इजकिएल 2 - लिम्बुइजकिएलरे़ उःत्छिङ् खोसु 1 खुने़ॽ आङ्गाॽ अक्खे मे़त्ताङ्, “नासिगे़न् थक्ला के़गप्पा मे़न्छाम् याप्मिए, खे़ने़ॽ ये़बे़ॽ, आङ्गाॽ खे़ने़ॽनु ताॽजे़ङ्मा आनिङ्वाॽ वाॽ॥” 2 खुने़ॽ पारे़र पत्छे़ल्ले़ निङ्वाॽफुमाङ्ङिल्ले़ कुयाम्साम्मिन् आङ्गाॽओ ये़, खे़ब्याङ् खुने़ॽ आङ्गाॽ ये़बाङ्ल याःन्दाङ्॥ आङ्गाॽ सिङ्सिङ् ये़क्ये़क्काङ् खुने़ॽ कुबाःन्हाॽ खे़प्सुङ्॥ 3 खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, आङ्गाॽ आदक्ले़ङ्वाओ पिफ्युङ् के़जोःक्पाआङ् के़वाॽबा, इस्राइलि सुवाङ्हाॽओ आङ्गाॽ खे़ने़ॽ पाङ्ने़र पत्ता॥ खे़ङ्हाॽ नु खे़ङ्हाॽरे़ खुन्छिॽ थाःक्थे़बाहाॽरे़ आङ्गाॽ आदक्ले़ङ्वाओ आइन् थारिक् पिफ्युङ् मे़जोगुर मे़वाॽ॥ 4 खे़ङ्हाॽ पान् मे़ङ्घे़म्मनाबा नु कुना सिरेःप् मे़ल्लॽमनाबा मना मे़जोक्॥ कर खे़ङ्हाॽ अक्खे मे़प्मासिरे़ लागि खे़ने़ॽ पाङ्ने़र पत्ता, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ!’ 5 हे़क्क्याङ् खे़ङ्हाॽरे़ मे़घे़प्सुसाङ् इग्र मे़ङ्घे़प्सुन्छाङ् खे़न् पिफ्युङ्बाहाॽरे़ खुन्छिॽ निङ्वाॽ सुम्लॽमारे़ लागि खे़ङ्हाॽरे़ खुन्छिॽ लुम्मो लत्छा माङ्निङ्वाॽपान् के़बाःप्पाधिक् त्ये़आङ् वये़ फाॽआङ् खे़ङ्हाॽरे़ निङ्वाॽ मे़घोसुॽ॥ 6 “नासिगे़न् थक्ला के़गप्पा मे़न्छाम् याप्मिए, खे़ने़ॽ खे़ङ्हाॽनु इग्र खे़ङ्हाॽरे़ खुन्छिॽ पाःन्निन्नु मे़गिसे़न्ने़ॽ॥ खे़ङ्हाॽरे़ खुन्छिॽ यङ्मासे़प्मा पाःन्निल्ले़ खे़ने़ॽ सिक्वाःल्ले़ के़सिक्पा नु तिङ्ङिल्ले़ के़लक्पा हे़क्क्याङ् ताङ्साक्खे़बक्पाहाॽरे़ के़म्सिक्पा हे़क्के लॽसाङ् मे़गिसे़न्ने़ॽ॥ खे़ङ्हाॽ पिफ्युङ्बासिसाङ् खे़ङ्हाॽरे़ खुन्छिॽ नामाक्मालाम् खे़ने़ॽ के़निङ्साङ् मे़बुगे़न्ने़ॽ॥ 7 खे़ङ्हाॽरे़ मे़घे़प्सुग्र मे़घे़प्सु मे़ङ्घे़प्सुङ्ग्र मे़ङ्घे़प्सुन् आङ्गाॽ आइङ्घङ्ङिन् खे़ङ्हाॽ खे़ने़ॽ के़मे़त्तुसिरए पोङ्ॽ॥ कर खे़ङ्हाॽरे़ मे़ङ्घे़प्सुन्ॽ, थेआङ्भे़ल्ले़ खे़ङ्हाॽ के़रे़क् पिफ्युङ्बा मे़जोक्! 8 नासिगे़न् थक्ला के़गप्पा मे़न्छाम् याप्मिए, आङ्गाॽ खे़ने़ॽ थे मे़त्ने़, खे़न् खे़प्से़ॽ॥ खे़ने़ॽ खे़ङ्हाॽरे़ खुन्छिॽ पिफ्युङ्बा चोःक्माओ खे़ने़ॽ मे़बत्छे़न्ने़ॽ॥ खे़ने़ॽ के़म्ब्राःन् हङ् मे़त्ते़ॽ, हे़क्क्याङ् आङ्गाॽ खे़ने़ॽ पिने़बान् च्ये़ॽ॥” 9 खे़ब्याङ् हुक्थिक् आङ्गाॽ ले़प्माङ् सन्छिङ्ङाङ् पत्छे़बा निसुङ्॥ खे़न् हुक्के़ओ लत्छा साप्लाथङ्माधिक् पत्छे़॥ 10 खे़न् हुक्किल्ले़ किप्मनाबा साप्लाथङ्मान् फाःक्खु॥ हे़क्क्याङ् खे़ॽयो ने़प्मजाङ् ले़प्माङ् चेलुप् खःङ्लुप् साम्लोहाॽ नु मे़रिङ् थक्मा पाःन्हाॽ हे़क्क्याङ् खासे़न्लोम्मा पाःन्हाॽरे़ ते़प्तुआङ् पत्छे़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.