१ साप्मुःन्धुम् 4 - लिम्बुयहुदाःल्ले़ कुधिन्दाङ् सायोबोराहाॽ 1 यहुदाःल्ले़ कुधिन्दाङ् सायोबोराहाॽ— फारेस, हेस्रोन, कर्मि, हुर नु सोबाल॥ 2 सोबालरे़ कुस्सा रायाहन् यहतरे़ कुम्बा वये़॥ यहते़न् अहुमै नु लहदरे़ खुन्छिॽ पानुदिङ् पा वये़॥ सोरातिहाॽरे़ खुन्छिॽ थाःक् हाबा कन्हाॽए मे़वये़॥ 3 एतामरे़ कुस्साहाॽ— यिजरेल, यिस्मा नु यिदबस॥ कन्हाॽरे़ खुन्छिॽ नुसाॽ मे़न्छुमाःल्ले़ कुमिङ् हस्सलेलपोनि वये़॥ 4 पनुएले़न् गदोररे़ कुम्बा नु एसेर हुसरे़ कुम्बा वये़॥ एप्रातरे़ कुस्सा तुम्बा नु बेथले़हे़मरे़ कुम्बा हुररे़ कुमुॽइदाङ्साहाॽ हाबा कन्हाॽएरो॥ 5 तकोरे़ कुम्बा अस्सुररे़ कुमेत् ने़त्छि हेलह नु नारा वये़सि॥ 6 नाराःल्ले़ खुने़ॽ कुलागि अहुज्जाम, हेपेर, तेमेनि नु हाहसतारि सागत्तुसि॥ नाराःल्ले़ कुमुॽइदाङ्साहाॽ हाबा कन्हाॽए मे़वये़॥ 7 हेलहरे़ कुस्साहाॽ— सेरेथ, सोहोर, एतनान नु कोस॥ 8 हे़क्क्याङ् कोसे़न् आनुब नु हज्जोबेबा खम्भ्याङ् हारुमरे़ कुम्बा अहर्हेलरे़ कुधाःक्हाॽरे़ खुन्छिॽ पानुदिङ् पा वये़रो॥ 9 याबेसे़न् खुने़ॽ कुम्भुॽ कुन्साॽहाॽनुःल्ले़ यरिक् मिङ्सोदाङ्बा वये़॥ खुने़ॽ कुम्मारे़ खे़न् याबेस फाॽआङ् मिङ् वाःत्तुआङ् वये़, थेआङ्भे़ल्ले़ खुने़ॽ कुम्मारे़ पाःत्तु, “आङ्गाॽ साॽरिक् तुक्मालाःक्माओ खे़न् सागत्तुङ्लो॥” 10 याबेसरे़ अक्खे पाःत्तुआङ् इस्राइलिहाॽरे़ खुन्छिॽ निङ्वाॽफुमाङ्ङिन् पेलि फाक्तु, “पेलि फाक्ने़, आङ्गाॽ हाङ्वागे़न् यरिक् मुॽइसाम् पिराङ्ङे़ॽआङ् आलाजेॽ सिङ्बुङ्हाॽ फोसाङ् पिराङ्ङे़ॽओ! आदाङ्बारे़ कुहुक्किन् आसम्धाङ् पत्ल, हे़क्क्याङ् के़साक्पालाम् से़ःप्ताङ्ङे़ॽओ, हे़क्केलॽरिक् आक्तङ्बा परिक्ले़ काःन्नासाङ् मे़दुक्ने़न्लरो॥” हे़क्क्याङ् निङ्वाॽफुमाङ्ङिल्ले़ खे़ल्ले़ कुबेलिन् के़त्तुरो॥ 11 सुहहरे़ कुन्साॽ कलुबे़न् मेहिररे़ कुम्बा वये़, हे़क्क्याङ् मेहिरे़न् एस्तोनरे़ कुम्बा वये़॥ 12 एस्तोने़न् बेथ-रापा, पसेह नु तहिन्नारे़ खुन्छिॽ पानुदिङ् पा वये़॥ तहिन्नन् इर-नाहसकरे़ कुम्बा वये़॥ कन्हाॽ रेकाबा मना मे़वये़रो॥ 13 कनजरे़ कुस्साहाॽ— ओत्निएल नु सरायाह॥ ओत्निएलरे़ कुस्साहाॽ— हतत नु मोनोतै॥ 14 मोनोतैन् ओप्रारे़ कुम्बा वये़॥ सरायाहन् योआबरे़ कुम्बा वये़, हे़क्क्याङ् योआबे़न् गे-हसिमरे़ कुम्बा वये़॥ (खे़ङ्हाॽ चोबेगु मे़वये़बे़ल्ले़ चोगुल्ले़ खे़ल्ले़ कुमिङ् हाबा खे़न् मे़युक्खु॥) 15 यपुन्नेरे़ कुस्सा कालेबरे़ कुस्सा ये़म्बित्छाहाॽ— इरु, एलाह, नु नआम॥ एलाहरे़ कुस्सा— कनज॥ 16 यहललेलरे़ कुस्साहाॽ— जिप, जिपा, तिरया नु असरेल॥ 17 एज्रहरे़ कुस्साहाॽ— येतेर, मेरेद, एपेर नु यालोन॥ मेरेदरे़ ते़न्धाम् मेःक्खिम् लिःक्खुमा फारोल्ले़ कुस्सा मे़न्छुमा बित्याहःल्ले़ कुस्सा ये़म्बित्छाहाॽ हाबा कन्हाॽए मे़वये़, हे़क्क्याङ् खुने़ॽ मे़न्छुक्मा पोःक्खे़आङ् मिरियम, सम्मै नु एस्तमोरे़ पानुदिङ् कुम्बा यिस्बहन् सागत्तु॥ 18 मेरेदरे़ कुमेत् यहुदि मे़न्छुमान् गदोररे़ कुम्बा येरेद, सोखोरे़ कुम्बा हेबेर नु जानोहरे़ कुम्बा यकुतिएलरे़ खुन्छिॽ मानुदिङ् मा वये़॥ 19 होदियाहरे़ कुमेत् नहमरे़ कुन्साॽ मे़न्छुमाःल्ले़ कुस्साहाॽ— गेरेमि किलाह नु माकाति एस्तमोरे़ खुन्छिॽ पानुदिङ् पा वये़सि॥ 20 सिमोनरे़ कुस्साहाॽ— अमनोन, रिन्ना, बेन-हानान नु तिलोन॥ यिसिरे़ कुस्साहाॽ— जोहेत नु बेन-जोहेत॥ 21 यहुदाःल्ले़ कुस्सा सेलहरे़ कुस्साहाॽ— लेकारे़ कुम्बा एर वये़, मारेसारे़ कुम्बा लादा वये़, हे़क्क्याङ् बेथ-अस्बेयाओ परान्ला चिरिक् के़धाक्पाहाॽरे़ खुन्छिॽ हिम्सयङ्हाॽ, 22 योकिम, कोजेबाबा मनाहाॽ, हे़क्क्याङ् योआस नु साराप, खे़ङ्हाॽरे़ मोआब नु यसुबि-लेहेमओ हाङ्युक् मे़जोगु, कन्हाॽरे़ खुन्छिॽ मिङ्हाॽ उनाहुरिबाबा साप्लाओ मे़साप्तुआङ् ने़रो॥ (कन् ताॽजे़ङ् पाःन्निन् साॽरिक् उनाहुरिबा चोक्॥) 23 कन्हाॽ कोःम्भाल्या मे़वये़, खे़ङ्हाॽ नतैम नु गदेराओ मे़युङे़आङ् हाङ्ङिल्ले़ कुलागि याःम्बक् मे़जोगे़रो॥ सिमियोनरे़ कुमुॽइदाङ्साहाॽ 24 सिमियोनरे़ कुमुॽइदाङ्साहाॽ— नमुएल, यामिन, यारिब, जेरह नु सौल॥ 25 सौलरे़ कुस्सा सल्लुम वये़, सल्लुमरे़ कुस्सा मिब्साम वये़, मिब्सामरे़ कुस्सा मिस्मा वये़॥ 26 मिस्मारे़ कुमुॽइदाङ्सा— मिस्मारे़ कुस्सा हम्मुएल, हम्मुएलरे़ कुस्सा जक्कुर, जक्कुररे़ कुस्सा सिमि वये़॥ 27 सिमिरे़ थिबोङ्ङाङ् तुक्सि कुस्सा ये़म्बित्छा नु तुक्सि कुस्सा मे़न्छुमा मे़वये़, कर खे़ल्ले़ कुन्साॽरे़ सुःल्लिक्लक् ये़म्बित्छा मे़न्छुमा कुस्सा मे़वये़॥ कल्ले़चोगुल्ले़ खे़ङ्हाॽरे़ खुन्छिॽ थाःक्हाॽ यहुदाःल्ले़ कुधाःक्हाॽ यारिक् यरिक् मे़म्बोरे़न्॥ 28 खे़ङ्हाॽ बेर्सेबा, मोलादा, हसर-सुआल, 29 बिल्हा, एसेम, तोलद, 30 बतुएल, होर्मा, सिक्लग, 31 बेथ-मर्काबोत, हसर-ससिम, बेथ-बिरि नु सारैमे़न् खुन्छिॽ युक्को ने़स्से़॥ दाउदरे़ हाङ्युक् मे़न्जोःक्के थारिक् खे़ङ्हाॽरे़ खुन्छिॽ ये़क्यक्हाॽ आम्भा कन्हाॽए ने़स्से़॥ 32 खे़ङ्हाॽरे़ खुन्छिॽ पाङ्भेॽहाॽ एताम, ऐन, रिम्मोन, तोकेन नु आसान् के़रे़क्ले़ ङासि ने़स्से़॥ 33 हे़क्क्याङ् खे़ङ्हाॽ कन् पाङ्जुम्हाॽरे़ कब्रिङ् पिसाङ् नु बालात थारिक्काङ् मे़युङे़॥ खे़ङ्हाॽ मे़युङे़बा खुन्छिॽ युङ्मादे़न्हाॽ आम्भा कन्हाॽए ने़स्से़॥ हे़क्क्याङ् खे़ङ्हाॽरे़ लत्छा मिङ्स्रा मिङ्नाःत् थिक्काङ् मे़ने़स्सुआङ् ने़स्से़रो॥ 34 कन्हाॽरे़ खुन्छिॽ हिम्सयङ्बा कुधे़गेक् मनाहाॽ हाबा कन्हाॽ मे़वये़—मे़सोबाब, यम्लेक, अमस्याहरे़ कुस्सा योसा, 35 योएल, (योसिब्याहरे़ कुस्सा येहु, खुने़ॽ सरायाहरे़ कुम्मे़न्छाॽ नु असिएलरे़ कुजक्मे़न्छाॽ वये़॥) 36 एल्योएनै, याकोबा, यासोहायाह, असायाह, अदिएल, यसिमिएल, बनायाह, 37 हे़क्क्याङ् जिजान् सिपिरे़ कुस्सा, सिप्पिन् अल्लोनरे़ कुस्सा, हे़क्क्याङ् अल्लोने़न् यदायाहरे़ कुस्सा, यदायाहन् सिम्रिरे़ कुस्सा, सिम्रिन् समायाहरे़ कुस्सा वये़रो॥ 38 थाःङ् साप्ते़आङ् के़बप्पा मनाहाॽ खुन्छिॽ आप्फेक् आप्फेक् थाःक्हाॽरे़ खुन्छिॽ लाम्लोबा मे़वये़॥ हे़क्क्याङ् खे़ङ्हाॽरे़ खुन्छिॽ हिम्सयङ्हाॽ चाॽरिक् यरिक् मे़बोःन्दे़॥ 39 खे़ङ्हाॽरे़ खुन्छिॽ थक्सा लुप्हाॽरे़ लागि चाराम्मादे़न् मे़गोःत्तुर ने़ने़बादे़न्नोबा नाङ्गे़न् ले़प्माङ् गदोर कुबेसाङ्बा ते़न्नो थारिक् मे़बे॥ 40 खे़ङ्हाॽरे़ ताम्दाम्बादे़न्नोबा ने़ने़बादे़न्नो चा के़नुॽबादे़न् हे़क्क्याङ् नुबा थक्सा चाराम्मादे़न् ये़म्ये़म् नु चिजि खक्खक् ने़स्से़बा मे़घोसु॥ तगि खे़न् ते़न्नो हामरे़ कुभा कुमनाहाॽ मे़युङे़॥ 41 कन् थाःङ् साप्ते़आङ् के़बप्पा मनाहाॽ यहुदाबा हाङ् हिजकियाःल्ले़ हाङ्युक् चोगुबा ये़म्मो मे़द्ये़आङ् हामरे़ कुमनाहाॽरे़ खुन्छिॽ साःङ्गाहिम्हाॽओ मे़भत्तुसि हे़क्क्याङ् खे़प्मो मे़दुमुसिबा मोनिहाॽ आल्लो थारिक्साङ् खोमे़न्दे़त्ते वरे़ङ्ले़ङ् युम्रे़क् मे़मे़क्खुसि॥ खे़ब्याङ् खे़ङ्हाॽरे़ खुन्छिॽ थक्सा लुप्हाॽरे़ लागि चाराम्मादे़न् ने़स्से़बाल्ले़ चोगुल्ले़ लाजेन् खुन्छिॽ हुक्काप् मे़जोगु॥ 42 किप् ङासि यारिक् सिमियोनिहाॽरे़, यिसिरे़ कुस्सा ये़म्बित्छा पलत्याह, नार्याह, रपायाह नु उज्जिएलरे़ खुन्छिॽ लाम्लोमो सेइरबा कोःक्माबा लाजेन् थङ्ङो मे़भत्तु॥ 43 खे़ङ्हाॽरे़ के़हिङ्बा के़याःक्पा अमाले़किहाॽ के़रे़क् मे़मे़क्खुसि, हे़क्क्याङ् आइन्बा ये़न् थारिक् खे़ङ्हाॽ खे़प्मो मे़युङ्लो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.