यसैया 4 - लिम्बु1 खे़न् ये़म्मिन् ताःल्ले़ नुसि मे़न्छुमाहाॽरे़ लक्थिक् ये़म्बित्छान् मे़दे़म्सुआङ् अक्खे मे़मे़त्तुरो, “आनिगे चामा थुङ्मा नु चाङ्मा वाःप्मान् आबाङे यारिप् चोगुम्बे़आङ् चाम्बे़ थुङुम्बे़रो, हे़क्क्याङ् वारुम्बे़ चाक्खुम्बे़रो, खे़ने़ॽ हाबा आनिगे ते़न्धाम् मेःक्खिम्लक् आमे़त्ते़आङ् आनिगे ये़म्बा पोःक्खे़ॽओ॥ मनाहाॽरे़ आनिगे कुनामे़न्छाॽ मे़मे़त्तिगे़ल्ले़ खे़ने़ॽ आधेःक्ते़ॽओ॥” यरुसले़ःम्मिन् याम्मो मे़जोगुॽ 2 कर ताःन्दि के़दाबा ये़म्मोग के़हिङ्बाआङ् के़याःक्पा इस्राइलिहाॽरे़ लागि यहवे दाङ्बे़ल्ले़ कुबोराक्किन् कुजाॽ के़धोःक्पा नु हाङ्वा माङ्वा के़याक्पा पोङ्ॽ, हे़क्क्याङ् खाम्बाङ्ङो के़धोःक्पा चाःल्ले़ चोगुल्ले़ खे़ङ्हाॽरे़ खुन्छिॽ सःप्मान् मिमिदिङ् नु ने़बो पोमा पान् पोङ्ॽ॥ 3 सियोःन्नो के़दाङ्बा के़याःक्पा के़रे़क् सेसेबा मना मे़बोङ्ॽ—यरुसले़ःम्मो मे़क्मालाम् के़हिङ्बा के़याःक्पा हे़क्क्याङ् कुहिङ्वे़त् के़वाॽबासिरो फाॽआङ् खुन्छिॽ मिङ् मे़साप्तुबा मनाहाॽ सेसेबा मे़मे़त्तुसिॽ॥ 4 सियोने़ल्ले़ कुस्सा मे़न्छिन्हाॽरे़ खुन्छिॽ चे़ल्ले़क्ले़क् लॽमा कुघःक्किन् दाङ्बे़ल्ले़ वाहप्तु पिरुसिॽ, हे़क्क्याङ् खुने़ॽ खासे़न्ले़ याम्साम् नु मिरे़ याम्साम्मिल्ले़ यरुसले़ःम्लाम् माक्खिल्ले़ ने़ःक्तुबा कुयोःक्हाॽ वाहप्तुॽ॥ 5 हे़क्क्याङ् यहवे दाङ्बे़ल्ले़ सियोन कोःक्माओ नु खे़प्मो के़जुम्बा के़रे़क् सम्धाङ् ले़न्दिक् खाॽमिःप्पान् हे़क्क्याङ् से़न्दिक् मि सित्लाङ्ङिन्, खे़न् के़रे़क्ले़ लागि मिमिदिङ्गे़न् इःम्सिङ्मा थेःक्सिङ्मादे़न् पोङ्॥ 6 ले़न्दिक् नाम्से़ःक्काङ् हाङ्वा से़ःक्किल्ले़ वइःप्सिङ्मा नाम्जिःक्खोॽ पोङ्, हे़क्क्याङ् वहित् साम्मिःत् नु सुरित् केजङ् मुक्किल्ले़ वइःप्सिङ्मा नु चिङ्सिङ्मादे़न् पोङ्लो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.