Biblia Todo Logo
Bib sou entènèt

- Piblisite -

ए़ज्रा 6 - लिम्‍बु


दाराल्‍ले़ कुइङ्‌जाङ् सक्

1 दारा पयम् हाङ्‌ङिल्‍ले़ बेबिलोनबा थाःङ्‌ङो मे़ने़स्‍सुबा हाङ् साप्‍मुन्‍धुम् साप्‍लाहाॽ मे़गोःत्तुर फाॽआङ् मुरा मे़त्तुसि॥

2 कर खे़न् यो साप्‍ते़आङ् के़बप्‍पा पाःन्‍हाॽ लत्‍छा मिङ्‌सोइःत् सक्‍थिक्‍क मादि ते़ङ्‌गप्‍पोबा एक्‍बातना ये़क्‌यक्‍को मे़घोसुरो—

3 “कोरेस पयम् हाङ्‌ङिल्‍ले़ आबाङे हाङ्‌युक् चोगुबा थिक्‍सिगेक्‍पा तङ्‌बेओ यरुसले़ःम्‍बा माङ्‌हिम्‍मिन् मे़जोगुर हे़क्‍क्‍याङ् खे़प्‍मो हुक्‍सोयाङ् नु मिधिङ्‌मनादेमनाबा सिदुङ्‌जभाहाॽ तोःम्‍मादे़न्‍निन् याम्‍मो पोङ्‌ल के़लॽबा इङ्‌जाङ् चोगु॥ खे़न् माङ्‌हिम्‍मिन् निबोङ्‌ङाङ् नुसि मितर कुलिङ्‌गे़न् नु खे़म्‍म्‍याक्‍के कुभे़रे़ पोङ्‌ॽ॥

4 लुङ्‌धाक्‍हाॽ ग कुधाःक् सुम्‍सि लुङ् सम्‍धाङ् लत्‍छा कुसे़त् सिङ् केःप्‍माआङ् चोःक्‍मा पोङ्‌ॽ॥ के़लाःप्‍पा के़रे़क् याङ्‌ङिन् हाङ्‌हिम्‍मोबा याङ्‌युङ्‌मोलाम् पिमासि पोङ्‌ॽ॥

5 नबुकदनेसररे़ल्‍ले़ यरुसले़म माङ्‌हिम्‍मोलाम् लःत्तुआङ् बेबिलोनओ तेॽरुबा साम्‍म्‍याङ् नु युप्‍पा खप्‍प्‍याहाॽ यरुसले़ःम्‍बा माङ्‌हिम्‍मो याम्‍मो युङ्‌मा पोङ्‌ॽ॥ खे़ङ्‌हाॽ के़रे़क् नुःक्‍मा फे़प्‍माआङ् निङ्‌वाॽफुमाङ्‌ङिल्‍ले़ कुहिम्‍मोबा खप्‍प्‍या युङ्‌मादे़न्‍हाॽओ युङ्‌मा पोङ्‌लो॥”

6 खे़ब्‍याङ् दारा हाङ्‌ङिल्‍ले़ अक्‍तङ्‌बा इङ्‌घङ् हाक्‍तुसि— “नाम्‍धा पिसाङ् युफ्रेतिसबा तुम् हाङ्‌युक्‍पा तत्‍तनै, सत्‍तर-बोज्‍नै नु खे़न् ते़ङ्‌गप्‍पो के़युङ्‌बा खिनिॽ फाॽबाङ्‌हाॽ, “माङ्‌हिम्‍लाम् माःङ्‌घा वये़म्‍मे़ॽ

7 हे़क्‍क्‍याङ् खे़न् माङ्‌हिम् चोःक्‍मा याःम्‍बक्‍किन् खिनिॽ मे़अत्ते़म्‍मिन्‍ने़ॽ॥ यहुदाबा तुम् हाङ्‌युक्‍पा नु यहुदि लाम्‍लोबाहाॽरे़ खुनिॽ माङ्‌हिम्‍मिन् तगिबा ते़न्‍नोए याम्‍मो मे़जोगुर॥

8 खे़न् याःम्‍बक्‍को खे़ङ्‌हाॽ फाॽरे़म्‍सिम्‍मे़ॽ फाॽआङ् आङ्‌गाॽ खिनिॽ इङ्‌जाङ् पिनिङ्॥ खे़ङ्‌हाॽरे़ खुन्‍छिॽ के़बेःक्‍पा याङ्‌ङिन् नाम्‍धा युफ्रेतिस ते़ङ्‌गप्‍पो फोःङ्‌मनाबा हाङ्‌वा एःङ्‌याङ्‌ङोलाम् खिमो पिरे़म्‍सिम्‍मे़ॽ हे़क्‍क्‍याङ् याःम्‍बक् चोःक्‍मान् मे़हाप्‍तुन्‍ल॥

9 थिक्‌याःन्‍धक् निङ्‌वाॽफुसाम्‍बाहाॽरे़ थे़मा पाःन्‍हाॽ चाहा चोक् मे़बाःत्तुॽ, साङ्‌ग्राम्‍पेदाङ्‌बा निङ्‌वाॽफुमाङ्‌ङो सिदुङ्‌जभा तोःम्‍मारे़ लागि से़गम्‍बा, मे़ल्‍लुक् इग्र थुःम्‍बा इग्र मासि, युम् इग्र चैतुन निःङ्‌गेन् चक्‍मे़ल्‍लॽए खे़ङ्‌हाॽ पिरे़म्‍सिम्‍मे़ॽ॥

10 खिनिॽ खे़न् चोगे़म्‍मे़ॽ हे़क्‍क्‍याङ् साङ्‌ग्राम्‍पेदाङ्‌बा निङ्‌वाॽफुमाङ्‌ङिल्‍ले़ ताःक्‍तुबा सिदुङ्‌जभाहाॽ खे़ङ्‌हाॽरे़ ओगाप् चोःक्‍मा मे़सुक्‍तुर हे़क्‍क्‍याङ् आङ्‌गाॽ नु आङ्‌गाॽ आस्‍साहाॽरे़ मुॽइसाम् खोमारे़ लागि पेलिगे़न् तुवा मे़जोगुर॥

11 आङ्‌गाॽ याम्‍मोआङ् इङ्‌जाङ् चोगुङ्‌ॽ आत्तिल्‍ले़ कन् इङ्‌जाङ्‌ङिन् मे़इःत्तुन् मे़नाःत्तुन्, खे़ल्‍ले़ कुहिम्‍मोलाम् सिङ् सित्‍लाङ्‌धिक् लःत्ते़म्‍मे़ॽ हे़क्‍क्‍याङ् खे़न् थिक्‍ले़प्‍माङ् हासम्‍सम्‍बा चोगे़म्‍मे़ॽ खे़ब्‍याङ् खे़ल्‍ले़ कुधक्‍किन् फ्‍याक् लस्‍सुर थुबे़म्‍मे़ॽ॥ खे़ल्‍ले़ कुहिम्‍मिन्‍नाङ् खाम्‍हिःक् पोङ्‌ल खाप्‍पुथ्‍यःङ् चोगे़म् पिरे़म्‍मे़ॽ॥

12 निङ्‌वाॽफुमाङ्‌ङिल्‍ले़ खुने़ॽ माङ्‌से़वा मे़प्‍मा ते़न् चोःक्‍मारे़ लागि यरुसले़ःम्‍मिन् सेगु, कन् इङ्‌जाङ्‌ङिन् के़भेःम्‍बा नु माङ्‌हिम्‍मिन् खाप्‍पुथ्‍यःङ् चोःक्‍मा के़गोःप्‍पा आत्तिन् हाङ्‌ङिन्‍छाङ् इग्र सुवाङ्‌ङिन्‍छाङ् खुने़ॽ मे़क्‍खुर॥ आङ्‌गाॽ दारा हाङ्‌ङिल्‍ले़ कन् इङ्‌जाङ्‌ङिन् पिनिङ्॥ कन् के़रे़क्‍ले़ मे़इःत्तु मे़नाःत्तुर पोङ्‌लो॥”


माङ्‌हिम्‍मिन् मे़दोन्‍दु

13 खे़न् एगाङ् दारा हाङ्‌ङिल्‍ले़ युफ्रेतिस नाहाङ्‌दाङ्‌बा तुम् हाङ्‌युक्‍पा तत्‍तनै, सत्‍तर-बोज्‍नै नु खुन्‍छिॽ फाॽबाङ्‌हाॽ इङ्‌जाङ् पिरुसिबा कुइसिक् कुदोःप्‍मा याःम्‍बक् मे़जोगु॥

14 यहुदि लाम्‍लोबाहाॽरे़ माङ्‌निङ्‌वाॽपान् के़बाःप्‍पा हाग्‍गै नु इद्‌दोरे़ कुधाःक् जकरियालाम्‍बा आःन्‍छिङ्‌मा मे़घोसुआङ् माङ्‌हिम् चोःक्‍मा याःम्‍बक्‍किन् नुरिक्‍काङ् तगि मे़भोसु॥ इस्राइलबा निङ्‌वाॽफुमाङ्‌ङिल्‍ले़ कुइङ्‌जाङ् हे़क्‍क्‍याङ् फारस लाजेॽबा कोरेस, दारा नु अर्तासास्‍त हाङ्‌हाॽरे़ खुन्‍छिॽ इङ्‌जाङ् कुइसिक् खे़ङ्‌हाॽरे़ माङ्‌हिम्‍मिन् मे़जोगु मे़सुरु॥

15 हाङ् दाराःल्‍ले़ हाङ्‌युक् चोगुबा तङ्‌बे तुक्‍सि के़रे़बा अदार ला सुम्‍सिगेक्‍पा ये़न्‍नो खे़ङ्‌हाॽरे़ माङ्‌हिम्‍मिन् मे़जोगु मे़सुरु॥

16 खे़न् एगाङ् इस्राइलबा मनाहाॽ, निङ्‌वाॽफुसाम्‍बाहाॽ, ले़बिहाॽ हे़क्‍क्‍याङ् मे़दे़म्‍सु मे़देॽरुसिबालाम् के़नुःङ्‌बा के़भे़म्‍बा वेॽ के़रे़क्‍ले़ निङ्‌वाॽ ये़ये़ लॽरिक् माङ्‌हिम्‍मिन् मे़दोन्‍दु॥

17 माङ्‌हिम्‍मिन् मे़दोन्‍दुल्‍ले़ खे़ङ्‌हाॽरे़ किप् थिक् से़गम्‍बा, किप् ने़त्‍छि थुःम्‍बाहाॽ नु किप् लिसि कुम्‍बाबा मे़ल्‍लुक्‍साःत्‍हाॽ मिधिङ्‌मनादेमनाबा सिदुङ्‌जभा मे़जोगुसि हे़क्‍क्‍याङ् इस्राइलबा के़रे़क् सुवाङ्‌हाॽरे़ लागि थिक्‍ले़ थिक् थिबोङ्‌ङाङ् ने़त्‍छि मे़ःन्‍दबका लायोलाम् ले़प्‍मि खोमा सिदुङ्‌जभा मे़दोन्‍दुसि॥

18 खे़ङ्‌हाॽरे़ यरुसले़म माङ्‌हिम्‍मो माङ्‌से़वा चोःक्‍मारे़ लागि मोसारे़ कुसाप्‍पन्‍नो के़बप्‍पा इङ्‌जाङ् कुइसिक् निङ्‌वाॽफुसाम्‍बा नु ले़बिहाॽरे़ याःम्‍बक् चोःक्‍मा थिम् नु तङ्‌गाम् मे़जोगु मे़बिरुसिरो॥


चोःक्‌युम्‍भो तङ्‌नाम्

19 खे़न् एगाङ् थिक्‍सिगेक्‍पा ला थिबोङ्‌ङाङ् लिसि के़रे़बा ये़न्‍नो मे़दे़म्‍सु मे़देॽरुसिबालाम् के़नुःङ् के़भे़म्‍बा मनाहाॽरे़ चोःक्‌युम्‍भो तङ्‌नाम् मे़दोसु॥

20 के़रे़क् निङ्‌वाॽफुसाम्‍बाहाॽ नु ले़बिहाॽ आबाङे सेसेसाङ्‌साङ् मे़जोःक्‍सिङ्‌ङाङ् मे़वये़ हे़क्‍क्‍याङ् थिम् कुइसिक् सुत्‍थो मे़बोःक्‍खे़आङ् मे़वये़॥ ले़बिहाॽरे़ के़नुःङ्‌बा के़भे़म्‍बा के़रे़क् मनाहाॽरे़ लागि, निङ्‌वाॽफुसाम्‍बाहाॽरे़ लागि नु आबाङे लागि चोःक्‌युम्‍भो तङ्‌नाम् थक्‍साहाॽ मे़से़रुसि॥

21 मे़दे़म्‍सु मे़देॽरुसिबालाम् के़नुःङ्‌बा के़भे़म्‍बा के़रे़क् इस्राइलिहाॽ नु यहवे दाङ्‌बा इस्राइलबा निङ्‌वाॽफुमाङ्‌ङिन् माङ्‌से़वा मे़त्‍छे़ के़दाबा, खे़न् लाजेॽओ के़युङ्‌बा आबाङे खुन्‍छिॽ फे़न्‌याःम्‍बक् के़ले़प्‍पा हे़क्‍क्‍याङ् वेॽ नावाइत्‍ला से़वा मे़प्‍मा के़ले़प्‍पा के़रे़क्‍ले़ सिदुङ्‌जभा तोःम्‍मनाबा थक्‍सा सान् मे़ज॥

22 नुसि ये़न् थारिक् खे़ङ्‌हाॽरे़ निङ्‌वाॽ हाङ्‌हाङ् सिदाॽ मे़म्‍भःन्‍नेबा खरे़ःङ् चामा तङ्‌नाम्‍मिन् मे़दोसु॥ खे़ङ्‌हाॽ निङ्‌वाॽ ये़ये़ मे़लॽरे़आङ् मे़वये़ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ अस्‍सुरबा पयम् हाङ्‌ङिन् खे़ङ्‌हाॽ लुङ्‌माॽ के़दुक्‍पा चोगुआङ् वये़ हे़क्‍क्‍याङ् खे़ल्‍ले़ इस्राइलबा निङ्‌वाॽफुमाङ्‌ङिल्‍ले़ कुहिम्‍मिन् चोःक्‍मा खे़ङ्‌हाॽ फाॽरुसिआङ् वये़रो॥

© 2009, 2023, Wycliffe Bible Translators, Inc. All rights reserved.

Wycliffe Bible Translators, Inc.
Swiv nou:



Piblisite