Biblia Todo Logo
Bib sou entènèt

- Piblisite -

ए़ज्रा 9 - लिम्‍बु


ए़ज्राःल्‍ले़ कुदुवा नु हिःन्‍छिङ्बा

1 “कन् के़रे़क् चोःक्‍मा मे़सुरुआङ् इस्राइलबा मनाहाॽ, निङ्‌वाॽफुसाम्‍बाहाॽ नु ले़बिहाॽरे़आङ् खुन्‍छिॽ पेसाङ्‌बा लाजेॽ के़युङ्‌बा यक्‌युङ्‌बा कनानि, हित्ति, परिज्‍जि, यबुसि नु एमोरिहाॽरे़ खुन्‍छिॽ याम्‍गे़सिङ्‌बा याःम्‍बक्‍लाम् लाःत्‍लाःत् मे़न्‌युङ्‌ङे मे़वाॽ फाॽआङ् इस्राइलबा कुभा लाम्‍लोबाहाॽरे़ आङ्‌गाॽ मे़मे़त्ताङ्॥ खे़न् मनाहाॽरे़ मे़जोगुबा याम्‍गे़सिङ्‌बा याःम्‍बक्‍हाॽ इस्राइलिहाॽरे़आङ् मे़जोगुर मे़वये़॥

2 यहुदि ये़म्‍बित्‍छाहाॽरे़ वेॽ सुवाङ्‌समा मे़न्‍छुमाहाॽ मेःक्‍खिम् मे़मे़त्तुसिर मे़वये़॥ अक्‍खेलॽरिक् निङ्‌वाॽफुमाङ्‌ङिल्‍ले़ कुसेसे मनाहाॽ फे़त्‍मे़लाॽरे़र मे़वये़॥ कन् पाःन्‍नो लाम्‍लोबाहाॽ नु सुहाङ्‌युक्‍पाहाॽए कुभाङ् के़भेःम्‍बा मे़वये़॥”

3 खे़ब्‍याङ् आङ्‌गाॽ कन् पाःन्‍निन् खे़प्‍सुङ्‌ङिल्‍ले़ आङ्‌गाॽ आजाङ् नु आदेःत्तिन् ते़रे़क् थे़ःक्‍सुङ् हे़क्‍क्‍याङ् आध्‍गेक् इःन् नु आमुयुङ्‌ङिन् आःक्‍खुङ्‌ल मे़रिङ् थक्‍नु खाम्‍बाङ्‌ङो युङाङ्॥

4 हे़क्‍क्‍याङ् मे़दे़म्‍सु मे़देॽरुसिबालाम् के़नुःङ्‌बा के़भे़म्‍बा मनाहाॽरे़ मे़जोगुबा लायोल्‍ले़ चोगुल्‍ले़ इस्राइलबा निङ्‌वाॽफुमाङ्‌ङिल्‍ले़ पाःत्तुबा पाःन्‍जाःक्‍लाम् के़गिबा मनाहाॽ आङ्‌गाॽ आगब्रिङ् चुम्‍मा मे़हेःक्‍ते़॥ आङ्‌गाॽ युःन्‍छिक् सिदुङ्‌जभा तोःम्‍मा ये़म् थारिक् मे़रिङ् थक्‍नु खे़प्‍मोए युङाङ्॥

5 युःन्‍छिक् सिदुङ्‌जभा तोःम्‍मा ये़म् पोःक्‍खे़ल्‍ले़ आङ्‌गाॽ आबाङे मे़रिङ् थक्‍ताङ्‌ङाङ् युङाङ्‌बा ते़न्‍नोलाम् पोगाङ्॥ आङ्‌गाॽ आल्‍ल थारिक्‍के खे़न् के़दे़ःङ्‌बा चाङ्‌ङिन्‍ने चाक्‍खुङ्‌ङाङ् पत्‍छे़॥ पेलिगे़न् तुवा चोःक्‍मारे़ लागि थुङ्‌बोहजॽ युङ्‌सिङाङ् हे़क्‍क्‍याङ् आहुक्‍किन् यहवे दाङ्‌बा, आनिङ्‌वाॽफुमाङ् ले़प्‍माङ् सन्‍छुङ्॥

6 आङ्‌गाॽ अक्‍खेलॽरिक् पेलि फाक्‍तुङ्, “निङ्‌वाॽफुमाङ्‌ङे, खे़ने़ॽ के़दगि आङ्‌गाॽ आधेगेःक्‍किन् फोङ्‌मा साॽरिक् सिरिङ्‌मआ॥ के़लुम्‍सिङ्‌बा आनिगे लायोन् आनिगे थे़गेक्‍पान्‍नुःल्‍ले़आङ् थाःङ् पोगे़आङ् वाॽ, खे़ल्‍ले़ ताङ्‌साङ्‌बान्‍नाङ् सुसुआङ् पत्॥

7 आनिगे पाधे़बाहाॽरे़ खुन्‍छिॽ ये़म्‍माङ्‌धो आइन् थारिक् आनिगे खे़ने़ॽ के़मनाहाॽरे़ यम्‍बा लायो चोगुम्‍बे़आङ् वयिगे़॥ आनिगे लायोल्‍ले़ चोगुल्‍ले़ आनिगे हाङ्‌ङिन् नु निङ्‌वाॽफुसाम्‍बाहाॽ, वेॽ सुवाङ्‌समा हाङ्‌हाॽरे़ खुनिॽ हुक्‍को मे़ध्‍ये़ हे़क्‍क्‍याङ् आनिगे मे़स्‍ये़रिगे़, मे़नाप्‍तिगे़ खे़ब्‍याङ् मे़दे़म्‍सिगे़आङ् वेॽ लाजेॽओ मे़देॽरिगे़॥ आनिगे साॽरिक् चाःत्‍थि पे॥ आइन् थारिक्‍काङ् आनिगे हे़क्‍तङ्‌बाए याक्‍नाम् तुमुम्‍बे़आङ् वयिगे़॥

8 यहवे दाङ्‌बा आनिगे निङ्‌वाॽफुमाङ्‌ङे, कन् ये़म्‍मो कुभा ये़म्‍ले़ लागि खे़ने़ॽ आनिगे याप्‍मि लुङ्‌माॽ के़दुक्‍पा के़बोःक्‍खे़ॽआङ् के़वाॽ हे़क्‍क्‍याङ् योग्‍बा याःम्‍बक् चोःक्‍मालाम् आनिगे मिसाक्‍लक् खे़त्‍छिङ्‌माआङ् कन् सेसेदे़न्‍नो हाङ्‌हाङ्‌ङाङ् युङ्‌मा याप्‍मि के़बिरे़आङ् के़वाॽ॥ योग्‍बा वयिगे़र वयिगे़रसाङ् खे़ने़ॽ आनिगे कुसङ् हिङ्‌मन् याप्‍मि के़बिरे़आङ् के़वाॽ॥

9 आनिगे योक् वयिगे़ कर आनिगे खे़न् याक्‍नाम्‍मोए योग्‍बा पोङ्‌माआङ् वाॽमा याप्‍मि के़म्‍बाङ्‌घे़न्॥ खे़ने़ॽ फारस लाजेॽबा हाङ्‌हाॽ आनिगे लुङ्‌माॽ मे़दुक्‍तिगे़र के़याःन्‍दुसि हे़क्‍क्‍याङ् आनिगे हिङ्‌मा नु आनिगे के़यम्‍बा माङ्‌हिम्‍मिन् चोःक्‍माआङ् कॽयो यहुदा नु यरुसले़ःम्‍मो कम्‍ब्राङ् खोमा मे़भाःक्‍तिर के़याःन्‍दुसि॥

10 “कर आल्‍ल कन्‍हाॽ के़रे़क् पोःक्‍खे़चुरे़आङ् निङ्‌वाॽफुमाङ्‌ङे, आनिगे थे पाःप्‍मा सुक्‍तुम्‍बे़आङ्‌बे? आनिगे याम्‍मो खे़न् के़इङ्‌जाङ्‌हाॽ मे़इःत्तुम्‍बे़न् मे़नाःत्तुम्‍बे़न्,

11 खे़ने़ॽ के़से़वारोबा माङ्‌निङ्‌वाॽपान् के़बाःप्‍पाहाॽलाम् खे़न् आनिगे याप्‍मि के़बिरे़आङ् वये़॥ खे़न् आनिगे युक्‍तुम्‍बे़आङ् युङिगे़बा लाजेन् लत्‍थिक् आसुत्‍थो लाजेॽ चोक् फाॽआङ् खे़ङ्‌हाॽरे़ आनिगे याप्‍मि मे़मे़त्तिगे़आङ् वये़ थेआङ्‌भे़ल्‍ले़ खे़प्‍मो के़युङ्‌बा मनाहाॽरे़ खे़न् लाजेन् थिक् कुसुक्‍पोनु वेॽसमा कुसुक्‍पो थारिक् याम्‍गे़सिङ्‌बा याःम्‍बक्‍हाॽरे़ मे़धिम्‍सुआङ् ने़ःॽ॥

12 खे़न् लाजेॽओबा मनाहाॽनु ते़न्‍धाम् मेःक्‍खिम् मे़जोगे़म्‍मिन्‍ने़ॽ हे़क्‍क्‍याङ् खे़ङ्‌हाॽ थोबो मे़बोङ्‌ल इग्र मे़नुॽमे़दार फाॽआङ् मे़भाॽराम्‍सिम्‍मिन्‍ने़ॽ हे़क्‍क्‍याङ्‌लक् खे़न् लाजेन् खिनिॽ युक्‍मा के़घोसुम्‌ॽ खे़ब्‍याङ् खिनिॽ मुॽइदाङ्‌साहाॽरे़ लागि खे़न् लाजेन् के़ने़सुम् के़धाम् फाॽआङ् खे़ङ्‌हाॽरे़ आनिगे मे़मे़त्तिगे़॥

13 आनिगे लायोन् नु ताप्‍फे़ःम्‍बा याःम्‍बक्‍किल्‍ले़ चोगुल्‍ले़ खुम्‍दिङ् याप्‍मि के़बिरे़आङ् यरिक् पाःन्‍हाॽ आनिगे सम्‍धाङ् चुक्‍ते़, खे़न् एगाङ्‌ङाङ् आनिगे खोमा के़बोङ्‌बा यरिक् खुम्‍दिङ्‌ङिन्‍नुःल्‍ले़ सुःल्‍लिक्‍लक् खुम्‍दिङ् याप्‍मि के़बिरे़आङ् के़वाॽ फाॽआङ् आनिगे निसुम्‍बे़ हे़क्‍क्‍याङ् हिङ्‌मार वाॽमा याप्‍मि के़बिरे़आङ् के़वाॽ॥

14 आक्‍खेलॽरिक् आनिगे याम्‍मो खे़ने़ॽ के़इङ्‌जाङ्‌हाॽ मे़न्‍इःत्ते मे़न्‍नाःत्ते कन् ताप्‍फे़ःम्‍बा मनाहाॽनु मेःक्‍खिम् चोःक्‍मा सुक्‍तुम्‍बे़बे? आनिगे हे़क्‍के चोगुम्‍बे़ल्‍ले़ खे़ने़ॽ साॽरिक्‍के के़सिक् पोक् हे़क्‍क्‍याङ् आनिगे के़रे़क् खाप्‍पुथ्‍यःङ् आगे़जोःक्‍काङ् आत्तिन्‍हाॽआङ् हिङ्‌मा याप्‍मि के़म्‍बाङ्‌ने़न्॥

15 यहवे दाङ्‌बा, इस्राइलबा निङ्‌वाॽफुमाङ्‌ङे, खे़ने़ॽ कुदोःप्‍मा खासे़न् के़जोःक्‍पा के़जोक् हे़क्‍क्‍याङ् खे़ने़ॽ आनिगे ताङ्‌मा याःक्‍मा याप्‍मि के़भाःक्‍ते़॥ आनिगे लायो चोगुम्‍बे़बा फाॽआङ् आनिगे खे़ने़ॽ के़दगि पाःप्‍मा ते़न्‍दिगे़॥ खे़ने़ॽ के़दगि तामा आनिगे थेआङ् युक् मे़गत्तुम्‍बे़न्‍लो॥”

© 2009, 2023, Wycliffe Bible Translators, Inc. All rights reserved.

Wycliffe Bible Translators, Inc.
Swiv nou:



Piblisite