ए़ज्रा 10 - लिम्बुमनाहाॽरे़ खुन्छि लायोलाम् मे़हिन् 1 ए़ज्रान् माङ्हिम्मिल्ले़ कुदगि कुधे़गेःक्किन् तर्घुॽ मे़त्तुआङ् पेलिगे़न् तुवा चोःक्नु, हाबे़र खे़ङ्हाॽरे़ लायो मे़जोगुबाए फाॽआङ् पाःत्तुर युङे़॥ इस्राइलबा ये़म्बित्छा, मे़न्छुमा नु हिन्जाॽबित्छाॽहाॽरे़न् लत्छा यम्बा मनालुप् थिक् खुने़ॽ कुघिरि मे़जुप्से़॥ मना लुप्पोबा मनाहाॽआङ् खुन्छिॽ निङ्वाॽ लोरे़र मे़हाबे़र मे़ये़बे़॥ 2 खे़न् एगाङ् एलाम सयङ्समा यहिएलरे़ कुस्सा सकन्याहःल्ले़ ए़ज्रान् मे़त्तु, “वेॽ सुवाङ्समा मे़न्छुमाहाॽ आनिॽ ते़न्धाम् मेःक्खिम् आमे़त्तुम्सिम्माङ् आनिॽ निङ्वाॽफुमाङ्ङोबा नसाःन्निन् आले़क्खुम्, कर आर थारिक्साङ् इस्राइलरे़ कुलागि लाम्ओमे़प्मा निङ्साङ् वाॽ॥ 3 कन् मे़न्छुमाहाॽ नु अङे़ःक्वाहाॽ आनिॽगे माःङ्घाए पाङ्घुम् तेसुम्सिम्बे़ फाॽआङ् आनिॽ निङ्वाॽफुमाङ्ङिन्नु के़साक्पा माङ्हे़क् चोःक्मा पोङ्ॽ॥ खे़ने़ॽ नु निङ्वाॽफुमाङ्ङिल्ले़ कुइङ्जाङ् के़इःप्पा के़नाःप्पा मनाहाॽरे़ आनिॽ थे़मा सुजा मे़बिरिगे़, हाबा खे़न्ने आनिगे चोगुम्बे़॥ निङ्वाॽफुमाङ्ङिल्ले़ कुसाम्योथिम् इङ्जाङ्ङिल्ले़ थे पाःत्तुॽ, हाबा खे़न्ने आनिगे चोगुम्बे़॥ 4 आल्ल चोःक्मा के़बोङ्बा याःम्बक्किल्ले़ लक्पे़न्साबाग खे़ने़ॽ के़वाॽ॥ आनिगे खे़ने़ॽ तिम्मासिगे़ हे़क्क्याङ् तगि पोरे़र याःम्बक्किन् के़रे़क् सुरे़ॽओ॥” 5 ए़ज्राःल्ले़ निङ्वाॽफुसाम्बाहाॽ, ले़बिहाॽ नु वेॽ मनाहाॽरे़ खुन्छिॽ लाम्लोबाहाॽ सकन्याहःल्ले़ पाःत्तुबा हे़क्के याःम्बक् चोगुम्बे़ फाॽआङ् माङ्हे़क् चोःक्मा पाङ्घुसि॥ 6 हे़क्क्याङ् खे़न् माङ्हिम्मिल्ले़ कुदगिलाम् एल्यासिबरे़ कुस्सा यहोहानानरे़ कुयाक्फाङ्ङो पे हे़क्क्याङ् मे़दे़म्सु मे़देॽरुसिबालाम् के़नुःङ्बा के़भे़म्बा मनाहाॽ नसाःन्साबा मे़होप्ते़बाल्ले़ चोगुल्ले़ खुने़ॽ मे़रिङ् थक्नु से़न्दिक् नाम्दाःत्तात् युङे़आङ् खाओःन्दु॥ खुने़ॽ थेआङ् मे़जने़न् मे़धुङुन्॥ 7 खे़न् एगाङ् मे़दे़म्सु मे़देॽरुसिबालाम् के़नुःङ्बा के़भे़म्बाहाॽ के़रे़क् यरुसले़ःम्मो चुम्मारे़ लागि काक् यरुसले़म नु यहुदाओ इङ्घङ् मे़हाक्तुसि॥ 8 कन् इङ्जाङ्ङिन् मनाहाॽरे़ खुनिॽ लाम्लोबाहाॽरे़ मे़बिरुसिआङ् वये़॥ सुम्यान्ले़ आत्तिन् मे़गे़त्ने़न् मे़दाने़न्, खे़ल्ले़ के़रे़क् कुयाङ्साकुन्धेहाॽ साक्के़ल्ले़क् नाःप्मा पोङ्ॽ हे़क्क्याङ् खे़ल्ले़ सङ्जुम्भोओ पासिङ्पादाङ् ला पोङ्मा युक्किन् मासु के़लॽबाआङ् इङ्जाङ् वये़॥ 9 सुम्यान्ले़सा फाङ्सि ला के़रे़बा निबोङ् ये़न्नो यहुदा नु बेन्यामिन के़रे़क् ये़म्बित्छाहाॽ यरुसले़ःम्मो मे़द्ये़आङ् माङ्हिम् लक्खुम्मो मे़जुप्से़॥ यम्बा वहित् थ्ये़र पत्छे़ हे़क्क्याङ् वहित्तिन् नु चुम्लुङ् चुम्माए के़बोङ्बा पाःन्निल्ले़ चोगुल्ले़ के़रे़क् मनाहाॽ मे़यक्खे़र मे़युङे़॥ 10 निङ्वाॽफुसाम्बा ए़ज्रान् पोगे़आङ् खे़ङ्हाॽ मे़त्तुसि, “खिनिॽ नसान् के़होप्पा के़बोःक्खिआङ् के़वयि हे़क्क्याङ् वेॽ सुवाङ्समा मे़न्छुमाहाॽनु मेःक्खिम् के़जोगुम्माङ् इस्राइले़न् आप्तिक्साबा के़जोगुम्माङ् के़वयिॽ॥ 11 आल्ल आनिगे लायो चोगुम्बे़ फाॽआङ् यहवे दाङ्बा खे़निॽ थाःक्थे़बाहाॽरे़ खुनिॽ निङ्वाॽफुमाङ्ङिल्ले़ कुदगि पाःत्ते़म्मे़ॽ हे़क्क्याङ् खुने़ॽ कुनिङ्वाॽ इसिःक् याःम्बक् चोगे़म्मे़ॽ॥ खिनिॽ लाजेॽओ के़युङ्बा थिम्मे़न्दङ् सुवाङ्हाॽ हे़क्क्याङ् वेॽ लाजेॽबा खिनिॽ मेःत्हाॽनु लाःत्लाःत् वये़म्मे़ॽ॥” 12 खे़ब्याङ् के़जुम्बाआङ् के़युङ्बा के़रे़क् मनाहाॽरे़ मे़अःक्ते़आङ् मे़बाःत्तु, “खे़ने़ॽ थे के़बाःत्तु, आनिगे हे़क्केए चोगुम्बे़॥” 13 कर खे़ङ्हाॽरे़ कन् पाःन्निन् मे़योॽरु, “मनालुप्हाॽ यरिक् मे़वाॽ हे़क्क्याङ् यम्बा वहित्ताङ् थार पत्॥ कन् साःङ्गाहिम् के़होप्पादे़न्नो आनिगे अक्खेलॽरिक् ये़प्मा मे़सुक्तिगे़न्॥ कन् थिक्यान् इग्र नियाःन्ले़ चोःक्मा सुक्के़दे़प्पा पाःन्नाङ् मेःन् थेआङ्भे़ल्ले़ आनिगे यरिक् कन् लायोओ थ्ये़ॽइगे़आङ् वयिगे़॥ 14 आनिगे सुहाङ्युक्पाहाॽ यरुसले़ःम्मो मे़युङ्ल हे़क्क्याङ् कन् पाःन्नो लक्पे़न्साबा मे़बोङ्ल॥ आत्तिल्ले़ वेॽ सुवाङ्समा कुमेत् वाॽ, खे़न् कुभा निःन्धो के़बोङ्बा ये़न्नो खुने़ॽ कुये़क्यक्कोबा लाम्लोबाहाॽ हे़क्क्याङ् खासे़न्लोःम्बाहाॽनु तार॥ अक्खेलॽरिक् कल्ले़ कुयाःम्बेओ निङ्वाॽफुमाङ्ङिल्ले़ कुसिक्के़न् चिजि ये़म्ये़म् पोङ्ॽ॥” 15 असाहेलरे़ कुस्सा जोनाथान हे़क्क्याङ् तिक्भारे़ कुस्सा याजयाहःन्नुःल्ले़ वेॽ आत्तिन्हाॽरे़आङ् खे़न् पाःन्निन् मे़न्अत्तुन्॥ मसुल्लाम नु ले़बि सब्बतैरे़ खुन्छिॽ आःन्छिङ्मान् खोसे़त्छुआङ् खे़ङ्हाॽ ने़प्माङ्ले़ खे़न् पाःन्निन् अत्ते़छुआङ् वये़त्छि॥ 16 मे़दे़म्सु मे़देॽरुसिबालाम् के़नुःङ्बा के़भे़म्बा ये़म्बित्छाहाॽ खे़न् पाःन्निन् खे़म्मा मे़दे़न्दे़ हे़क्क्याङ् ए़ज्राःल्ले़ हिम्सयङ्बा तुम्भाक्पाहाॽलुम्मोलाम् लाम्लोबाहाॽ मुरा मे़त्तुसिआङ् खुन्छिॽ मिङ् मे़साप्तु॥ थिबोङ् ला के़रे़बा थिक्सिगेक्पा ये़न्नो खे़ङ्हाॽ आप्फेक् साॽसिङ्मा मे़हेःक्सिङ्॥ 17 हे़क्क्याङ् ला सुम्सि थारिक् खे़ङ्हाॽरे़ वेॽ सुवाङ्समा कुमेत् के़वाॽबा के़रे़क् ये़म्बित्छाहाॽ मे़साॽरुसिरो॥ वेॽ लाजेॽबा मे़न्छुमा के़दाःप्पाहाॽ 18 वेॽ लाजेॽबा मे़न्छुमा मेःक्खिम् के़मे़प्पा निङ्वाॽफुसाम्बाहाॽरे़ खुन्छिॽ मिङ्नाःत्हाॽ कन्हाॽएरो— योसादाकरे़ कुस्सा येसुआ नु खे़ल्ले़ कुहिम्सयङ्लाम् मासेयाह, एलिएजर, यारिब हे़क्क्याङ् गदल्याह मे़वये़॥ 19 खे़ङ्हाॽरे़ खुनिॽ मे़ल्लिङ्गे़न् मेःत्हाॽ लाप्फुमासि माङ्हे़क् मे़जोगु हे़क्क्याङ् खुन्छिॽ लायोलाम् ले़प्मि खोमारे़ लागि कुम्बाबा मे़ल्लुक्थिक् सिदुङ्जभा मे़दोन्दु॥ 20 इम्मेर हिम्सयङ्लाम्—हनानि नु जबदियाह 21 हारिम हिम्सयङ्लाम्—मासेयाह, एलिया, समायाह, यहिएल नु उज्जियाह॥ 22 पसहुर हिम्सयङ्लाम्—एल्योएनै, मासेयाह, इस्माएल, नतनेल, योजाबाद नु एलासा॥ 23 ले़बिहाॽ— योजाबाद, सिमि, केलायाह (खे़न् कलिताआङ् मे़मे़त्तु), पतहियाह, यहुदा नु एलिएजर॥ 24 साम्गे़लोबाहाॽ— एल्यासिब माङ्हिम्मो लाम्धेत् के़गोबाहाॽ— सल्लुम, तेलेम नु उरि॥ 25 वेॽ ये़म्बित्छाहाॽ— परोस हिम्सयङ्लाम्—रम्याह, यिज्याह, मल्कियाह, मियामिन, एलाजार, मल्कियाह नु बनायाह॥ 26 एलाम हिम्सयङ्लाम्—मत्तन्याह, जकरिया, यहिएल, अब्दि, यरेमोत नु एलिया॥ 27 जत्तु हिम्सयङ्लाम्—एल्योएनै, एल्यासिब, मत्तन्याह, यरेमोत, जाबाद नु अजिजा॥ 28 बेबै हिम्सयङ्लाम्—येहोहानान, हनन्याह, जब्बै नु अत्लै 29 बानि हिम्सयङ्लाम्—मसुल्लाम, मल्लुक, अदायाह, यासुब, साल नु यरेमोत॥ 30 पहत-मोआब हिम्सयङ्लाम्—अदना, केलाल, बनायाह, मासेयाह, मत्तन्याह, बजलेल, बिन्नुइ नु मनस्से॥ 31 हारिम हिम्सयङ्लाम्—एलिएजर, यिसियाह, मल्कियाह, समायाह, सिमेओन, 32 बेन्यामिन, मल्लुक नु समरयाह॥ 33 हासुम हिम्सयङ्लाम्—मत्तनै, मत्तता, जाबाद, एलिपेलेत, येरेमै, मनस्से नु सिमि॥ 34 बानि हिम्सयङ्लाम्—मादै, अम्राम, उएल, 35 बनायाह, बेदयाह, कलुहि, 36 भन्याह, मरेमोत, एल्यासिब, 37 मत्तन्याह, मत्तनै नु यासु॥ 38 बिन्नुइ हिम्सयङ्लाम्— 39 सिमि, सेलेम्याह, नातान, अदायाह, 40 मक्नादबै, सासै, सारै, 41 अज्रेल, सेलेम्याह, समरयाह, 42 सल्लुम, अमर्याह नु युसुफ॥ 43 नेबो हिम्सयङ्लाम्—यिएल, मत्तित्याह, जाबाद, जबिना, यद्दै, योएल नु बनायाह॥ 44 कन् के़रे़क् मनाहाॽरे़ खुनिॽ मेःत्हाॽ वेॽ लाजेॽसमा मे़न्छुमा मे़वये़॥ खे़ङ्हाॽरे़ खे़न् खुन्छिॽ मेःत्हाॽलाम् कुभारे़ खुन्छिॽ साएआङ् मे़वये़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.