१ साप्मुःन्धुम् 7 - लिम्बुइस्साखाररे़ कुमुॽइदाङ्साहाॽ 1 इस्साखाररे़ कुस्साहाॽ— तोला, पुवा, यासुब नु सिम्रोन के़रे़क्ले़ लिसि मे़वये़॥ 2 तोलारे़ कुस्साहाॽ— उज्जि, रपायाह, यरिएल, यहमै, यिब्साम नु समुएल, खे़ङ्हाॽरे़ खुन्छिॽ हिम्सयङ्हाॽओबा लाम्लोबाहाॽ॥ दाउदरे़ कुये़म्मो तोलारे़ कुमुॽइदाङ्साहाॽओबा मुक्के़गुबा थङ्गे़जोःक्पा मनाहाॽरे़ खुन्छिॽ खानिःत् २२,६०० मे़योरे़॥ 3 उज्जिरे़ कुस्सा— यिज्यहि॥ यिज्यहिरे़ कुस्साहाॽ— मिखाएल, ओबदिया, योएल नु यिस्याह॥ कन् ङासि के़रे़क् तुम् लाम्लोबा मे़वये़॥ 4 कन्नुःल्ले़ वेॽ खे़ङ्हाॽरे़ खुन्छिॽ मिङ्स्रा कुइसिक् थक्लिहाङ् मनाहाॽ ३६,००० मे़वये़, थेआङ्भे़ल्ले़ खे़ङ्हाॽरे़ खुन्छिॽ यरिक् मेःत्हाॽ नु साएहाॽ मे़वये़॥ 5 इस्साखाररे़ के़रे़क् कुधाःक्कोबा काॽइहाॽओ खे़ङ्हाॽरे़ खुन्छिॽ मिङ्स्रा कुइसिक् मुक्के़गुबा थङ्गे़जोःक्पा मनाहाॽ ८७,००० मे़वये़॥ बेन्यामिन नु दानरे़ खुन्छिॽ मुॽइदाङ्साहाॽ 6 बेन्यामिनरे़ कुस्साहाॽ— बेला, बेकेर नु येदिएल॥ 7 बेलारे़ कुस्साहाॽ— यसम्बोन, उज्जि, उज्जिएल, यरिमोत नु इरि, के़रे़क्ले़ ङासि मे़वये़॥ खे़ङ्हाॽ हिम्सयङ् हिम्सयङ्बा लाम्लोबा मना मे़वये़॥ खे़ङ्हाॽरे़ खुन्छिॽ मिङ्स्रा कुइसिक् मुक्के़गुबा थङ्गे़जोःक्पा मनाहाॽरे़ खुन्छिॽ खानिःत् २२,०३४ मे़योरे़॥ 8 बेकेररे़ कुस्साहाॽ— जमिरा, योआस, एलिएजर, एल्योएनै, ओम्रि, यरेमोत, अबिया, अनातोत नु आले़मेत॥ कन्हाॽ के़रे़क् बेकेररे़ कुस्सा मे़वये़॥ 9 खे़ङ्हाॽरे़ खुन्छिॽ मिङ्स्रा मिङ्नाःत्तो हिम्सयङ् हिम्सयङ्बा लाम्लोबाहाॽ नु २०,२०० मुक्के़गुबा थङ्गे़जोःक्पा मनाहाॽ मे़साप्तुसिआङ् पत्छे़॥ 10 येदिएलरे़ कुस्सा— बिल्हान्॥ बिल्हारे़ कुस्साहाॽ— येउस, बेन्यामिन, एहुद, केनाना, जेतान, तर्सिस नु अहिसहर॥ 11 कन्हाॽ के़रे़क् येदिएलरे़ कुस्साहाॽ खुन्छिॽ आप्फेक् आप्फेक् हिम्सयङ्हाॽओबा तुम् लाम्लोबा मे़वये़॥ थङ्ङो पेःक्मारे़ लागि यारिप् के़बोङ्बा मुक्के़गुबा थङ्गे़जोःक्पा मनाहाॽरे़ खुन्छिॽ खानिःत् १७,२०० मे़योरे़॥ 12 सुप्पि नु हुप्पिहाॽ इररे़ कुमुॽइदाङ्सा मे़वये़, हे़क्क्याङ् हुसिहाॽ अहेररे़ कुमुॽइदाङ्सा मे़वये़रो॥ नप्तालिरे़ कुमुॽइदाङ्साहाॽ 13 नप्तालिरे़ कुस्साहाॽ— यहसेल, गुनि, येसेर नु सिल्ले़म॥ कन्हाॽ बिल्हारे़ कुमुॽइदाङ्सा मे़वये़रो॥ मनस्सेरे़ कुमुॽइदाङ्साहाॽ 14 मनस्सेरे़ कुमुॽइदाङ्साहाॽ— अस्रिएले़न् मनस्सेरे़ अरामि कुजक्मेःत् लाम्बा सागे़वाःन्छिङ्बा कुमुॽइदाङ्सा वये़॥ खे़ल्ले़ गिलादरे़ कुम्बा माकिरे़न्नाङ् सावाःन्दु॥ 15 माकिररे़ हुप्पि नु सुप्पिहाॽलाम्बाबा मे़न्छ्या थिक् ते़न्धाम् मेःक्खिम् मे़त्तु॥ माकिररे़ कुन्साॽ मे़न्छुमाःल्ले़ कुमिङ् माका वये़॥ खुने़ॽ वेॽ कुमुॽइदाङ्साःल्ले़ कुमिङ् सलोफाद वये़॥ सलोफादरे़ कुस्सा मे़न्छुमारक् मे़वये़॥ 16 माकिररे़ कुमेत् माकाःल्ले़ ये़म्बित्छा साधिक् कत्तु, खे़ल्ले़ कुमिङ् खुने़ॽ पेरेस वाःत्तु॥ खे़ल्ले़ कुन्साॽरे़ कुमिङ् सेरेस वये़, हे़क्क्याङ् खुने़ॽ कुस्साहाॽ उलाम नु राकेम वये़सि॥ 17 उलामरे़ कुस्सा— बदान॥ माकिररे़ कुस्सा, मनस्सेरे़ कुम्मे़न्छाॽ गिलादरे़ कुमुॽइदाङ्साहाॽ कन्हाॽए मे़वये़॥ 18 खे़ल्ले़ कुन्साॽ मे़न्छुमा हम्मोलेकेतरे़ कुस्सा सुम्सि मे़वये़, इसोद, अबिएजेर नु महला॥ 19 समिदारे़ कुस्साहाॽ— अहियन, सकेम, लिखि नु अनिआम मे़वये़रो॥ एफ्राइमरे़ कुमुॽइदाङ्साहाॽ 20 एफ्राइमरे़ कुस्साहाॽ— सुतेलह, सुतेलहरे़ कुस्सा बेरेद, बेरेदरे़ कुस्सा तहत, तहतरे़ कुस्सा एलादा, एलादारे़ कुस्सा तहत, 21 तहतरे़ कुस्सा जाबाद, जाबादरे़ कुस्सा सुतेलह॥ एफ्राइमरे़ वेॽ कुस्साहाॽ एसेरे़न् नु एलादे़न् गातबा मनाहाॽरे़ खुन्छिॽ थक्साहाॽ नाप्मादेॽमासिरे़ लागि पेसे़त्छिल्ले़ गातबा मनाहाॽरे़ मे़से़रुसि॥ 22 खे़न् ने़प्फुरे़ खुन्छिॽ पानुदिङ् पा एफ्राइमे़न् खुन्छिॽ लागि यरिक् ये़न् थारिक् मे़रिङ् थक्ते़र वये़, हे़क्क्याङ् खुने़ॽ हाङ्हाङ् मे़प्मारे़ लागि खुने़ॽ कुगाॽइहाॽ मे़द्ये़॥ 23 खे़न् एगाङ् खुने़ॽ कुमेःत्ते़न्नु इम्मा याःम्बक् चोगु॥ हे़क्क्याङ् कुमेःत्ते़न् मे़न्छुक्मा पोःक्खे़आङ् ये़म्बित्छा साधिक् कत्तु॥ खुने़ॽ खे़ल्ले़ कुमिङ् बरिआ वाःत्तु, थेआङ्भे़ल्ले़ खुने़ॽ कुहिम्सयङ्ङो ये़त्तुक्खे त्ये़आङ् वये़॥ 24 एफ्राइमरे़ सेराह मिङ् के़वाःप्मा कुस्सा मे़न्छुमा थिक् वये़, खे़ल्ले़ योसमा नु थोसमा बेथ-होरोन हे़क्क्याङ् उज्जेन-सेराह ये़क्यक् चुक्ते़र चोगु॥ 25 एफ्राइमरे़आङ् आप्फेक् कुस्सा रपाह वये़, रपाहरे़ कुस्सा रेसेप, रेसेपरे़ कुस्सा तेलह, तेलहरे़ कुस्सा तहन, 26 तहनरे़ कुस्सा लादान, लादानरे़ कुस्सा अम्मिहुद, अम्मिहुदरे़ कुस्सा एलिसामा, 27 एलिसामारे़ कुस्सा नुन, हे़क्क्याङ् नुनरे़ कुस्सा यहोसु वये़॥ 28 इफ्राइमिहाॽरे़ हुक्काप् मे़जोगुबा नु मे़युङे़बा लाजेॽओ बेथेल नु खे़न् कब्रिङ्बा पाङ्जुम्हाॽ नाङ्गे़न् ले़प्माङ् नारान्, नाम्धा ले़प्माङ् गेजेर नु खे़प्मोबा पाङ्भेॽहाॽ, हे़क्क्याङ् सकेम नु खे़प्मोबा पाङ्भेॽहाॽ अय्याह नु खे़प्मोबा पाङ्भेॽहाॽ थारिक्काङ् ने़स्से़॥ 29 खे़ङ्हाॽरे़ मनस्सेरे़ कुइःन्दोओ बेथ-सान, तानाक, मगिद्दो नु ददोर, खे़प्मोबा पाङ्भेॽहाॽआङ् मे़युक्तुआङ् ने़स्से़॥ कन् पाङ्जुम्हाॽओ इस्राइलरे़ कुस्सा योसेफरे़ कुमुॽइदाङ्साहाॽ मे़युङे़रो॥ आसेररे़ कुमुॽइदाङ्साहाॽ 30 आसेररे़ कुस्साहाॽ— यिम्ना, यिस्वा, यिस्वि नु बरिआ॥ खे़ङ्हाॽरे़ खुन्छिॽ नुस्साॽ मे़न्छुमा सेरह वये़॥ 31 बरिआरे़ कुस्साहाॽ— हेबेर नु मल्किएल॥ मल्किएले़न् बिर्जेतरे़ कुम्बा वये़॥ 32 हेबेरे़न् यप्लेत, सोमेर नु होताम हे़क्क्याङ् खुन्छिॽ नुस्साॽ मे़न्छुमा सुअरे़ खुन्छिॽ पानुदिङ् पा वये़॥ 33 यप्लेतरे़ कुस्साहाॽ— पासक, बिम्हाल नु अस्वात॥ कन्हाॽ यप्लेतरे़ कुस्सा मे़वये़॥ 34 सोमेररे़ कुस्साहाॽ— अहि, रोहगा, हुब्बा नु अराम॥ 35 सोमेररे़ कुन्साॽ हेलेमरे़ कुस्साहाॽ— सोपह, यिम्न, सेलेस नु आमाल॥ 36 सोपहरे़ कुस्साहाॽ—सुह, हर्नेपेर, सुआल, बरि, यिम्राह, 37 बेसेर, होद, सामा, सिल्सा, यित्रान नु बिरा मे़वये़॥ 38 येतेररे़ कुस्साहाॽ— यपुन्ने, पिस्पा नु अरा॥ 39 उल्लारे़ कुस्साहाॽ— आरा, हन्निएल नु रिसिया मे़वये़॥ 40 कन् के़रे़क् आसेररे़ कुमुॽइदाङ्सा, हिम्सयङ् हिम्सयङ्हाॽरे़ खुन्छिॽ लाम्लोबाहाॽ, मे़सेगुसिबा मुक्के़गुबा थङ्गे़जोःक्पा मनाहाॽ, तुम् लाम्लोबाहाॽ मे़वये़॥ खे़ङ्हाॽरे़ खुन्छिॽ मिङ्स्रा कुइसिक् थक्लिहाङ् मनाहाॽरे़ खुन्छिॽ खानिःत् २६,००० मे़वये़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.