽ हिम्सयङ् कुइसिक् अक्खेलॽरिक् थ्ये़रो॥ 33 खे़ङ्हाॽरे़ खुन्छिॽ इःन्दोन् हेलेप नु सानन्निमओ के़युङ्बा यम्बा सिङ्बुङ्ङोलाम्, अदामि-नेकेब नु यब्नेल लस्सुआङ् लक्कुम थारिक् पोःक्खे़र यर्दनओ नुबे़आङ् ने़स्से़॥ 34 हे़क्क्याङ् खे़न् इःन्दोन् नाम्धा ले़प्माङ् अज्नोथ-तबोर पिसाङ् हिसिङ्, खे़प्मोलाम् हुक्कोकओ लःन्दे़आङ् ने़स्से़, हे़क्क्याङ् खे़न् लाङ्गे़त् ले़प्माङ् जबुलुन थारिक्, नाम्धा ले़प्माङ् आसेर थारिक् नु नाङ्गे़न् ले़प्माङ् यर्दन थारिक् के़रे़आङ् ने़स्से़॥ 35 लुङ्धाक् के़ये़प्पा ये़क्यक्हाॽ सिद्दिम, सेर, हम्मत, रक्कत, किन्नरेत, 36 अदामा, रामा, हासोर, 37 केदेस, एद्रइ, एन-हासोर, 38 यिरोन, मिग्दल-एल, होरेम, बेथ-अनात नु बेथ-सेमेस ने़स्से़॥ खे़प्मोबा पाङ्भेॽहाॽनु सोसोरिक् थिबोङ्ङाङ् फाङ्सि ये़क्यक्हाॽ ने़स्से़रो॥ 39 खे़ङ्हाॽरे़ खुन्छिॽ हिम्सयङ् कुइसिक् नप्तालिरे़ कुधाःक्हाॽरे़ खुन्छिॽ लक्खोमा ये़क्यक्हाॽ खे़प्मोबा पाङ्भेॽहाॽनु सोसोरिक् कन्हाॽएरो॥ दानरे़ कुलक् 40 नुसिगेक्पा तॽयाःन्सोन्निन् दानरे़ कुधाःक्हाॽरे़ खुन्छिॽ लागि खे़ङ्हाॽरे़ खुन्छिॽ हिम्सयङ् कुइसिक् कम्भलॽरिक् थ्ये़रो— 41 खे़ङ्हाॽरे़ खुन्छिॽ लक्खोमा इःन्दोन् सोरा, एस्तोल, इर-सेमेस, 42 सालविन, अय्यालोन, इत्ला, 43 एलोन, तिम्ना, एक्रोन, 44 एल्तके, गिब्बतोन, बालात, 45 यहुद, बने-बरक, गात-रिम्मोन, 46 मे-यरकोन नु रक्कोन सोसोरिक् योप्पाबा इःन्दो थारिक् ने़स्से़॥ 47 कर दानबा हिम्सयङ्हाॽरे़ लागि खुन्छिॽ लाजेॽ सिङ्बुङ्हाॽ युक्मा के़साक्पा मे़दुमुआङ् वये़, कल्ले़चोगुल्ले़ दानबा हिम्सयङ्हाॽ ले़सेम मे़बेआङ् खे़प्मो ते़न्धङ् मे़जोगे़ हे़क्क्याङ् खे़प्मोबा मनाहाॽ ताभेःल्ले़ मे़मे़क्खुसि, खे़ब्याङ् खे़प्मो मे़युङ्सिङ्ङाङ् ले़सेम्मे़न् खुन्छिॽ थाःक्थे़बा दानरे़ कुमिङ् कुइसिक् दान मिङ् मे़वाःत्तुरो॥ 48 खे़ङ्हाॽरे़ खुन्छिॽ हिम्सयङ् कुइसिक् दानरे़ कुधाःक्हाॽरे़ खुन्छिॽ लक्खोमा लक्कोबा ये़क्यक्हाॽ खे़प्मोबा पाङ्भेॽहाॽनु सोसोरिक् हाबा कन्हाॽएरो॥ कुनुप्मा लक् 49 कम्भलॽरिक् खे़ङ्हाॽरे़ खुन्छिॽ लक्खोमारे़ लागि इःन्दोहाॽ मे़से़न्दुआङ् लाजेन् मे़भःक्खु मे़सुरु॥ हे़क्क्याङ् इस्राइलिहाॽरे़ नुनरे़ कुस्सा यहोसुन् यहवे दाङ्बे़ल्ले़ कुइङ्जाङ् कुइसिक् खे़ङ्हाॽरे़ खुन्छिॽ लुम्मो कुलक् थिक् लक्खोमा मे़बिरु॥ 50 खे़ङ्हाॽरे़ खुने़ॽ नाःक्तुबा कुइसिःक्के, एफ्राइमबा कोःक्मा फाङ्जङ् लाजेॽबा तिम्नथ-सेरह लाजेन् मे़बिरु, हे़क्क्याङ् खुने़ॽ ये़क्यक् चोगुआङ् खे़प्मो युङे़॥ 51 निङ्वाॽफुसाम्बा एलाजार, नुनरे़ कुस्सा यहोसुन् नु इस्राइलबा थाःक्लाम्लोबाहाॽ यहवे दाङ्बे़ल्ले़ कुदगि सिलोबा तुम्मादे़न् साःङ्गाहिम् लाःप्मादे़न्नो मे़युङे़आङ् तॽयाःन्सोन् मे़गे़सु हे़क्क्याङ् कुलक् मे़भःक्खुबा लक्खोमा इःन्दोहाॽ आम्भा कन्हाॽरो॥ कम्भलॽरिक् खे़ङ्हाॽरे़ लाजेॽ फःङ्मा याःम्बक्किन् मे़सुरुरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.