१ साप्मुःन्धुम् 9 - लिम्बुमे़दे़म्सु मे़देॽरुसिबालाम् के़नुःङ्बा मनाहाॽ 1 इस्राइलबा के़रे़क् मनाहाॽरे़ खुन्छिॽ मिङ्हाॽ खे़ङ्हाॽरे़ खुन्छिॽ थाःक् कुइसिक् मे़निरु॥ कन् पाःन्निन् इस्राइलबा हाङ्हाॽरे़ खुन्छिॽ मिङ्स्रा साप्पन्नो मे़भत्छुआङ् पत्छे़॥ यहुदाबा मनाहाॽ नसाःन्साबा मे़म्बोःक्खे़न्बाल्ले़ चोगुल्ले़ खुम्दिङ् मे़घोसुआङ् लाजेॽलाम् मे़लःत्तु मे़देॽरुसिआङ् बेबिलोनओ मे़वये़रो॥ यरुसले़ःम्मोबा मनाहाॽ 2 खुन्छिॽ पाधे़बाहाॽरे़ खुन्छिॽ लाजेॽ, आप्फेक् खुन्छिॽ ये़क्यक्हाॽओ के़रे़क्नुःल्ले़ तगि के़नुःङ्बा के़भे़म्बाआङ् के़युङ्बाहाॽग कुभा इस्राइलिहाॽ, निङ्वाॽफुसाम्बाहाॽ, ले़बिहाॽ नु माङ्हिम्मोबा से़वारोबाहाॽ मे़वये़॥ 3 यरुसले़ःम्मो के़युङ्बा यहुदा, बेन्यामिन, एफ्राइम नु मनस्सेबा मनाहाॽ आम्भा कन्हाॽरो— 4 उत्तै, उत्तैन् अम्मिहुदरे़ कुस्सा वये़, अम्मिहुदे़न् ओम्रिरे़ कुस्सा वये़, ओम्रिःन् इम्रिरे़ कुस्सा वये़, इम्रिन् बानिरे़ रे़ कुस्सा वये़, बानिन् यहुदारे़ कुस्सा वये़, यहुदान् फारेसरे़ कुस्सा वये़॥ 5 सिलोनिहाॽरे़ खुन्छिॽ थाःक्हाॽ लुम्मो—तुम्बा असयाह नु खुने़ॽ कुस्साहाॽ॥ 6 जेरहातिहाॽरे़ खुन्छिॽ मुॽइदाङ्साहाॽलाम्बा— यिएल॥ यहुदाबा मनाहाॽलाम् ६९० मे़वये़॥ 7 बेन्यामिन मनाहाॽलाम्— सल्लु, सल्लुन् मसुल्लामरे़ कुस्सा वये़, मसुल्लामे़न् होदबियारे़ कुस्सा वये़, होदबियान् हस्सेनुअरे़ कुस्सा वये़॥ 8 यरोहामरे़ कुस्सा यिब्नियाह वये़, एलाहन् उज्जिरे़ कुस्सा वये़, उज्जिन् मिक्रिरे़ कुस्सा वये़, हे़क्क्याङ् मसुल्लामे़न् सपत्याहरे़ कुस्सा वये़, सपत्याहन् रुएलरे़ कुस्सा वये़, रुएले़न् यिब्नियारे़ कुस्सा वये़॥ 9 बिन्यामिनबा मनाहाॽ खुन्छिॽ मिङ्स्रा कुइसिक् ९५६ मे़वये़, हे़क्क्याङ् के़रे़क् खुन्छिॽ आप्फेक् आप्फेक् हिम्सयङ्हाॽओबा लाम्लोबा मे़वये़रो॥ यरुसले़ःम्मो के़युङ्बा निङ्वाॽफुसाम्बाहाॽ 10 निङ्वाॽफुसाम्बाहाॽलाम्— यदायाह, यहोयारिब याकिन, 11 अजर्याह (खुने़ॽ हिल्कियाहरे़ कुस्सा वये़, हिल्कियाहन् मसुल्लामरे़ कुस्सा वये़, मसुल्लाम्मे़न् सादोकरे़ कुस्सा वये़, सादाके़न् मरायोतरे़ कुस्सा वये़, मरायोते़न् अहितुबरे़ कुस्सा वये़, खुने़ॽ निङ्वाॽफुमाङ्ङिल्ले़ कुहिम् ओगे़मे़प्पा लक्पे़न्साबा वये़), 12 अदायाह (खुने़ॽ यरोहामरे़ कुस्सा वये़, यरोहामे़न् पसहुररे़ कुस्सा वये़, पसहुरे़न् मल्कियाहरे़ कुस्सा वये़, हे़क्क्याङ् मासैन् अदिएलरे़ कुस्सा वये़, अदिएले़न् यहजेरारे़ कुस्सा वये़, यहजेरान् मसुल्लामरे़ कुस्सा वये़, मसुल्लामे़न् मसिलेमितरे़ कुस्सा वये़, मसिलेमिते़न् इम्मेररे़ कुस्सा वये़)॥ 13 निङ्वाॽफुसाम्बाहाॽ खुन्छिॽ आप्फेक् आप्फेक् हिम्सयङ्हाॽओबा लाम्लोबा मे़वये़, खे़ङ्हाॽ १,७६० मे़वये़॥ खे़ङ्हाॽ निङ्वाॽफुमाङ्ङिल्ले़ कुहिम्मो माङ्से़वा याःम्बक् चोःक्मारे़ लागि सुम्बोधासाबा मना मे़वये़रो॥ यरुसले़ःम्मो के़युङ्बा ले़बिहाॽ 14 ले़बिहाॽलाम्—समायाह (खुने़ॽ हस्सुबरे़ कुस्सा वये़, हस्सुबे़न् अज्रिकामरे़ कुस्सा वये़, अज्रिकामे़न् हसब्याहरे़ कुस्सा वये़, मरारिरे़ कुमुॽइदाङ्सा मे़वये़), 15 खे़ब्याङ् बक्बक्कर, हारेस, गालाल, मत्तन्याह (खुने़ॽ मिकारे़ कुस्सा वये़, मिकान् जिक्रिरे़ कुस्सा वये़, जिक्रिन् आसापरे़ कुस्सा वये़), 16 हे़क्क्याङ् ओबदिया (खुने़ॽ समायाहरे़ कुस्सा वये़, समायाहन् गालालरे़ कुस्सा वये़, गालाले़न् यदुतुनरे़ कुस्सा वये़), खम्भ्याङ् बेरेक्याह, (खुने़ॽ आसारे़ कुस्सा वये़, आसान् ए़ल्कानाःल्ले़ कुस्सा वये़, एल्कानान् नतोपातिहाॽरे़ खुन्छिॽ पाङ्भेॽहाॽओ युङे़रो॥) यरुसले़ःम्मो के़युङ्बा माङ्हिम् लाम्धेत् के़गोबाहाॽ 17 लाम्धेत् के़गोबाहाॽ— सल्लुम, अक्कुब, तल्मोन, अहिमन नु खे़ङ्हाॽरे़ खुन्छिॽ काॽइहाॽ॥ खे़ङ्हाॽरे़ खुन्छिॽ फुॽ सल्लुमे़न् तुम् लाम्लोबा वये़॥ 18 कन् ये़म्मो थारिक् खे़ङ्हाॽ नाङ्गे़न् पिसाङ्बा हाङ्ङिल्ले़ यम्बा कुलाम्धेःत्तो लाम्धेत् के़गोबा मे़ये़बे़॥ खे़ङ्हाॽ ले़बिहाॽरे़ खुन्छिॽ साःङ्गाहिम्हाॽओबा लाम्धेत् के़गोबा मे़वये़॥ 19 सल्लुम (खुने़ॽ कोरेरे़ कुस्सा वये़, कोरे़न् एब्यासापरे़ कुस्सा वये़, एब्यासापे़न् कोरहरे़ कुस्सा वये़), हे़क्क्याङ् खुने़ॽ कुगाॽइहाॽ (कोरहरे़ कुधाःक्हाॽ) साःङ्गाहिम्मो लाःप्मा लाम्धेत् कोमा कम्ब्राङ् याःम्बक्को लक्पे़न्साबा मे़वये़, हे़क्केलॽरिक्के खे़ङ्हाॽरे़ खुन्छिॽ सुधे़बा ताक्थे़बाहाॽरे़ यहवे दाङ्बे़ल्ले़ कुयाङ्धोःक्मादे़न्नो लाःप्मा लाम्धाःत्ते़न् कम्ब्राङ् मे़प्मा याःम्बक् मे़जोगुआङ् मे़वये़॥ 20 उःन्छोःन्बा ये़म्मो एलाजाररे़ कुस्सा पिनहासे़न् खे़ङ्हाॽ ओगे़मे़प्पा तुम् युक्साबा वये़, हे़क्क्याङ् यहवे दाङ्बे़न् खुने़ॽनु सोसोरिक् वये़॥ 21 मेसेलेम्याहरे़ कुस्सा जकरियान् तुम्मादे़न् साःङ्गाहिम्मोबा लाम्धेत् के़गोबा वये़॥ 22 लाःप्मा लाम्धेःत्तोबा याःम्बक्को मे़सेगुसिबाहाॽ २१२ खानिःत् मे़योरे़॥ खे़ङ्हाॽरे़ खुन्छिॽ आप्फेक् पाङ्भेॽ पाङ्भेॽ कुइसिक् पाङ्भेॽहाॽओबा मिङ्स्रा मिङ्नाःत्तो मे़साप्तुआङ् पत्छे़॥ दाउदे़न् नु खागे़इक्पा समुएलरे़ खे़ङ्हाॽरे़ खुन्छिॽ पाधे़बाहाॽ खे़न् याःम्बक्को पत्छे़सि थेआङ्भे़ल्ले़ खे़ङ्हाॽ नासाॽमा सुक्के़दे़प्पा मे़वये़॥ 23 खे़ङ्हाॽ नु खे़ङ्हाॽरे़ खुन्छिॽ मुॽइदाङ्साहाॽरे़ खुनिॽ लक्पे़न्नो यहवे दाङ्बे़ल्ले़ कुहिम्मोबा यम्बा लाम्धेःप्पाहाॽओ लाम्धेत् कोमा याःम्बक् वये़, खे़न् हिम्मिन् तुम्मादे़न् साःङ्गाहिम् मे़मे़त्तु॥ 24 खे़न् नाङ्गे़न्, नाम्धा, लाङ्गे़त् नु थाङ्गे़त् के़हिसिङ्बा लाम्धेःत्हाॽओ लत्लत्छा लाम्धेत् के़गोबा युङ्मा के़बोङ्बा वये़॥ 25 खे़ङ्हाॽरे़ खुन्छिॽ काॽइहाॽ खुन्छिॽ पाङ्भेॽहाॽओलाम् खुन्छिॽनु सोरिक् थिक्ले़ङ् थिक्को नुसि ये़न् थारिक् ले़क्सिङ्मार याःम्बक्को तामा के़बोङ्बा वये़॥ 26 कर यम्बा लाम्धेत् के़गोबा यम्बा लिसिहाॽग ले़बिहाॽ मे़वये़, खे़ङ्हाॽरे़ यहवे दाङ्बे़ल्ले़ कुहिम्मो के़ने़बा थाःङ्हाॽ ओगे़मे़प्पा लक्पे़न्साबा मे़बोःक्खे़॥ 27 खे़ङ्हाॽ यहवे दाङ्बे़ल्ले़ कुहिम् कब्रिङ् से़न्दिक् मे़ने़स्से़, थेआङ्भे़ल्ले़ कन् खे़ङ्हाॽरे़ खुन्छिॽ याःम्बक् वये़॥ हे़क्क्याङ् तानाम् थक्मा यम्बा लाम्धेःत्हाॽ हम्मा के़बोङ्बा वये़रो॥ वेॽ ले़बिहाॽ 28 ले़बिहाॽओबा कुभारे़ माङ्हिम्मोबा माङ्से़वा याःम्बक्को याङ्मनाबा खप्प्या सामाहाॽ ओमे़प्मा याःम्बक्किन् मे़मे़त्छिङ्॥ खे़ङ्हाॽरे़ खे़न् खप्प्या सामाहाॽ सिगाङ् नु लाःक्कात् मे़देॽरुल्ले़ निःप्माआङ् युङ्मा के़बोङ्बा वये़॥ 29 खे़ङ्हाॽओबा कुभा वेॽ सामाहाॽ हे़क्क्याङ् सेसेदे़न्नोबा वेॽ के़रे़क् खप्प्या सामाहाॽ नु फेॽदुम्, चे़ल्ले़क्सेॽ सेजःङ्वा, चैतुन निःङ्गेॽ, सुक्पा नु मारुक्हाॽ ओमे़प्मारे़ लागि मुरा मे़मे़त्तुसिआङ् मे़वये़॥ 30 कर कुभा कुभा निङ्वाॽफुसाम्बाहाॽरे़ मारुक्हाॽ मे़भःन्दुआङ् यारिप् मे़जोगु॥ 31 कोरह थाःक्कोबा सल्लुमरे़ कुस्सा तुम्बा ले़बि मत्तित्याहरे़ कुलक्पे़न्नो हुक्वाओबा चारःप्पाहाॽ ले़ःङ्मा ओॽमा याःम्बक् वये़॥ 32 खे़ङ्हाॽरे़ खुन्छिॽ कुभा कोरह थाःक् काॽइहाॽरे़ खुनिॽ लक्पे़न्नो सबाथ ये़न् थक्मा हुक्वाओबा खरे़ःङ्हाॽ यारिप् चोःक्मा के़बोङ्बा याःम्बक् वये़॥ 33 खे़न् साम्लो इक्ला के़लःप्पाहाॽ, ले़बि हिम्सयङ् हिम्सयङ्बा लाम्लोबाहाॽ, खुन्छिॽ लागि एःक् ने़मनाबा याक्फाङ्हाॽओ मे़युङे़, हे़क्क्याङ् वेॽ याःम्बक् चोःक्मा के़बोङ्बा होःप्ते़, थेआङ्भे़ल्ले़ खे़ङ्हाॽरे़ ले़न्दिक् से़न्दिक् याःम्बक् चोःक्मा के़बोङ्बा वये़॥ 34 कन्हाॽ के़रे़क् ले़बि हिम्सयङ् हिम्सयङ्हाॽओबा लाम्लोबा मे़वये़, हे़क्क्याङ् खे़ङ्हाॽरे़ खुन्छिॽ मिङ्स्राओबा मिङ्नाःत्तो मे़साप्तु इसिःक् खे़ङ्हाॽ यरुसले़ःम्मो मे़युङे़र मे़वये़रो॥ साउल हाङ्ङिल्ले़ कुमिङ्स्रा ( १ साप्मु ८:२९-३८ ) 35 गिबोनरे़ कुम्बा यिएले़ङ्ग गिबोनओए युङे़॥ खुने़ॽ कुमेःत्ते़ल्ले़ कुमिङ् माका वये़॥ 36 खुने़ॽ कुस्सा तुम्बे़न् अब्दोन वये़ खे़ल्ले़ कुएगाङ् सुर, किस, बाल, नेर नादाब, 37 गदोर, अहियो, जकरिया नु मिक्लोत मे़वये़॥ 38 मिक्लोते़न् सिमामरे़ कुम्बा वये़॥ खे़ङ्हाॽ यरुसले़ःम्मो खुन्छिॽ आप्फेक् काॽइहाॽरे़ खुनिॽ निःत्ताङ् मे़युङे़॥ 39 किसरे़ कुम्बा नेर वये़, हे़क्क्याङ् साउलरे़ कुम्बा किस वये़॥ साउले़न् जोनाथन, मल्किसुअ, अबिनादाब नु एस्बालरे़ खुन्छिॽ पानुदिङ् पा वये़॥ 40 जोनाथनरे़ कुस्सा— मरिब्बाल, मरिब्बाले़न् मिकारे़ कुम्बा वये़॥ 41 मिकारे़ कुस्साहाॽ— पितोन, मेलेक, तहरै नु आहाज॥ 42 आहाजे़न् यादाहरे़ कुम्बा वये़, हे़क्क्याङ् यादाहन् आले़मेत, अज्मावेत नु जिम्रिरे़ खुन्छिॽ पा वये़॥ जिम्रिन् मोसरे़ कुम्बा वये़॥ 43 हे़क्क्याङ् मोसे़न् बिनेरे़ कुम्बा वये़॥ बिनेरे़ कुस्सा रपायाह वये़, रपायाहरे़ कुस्सा एलासा वये़, खम्भ्याङ् एलासारे़ कुस्सा आसेल वये़॥ 44 आसेलरे़ कुस्सा तुक्सि मे़वये़—खे़ङ्हाॽरे़ खुन्छिॽ मिङ्हाॽ हाबा कन्हाॽएरो— अज्रिकाम, बोकरु, इस्माएल, सार्याह, ओबदिया नु हानान॥ कन्हाॽ के़रे़क् आसेलरे़ कुस्सा मे़वये़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.