ए़ज्रा 2 - लिम्बुके़नुःङ्बाहाॽरे़ खुन्छिॽ मिङ्हाॽ ( नहे ७:४-७३ ) 1 मे़दे़म्सु मे़देॽरुसिआङ् के़वाॽबा यरिक् यहुदिहाॽ बेबिलोन ते़ङ्गपलाम्बा यरुसले़म नु यहुदाओ मे़नुःक्खे़ हे़क्क्याङ् खुन्छिॽ आबाङे ये़क्यक्हाॽओ मे़बे॥ नबुकदनेसर हाङ्ङिल्ले़ ते़म्सु तेॽरुसिबा ये़म्माङ्धो खे़न् ये़म्मो थारिक् खे़ङ्हाॽरे़ खुन्छिॽ हिम्सयङ्हाॽ बेबिलोनओ मे़याःक्ते़आङ् मे़वये़॥ 2 खे़ङ्हाॽरे़ खुन्छिॽ लाम्लोबाहाॽ—यरुबाबेल, येसुआ, नहे़म्या, सरायाह, रेलयाह, मोर्दकै, बिल्सान, मिस्पार, बिग्वै, रेहुम नु बानाहा मे़वये़॥ मे़दे़म्सु मे़देॽरुसिबालाम् के़नुःङ्बा के़भे़म्बा इस्राइलबा मनाहाॽ मे़निरुसिल्ले़ खे़ङ्हाॽरे़ खुनिॽ सुवाङ् कुइसिक् कन् परिक्ले़न् मे़वये़रो— 3-20 परोस—२,१७२ सपत्याह—३७२ आरा—७७५ पहत-मोआब (येसुआ नु योआबरे़ खुन्छिॽ मुॽइदाङ्साहाॽ)—२,८१२ एलाम—१,२५४ जत्तु—९४५ जक्कै—७६० बानि—६४२ बेबै—६२३ अज्गाद—१,२२२ अदोनिकाम—६६६ बिग्वै—२,०५६ आदिन—४५४ आतेर (खे़न् हिजकियाआङ् मे़मे़त्तु)—९८ बेजै—३२३ योरा—११२ हासुम—२२३ गिब्बार—९५॥ 21-35 आबाङे खुन्छिॽ पाधे़बाहाॽ मे़युङे़बा ये़क्यक्हाॽ कुइसिक् मे़नुःक्खे़बा मनाहाॽ कन् परिक्ले़ मे़वये़रो— बेथले़हे़म—१२३ नतोपा—५६ अनातोत—१२८ अज्मावेत—४२ किर्यत-यारिम, कपिरा, नु बेरोत—७४३ रामा नु गेबा—६२१ मिकमास—१२२ बेथेल नु ऐ—२२३ नेबो—५२ मग्बिस—१५६ वेॽसमा एलाम—१,२५४ हारिम—३२० लोद, हादिद नु ओनो—७२५ यरिहो—३४५ सेनाह—३,६३० 36-39 मे़दे़म्सु मे़देॽरुसिबालाम् के़नुःङ्बा के़भे़म्बा निङ्वाॽफुसाम्बाहाॽरे़ खुन्छिॽ सुवाङ्हाॽरे़ थामिङ्— यदायाह (येसुआरे़ कुमुॽइदाङ्सा)—९७३ इम्मेर—१,०५२ पसहुर—१,२४७ हारिम—१,०१७ 40-42 मे़दे़म्सु मे़देॽरुसिबालाम् के़नुःङ्बा के़भे़म्बा ले़बि सुवाङ्हाॽ— येसुआ नु कादमिएल (होदबियाःल्ले़ कुमुॽइदाङ्सा)—७४ माङ्हिम्मो साम्लो साम्गे़मे़प्पाहाॽ आसापे़ल्ले़ कुमुॽइदाङ्सा—१२८ माङ्हिम्मो लाम्धेत् के़गोबाहाॽ सल्लुम, आतेर, तल्मोन, अक्कुब, हतिता नु सोबैरे़ कुमुॽइदाङ्सा)—१३९ 43-54 मे़दे़म्सु मे़देॽरुसिबालाम् के़नुःङ्बा माङ्हिम्मो याःम्बक् के़जोःक्पाहाॽरे़ खुनिॽ सुवाङ्हाॽ— सिहा, हसुपा, तब्बाओत, केरोस, सिआ, पादोन, ले़बाना, हगाबा, अक्कुब, हागाब, साल्मै, हानान, गिद्देल, गहर, रायाह, रसिन, नकोदा, गज्जाम, उज्जा, पसेह, बेजै, अस्ना, मोनिम, नेपुसिम, बक्बुक, हकुपा, हर्हुर, बस्लुत, महिदा, हर्सा, बर्कोस, सिसरा, तेमह, नसिह नु हतिपा॥ 55-57 मे़दे़म्सु मे़देॽरुसिबालाम् के़नुःङ्बा के़भे़म्बा सोलोमनरे़ कुयाःम्बक् के़जोःक्पा से़वारोबाहाॽरे़ खुन्छिॽ सुवाङ्हाॽ— सोतै, हस्सोपेरेत, पारुद, याला, दर्कोन, गिद्देल, सपत्याह, हत्तिल, पोकेरेत-हसेबायिम नु आमि॥ 58 मे़दे़म्सु मे़देॽरुसिबालाम् के़नुःङ्बा के़भे़म्बा माङ्हिम्मोबा याःम्बक् के़जोःक्पाहाॽ नु सोलोमनरे़ कुयाःम्बक् के़जोःक्पा से़वारोबाहाॽ के़रे़क् मे़निरुसिल्ले़ ३९२ मे़योरे़॥ 59-60 तेल-मेलह, तेल-हर्सा, केरुब, आदोन नु इम्मेर ये़क्यक्लाम् के़नुःङ्बा के़भे़म्बाहाॽ दलायाह, तोबिया नु नकोदा सुवाङ्बा मनाहाॽ के़रे़क् ६५२ मे़वये़ कर आनिगे इस्राइलिहाॽरे़ खुन्छिॽ मुॽइदाङ्सासिगे़ फाॽआङ् खे़ङ्हाॽरे़ तसि पर्माङ्गि ताःप्मा मे़न्छुक्तुन्॥ 61-62 कन् निङ्वाॽफुसाम्बा हिम्सयङ्हाॽरे़आङ् आबाङे थाःक्थे़बाहाॽरे़ खुन्छिॽ याःम्बेओ तसि पर्माङ्गि तोःम्मारे़ लागि थेआङ् साप्ला मुन्देॽ खोमा मे़न्छुक्तुन्—होबायाह, हक्कोस नु बर्जिल्लै॥ (बर्जिल्लै मिङ् के़वाःप्पा निङ्वाॽफुसाम्बा हिम्सयङ्बा पाधे़बाहाॽरे़ गिलाद के़युङ्बा बर्जिल्लैरे़ कुस्सा मे़न्छुमाधिक् ते़न्धाम्गे़न् मेःक्खिम् मे़लक्तुआङ् कुन्नुःप्पाल्ले़ कुमिङ्ङो आबाङे हिम्सयङ्ङिल्ले़ कुमिङ् युक्खुआङ् वये़॥) आबाङे खुन्छिॽ पाधे़बाहाॽरे़न् थेआङ् तसि पर्माङ्गि पिमा मे़न्छुक्तुम्बाल्ले़ चोगुल्ले़ खे़ङ्हाॽ निङ्वाॽफुसाम्बासि फाॽआङ् मे़न्दाःक्तुसिन्॥ 63 उरिम नु तुम्मिम्मे़न् याङ्मा के़सुक्पा निङ्वाॽफुसाम्बाधिक् मे़न्दाए थारिक् खे़ङ्हाॽरे़ निङ्वाॽफुमाङ्ङो तोःम्मनाबा कुजान् चामा मे़न्छुक्तुन् फाॽआङ् यहुदि तुम् सुहाङ्युक्पाल्ले़ खे़ङ्हाॽ मे़त्तुसिरो॥ 64-67 मे़दे़म्सु मे़देॽरुसिबालाम् के़नुःङ्बा के़भे़म्बाहाॽ मे़निरुसिल्ले़ खे़ङ्हाॽ के़रे़क् ४२,३६० मे़वये़॥ खे़ङ्हाॽरे़ खुनिॽ से़वारोबा नु से़वारोमाहाॽ ७,३३७ मे़वये़ ये़म्बित्छा नु मे़न्छुमा साम्गे़लोमाहाॽ २०० मे़वये़ अन् ७३६ अन्योक् २४५ उमे ४३५ अदङ् ६,७२० मे़वये़रो॥ 68 खे़ब्याङ् मे़दे़म्सु मे़देॽरुसिबालाम् के़नुःङ्बा के़भे़म्बाहाॽ यरुसले़ःम्मोबा यहवे दाङ्बाल्ले़ कुमाङ्हिम्मो मे़गे़रे़ मे़द्ये़, हे़क्केःल्ले़ यरिक् हिम्सयङ्बा तुम्भाक्पाहाॽरे़ तगिबा ते़न्नोए याम्मो माङ्हिम् चोक् फाॽमासिरे़ लागि खुनिॽ निङ्वाॽलाम् हुक्वायाङ् मे़दोन्दु॥ 69 खे़न् याःम्बक्किल्ले़ लागि खे़ङ्हाॽरे़ खुन्छिॽ सुक्सुक् मे़बिरुसि हे़क्क्याङ् के़रे़क्ले़ ५०० किलोग्राम साम्म्याङ्, २,८०० किलोग्राम युप्पा नु किप्थिक् निङ्वाॽफुसाम्बा तेःप्फुङ्हाॽ मे़भुक्खु॥ 70 निङ्वाॽफुसाम्बा, ले़बि हे़क्क्याङ् कुभा मनाहाॽ यरुसले़म नु खे़ल्ले़ कुबेसाङ्बा ते़न्हाॽओ मे़युङ्सिङ्॥ साम्गे़लोबाहाॽ, इक्के़गोबाहाॽ नु माङ्हिम्मो याःम्बक् के़जोःक्पाहाॽ आम्भा खे़ल्ले़ कुबेसाङ्बा ये़क्यक्को मे़युङ्सिङ् हे़क्क्याङ् वेॽ के़रे़क् इस्राइलिहाॽ आबाङे खुन्छिॽ पाधे़बाहाॽ मे़युङे़बा ये़क्यक्हाॽओ युङ्मा मे़हेःक्ते़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.