यसैया 20 - लिम्बुमिस्र नु कुस लाजेॽओ खुम्दिङ् 1 कन् पाःन्हाॽ पोःक्खे़बा तङ्बेओ अस्सुरबा सरगान हाङ्ङिल्ले़ मे़त्तुबा कुइसिक् खुने़ॽ के़रे़क्नुःल्ले़ यम्बा कुधक्मोबान् असदोदओ पे, हे़क्क्याङ् थङ् चोगुआङ् लाजेन् हुक्काप् मे़त्छिङ्॥ 2 कन् पाःन्निन् अक्खे पोःक्खे़ल्ले़ यहवे दाङ्बान् आमोजरे़ कुस्सा यसैयालाम् पोःक्खे़आङ् पारे़॥ खुने़ॽ यसैयान् अक्खे मे़त्तु, “खे़ने़ॽ पेगे़ॽआङ् के़धक्कोलाम् के़सगि तेत्ते़न् फे़न्दे़ॽ, हे़क्क्याङ् के़लाङ्ङोलाम् लाङ्सुःप्पिन् फे़न्दे़ॽ॥” हे़क्क्याङ् यहवे दाङ्बे़ल्ले़ पाःत्तुबा कुइसिक् खुने़ॽ चोगु, खे़ब्याङ् ले़क्चाॽबे़धिःक् पोःक्खे़आङ् लाङ्सुःप् मे़न्जाङ्ङे लाङ्घेःक्मा हेःक्ते़॥ 3 याङ्सि अस्दोद ये़क्यक्किन् अस्सुरिहाॽरे़ खुन्छिॽ हुक्को थ्ये़आङ् यहवे दाङ्बे़ल्ले़ पाःत्तु, “आङ्गाॽ आसे़वारोबा यसैयान् मिस्र लाजेॽ नु कुस लाजेःल्ले़ लागि मिक्सेन् हे़क्क्याङ् साम्दिङ् पोङ्ल फाॽआङ् तङ्बेॽ सुम्सि थारिक् ले़क्चाॽबे़धिःक् नु लाङ्सुःप् मेःन्ने लाङ्घेगे़॥ 4 हे़क्केलॽरिक्के अस्सुर लाजेॽबा हाङ्ङिल्ले़ मिस्र लाजेॽबा मनाहाॽ नाधामा साम्धामो मे़धार फाॽआङ् मिस्र लाजेॽओबा पुङ्लाधाबाहाॽ हे़क्क्याङ् कुस लाजेॽलाम् मे़लःत्तु मे़देसुसिबा नालिगे़न् थाङ्बे़न्हाॽ नु काप्पो तुम्साहाॽ के़रे़क् खुन्छिॽ मिगक्माहाॽ निधाःप्ल ले़क्चाॽबे़धिःक् नु लाङ्सुःप् मेःन्ने पुङ्लाधाबा चोगुङ्सिङ्ङाङ् तेॽरुसि॥ 5 कुस लाजेॽबा मनाहाॽ नागे़साॽबा नु मिस्र लाजेॽओ यम्बा के़ले़ङ्सिङ्बाहाॽ किमा यङ्माओ मे़धाःॽ हे़क्क्याङ् मे़नुःन् मे़सिःॽ॥ 6 खे़न् ये़न्नो वरःङ्ङिल्ले़ कुयाओ के़युङ्बा मनाहाॽरे़ मे़बाःत्तुॽ, ‘ओमे़त्ते़म्मे़ॽ, अस्सुरबा हाङ्ङिल्ले़ कुहुक्कोलाम् से़ःप्सिङ्मारे़ लागि आनिॽ नाआसाॽरुम्सिम्बा नु आम्भाॽर फाॽआङ् आघे़त्तासिआङ् आवये़बा मनाहाॽए अक्तङ्बा मे़बोःक्खे़आङ् मे़वाॽ॥ हे़क्केःल्ले़ आनिॽ आक्खेलॽरिक् खे़त्छिङ्मा नु से़ःप्सिङ्मा आसुक्तुम्बाबे?’” |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.