यहोसु 12 - लिम्बुमोसाःल्ले़ नाःन्दुसिबा हाङ्हाॽ 1 इस्राइलिहाॽरे़ यर्दन नाधाःम्बि नाङ्गे़न् अर्नोनबा ने़ने़बादे़न्लाम् हेर्मोन कोःक्मा फाङ्जङ् थारिक्, हे़क्क्याङ् अराबा नाङ्गे़न् ले़प्माङ्बा के़रे़क् ते़ङ्गप्हाॽ मे़नाःन्दुसिआङ् हुक्काप् मे़जोगुबा लाजेॽहाॽ नु खे़ङ्हाॽरे़ मे़से़रुसिबा हाङ्हाॽ हाबा कन्हाॽरो— 2 हेस्बोन के़युङ्बा एमोरिहाॽरे़ खुन्छिॽ हाङ् सिहोनरे़ अर्नोन वहःङ्ङिल्ले़ कुयाओ के़ने़बा अरोएरलाम्, ने़ने़बादे़न्निल्ले़ कुलुम्मोलाम् गिलादे़न् कुभ्रे़ःङ् नु अम्मोनिहाॽरे़ खुन्छिॽ इःन्दोओबा यब्बोक वहःङ् थारिक्, 3 हे़क्क्याङ् तॽइ नाङ्गे़न् ले़प्माङ् अराबा, किन्नेरेत वरःङ्ङोलाम् अराबा मे़प्मनाबा युम्लाःक्खाङ् वरःङ् थारिक्, हे़क्क्याङ् बेथ-यसिमोत नाङ्गे़न् पेःक्मा लाम्मो थारिक् नु यो लाङ्गे़न् पिसाङ् चैँ पिसगाबा याक्केःक्केःक्पा ते़न्निल्ले़ कुसिङ्गाङ्बा लाजेॽहाॽओ थारिक् हाङ्युक् चोगु॥ 4 अस्तारोत नु एद्रइओ के़युङ्बा रपाइहाॽरे़ खुन्छिॽ के़हिङ्बा के़याःक्पा बासानबा हाङ् ओगरे़ 5 हेर्मोन कोःक्मा, सलका हे़क्क्याङ् के़रे़क् बासानओ गसुरिहाॽ नु माकातिहाॽरे़ खुन्छिॽ इःन्दोओ थारिक् नु हेस्बोनबा हाङ् सिहोनरे़ कुइःन्दोओ थारिक् खे़ब्याङ् गिलादओ कुभ्रे़ःङ् हाङ्युक् चोगुआङ् ने़स्से़॥ 6 यहवे दाङ्बे़ल्ले़ कुसे़वारोबा मोसान् नु इस्राइलिहाॽरे़ खे़ङ्हाॽ मे़नाःन्दुसि॥ यहवे दाङ्बे़ल्ले़ कुसे़वारोबा मोसाःल्ले़ रुबेनिहाॽ, गादिहाॽ नु मनस्सेबा कुभ्रे़ःङ् थाःक्हाॽ युक्ले़ लागि खे़न् पिरुसिरो॥ यहोसुःल्ले़ नाःन्दुसिबा हाङ्हाॽ 7 यर्दन नाम्धा पिसाङ् कत्नाहाङ्दाङ् लेबनान ने़ने़बादे़न्नोबा बाल-गादलाम् सेइर थाङ्माङ्ङो के़ने़बा हालाक कोःक्मा थारिक्पा लाजेॽहाॽ यहोसुन् नु इस्राइलिहाॽरे़ मे़नाःन्दुसि, हे़क्क्याङ् खे़न् हाङ्हाॽरे़ खुन्छिॽ लाजेॽहाॽ यहोसुःल्ले़ इस्राइलबा थाःक्हाॽ लक्खोमारे़ लागि कुलक् कुलक् फःक्खु पिरुसिआङ् ने़स्से़बाहाॽ हाबा कन्हाॽरो— 8 कोःक्मा फाङ्जङ्बा लाजेॽ, ते़म्बेॽ, अराबा, कोःक्मा, मुरे़क् खारे़क् थेआङ् के़होःप्पादे़न् नु नेगेव मे़प्मनाबा यो ले़प्माङ्बा लाजेॽ, इग्र हित्ति, एमोरि, कनानि, परिज्जि, हिब्बि नु यबुसिहाॽ मे़युङे़बा लाजेॽहाॽओ के़युङ्बा हाङ्हाॽ कन्हाॽएरो— 9 यरिहोबा लत्छा हाङ्, बेथेल निःत्ताङ्बा ऐ ये़क्यक्कोबा लत्छा हाङ्, 10 यरुसले़मबा लत्छा हाङ्, हेब्रोनबा लत्छा हाङ्, 11 यर्मुतबा लत्छा हाङ्, लाकिसबा लत्छा हाङ्, 12 एग्लोनबा लत्छा हाङ्, गेजेरबा लत्छा हाङ्, 13 दबिरबा लत्छा हाङ्, गेदेरबा लत्छा हाङ्, 14 होर्माबा लत्छा हाङ्, आरादबा लत्छा हाङ्, 15 लिब्नाबा लत्छा हाङ्, अदुल्लामबा लत्छा हाङ्, 16 मक्केदाबा लत्छा हाङ्, बेथेलबा लत्छा हाङ्, 17 तप्पुहबा लत्छा हाङ्, हेपेरबा लत्छा हाङ्, 18 अपेकबा लत्छा हाङ्, लस्सारोनबा लत्छा हाङ्, 19 मादोनबा लत्छा हाङ्, हासोरबा लत्छा हाङ्, 20 सिम्रोन-मोरनबा लत्छा हाङ्, अछ्यापबा लत्छा हाङ्, 21 तानाकबा लत्छा हाङ्, मगिद्दोबा लत्छा हाङ्, 22 कादेसबा लत्छा हाङ्, योक्नामबा लत्छा हाङ्, 23 दोर कोःक्माओबा लत्छा हाङ्, गिलगालओबा गयिमबा लत्छा हाङ्, 24 हे़क्क्याङ् तिर्साबा लत्छा हाङ्॥ कन्हाॽ के़रे़क्ले़ सुम्बोङ्ङाङ् थिक् हाङ्हाॽ मे़वये़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.