१ साप्मुःन्धुम् 3 - लिम्बुदाउद हाङ्ङिल्ले़ कुस्साहाॽ 1 हेब्रोनओ सागे़वाःन्छिङ्बा दाउदरे़ कुस्सा ये़म्बित्छाहाॽ कन्हाॽए मे़वये़रो— कुस्सा तुम्बे़न् अमनोन, खे़ल्ले़ कुम्मा अहिनोमे़न् यिजरेल के़युङ्मा वये़, सरुम्बे़न् दानिए़ल, खे़ल्ले़ कुम्मा अबिगेले़न् कर्मेल के़युङ्मा वये़, 2 याङ्सरुम्बे़न् अब्सालोम, खे़ल्ले़ कुम्मा माकान् गसुरबा हाङ् तल्मैःल्ले़ कुस्सा मे़न्छुमा वये़, लिसिगेःक्पे़न् अदोनियाह, खे़ल्ले़ कुम्मा हग्गित वये़॥ 3 ङासिगेःक्पे़न् सपत्याह, खे़ल्ले़ कुम्मा अबितल वये़, हे़क्क्याङ् फोॽबे़न् यित्राम, खे़ल्ले़ कुम्मा दाउदरे़ कुमेत् एग्लान् वये़॥ 4 कन् तुक्सिहाॽ दाउदरे़ हेब्रोनओ कत्तुसिबा कुस्सासिरो॥ खे़प्मो दाउदे़ल्ले़ तङ्बे नुसिआङ् ला तुक्सि थारिक् हाङ्युक् चोगु॥ हे़क्क्याङ् यरुसले़मओ खुने़ॽ सुम्बोङ्ङाङ् सुम्सि तङ्बे हाङ्युक् चोगु॥ 5 खे़प्मो कन् ये़म्बित्छा मे़न्छुमा कुस्साहाॽ सामे़वाःन्छिङ्लो सम्मुअ, सोबाब, नातान नु सोलोमन॥ कन् लिसिहाॽ अम्मिएलरे़ कुस्सा मे़न्छुमा बतसेबान् लाम्बा सामे़वाःन्छिङ्ङाङ् वये़॥ 6 वेॽ फाङ्सि यिभार, एलिसुअ, एलिपेलेत, 7 नोगह, नेपेग, यापि, 8 एलिसामा, एल्यादा नु एलिपेलेत मे़वये़॥ 9 खुने़ॽ कुजक्मेःत्हाॽरे़ खुन्छिॽ ये़म्बित्छा साहाॽनुःल्ले़ वेॽ कन्हाॽ के़रे़क् दाउदे़ल्ले़ कुस्सा ये़म्बित्छा मे़वये़॥ हे़क्क्याङ् तामारे़न् खे़ङ्हाॽरे़ खुन्छिॽ नुसाॽ मे़न्छुमा वये़रो॥ सोलोमन नु यहुदाबा वेॽ हाङ्हाॽ 10 सोलोमनरे़ कुस्सा रहबाम वये़, रहबामरे़ कुस्सा अबिया वये़, अबियारे़ कुस्सा आसा वये़, आसारे़ कुस्सा यहोसापात वये़, 11 यहोसापातरे़ कुस्सा यहोराम वये़, यहोरामरे़ कुस्सा अहज्याह वये़, अहज्यहरे़ कुस्सा योआस वये़, 12 योआसरे़ कुस्सा अमस्याह वये़, अमस्याहरे़ कुस्सा अजर्याह वये़, अजर्याहरे़ कुस्सा योताम वये़, 13 योतामरे़ कुस्सा आहाज वये़, आहाजरे़ कुस्सा हिजकिया वये़, हिजकियारे़ कुस्सा मनस्से वये़, 14 मनस्सेरे़ कुस्सा आमोन वये़ हे़क्क्याङ् आमोनरे़ कुस्सा योसियाह वये़रो॥ 15 योसियाहरे़ कुस्साहाॽ— कुस्सा तुम्बा योहानान, सरुम्बा यहोयाकिम, याङ्सुरुम्बा सिदकियाह नु फोःक्वान् सल्लुम वये़॥ 16 यहोयाकिमरे़ कुस्सा ने़त्छिहाॽ— यहोयाकिन नु सिदकियाह वये़सिरो॥ यहोयाकिनने़ल्ले़ कुधिन्दाङ् सायोबोराहाॽ 17 बेबिलोनओ मे़दे़म्सु मे़देॽरुबा यहोयाकिनरे़ कुमुॽइदाङ्साहाॽ— खुने़ॽ कुस्सा सालतिएल, 18 मल्किराम, पदायाह, सेनस्सर, यकम्याह, होसामा नु नदब्याह मे़वये़॥ 19 पदायाहरे़ कुस्साहाॽ— यरुबाबेल नु सिमि॥ यरुबाबेलरे़ कुस्साहाॽ— मसुल्लाम नु हनन्याह॥ सलोमिते़न् खे़ङ्हाॽरे़ खुन्छिॽ नुसाॽ मे़न्छुमा वये़॥ 20 यरुबाबेलरे़ ङासि वेॽ कुस्साहाॽआङ् मे़वये़— हसुबा, ओहेल, बेरेक्याह, हसदयाह नु युसप-हेसेद॥ 21 हनन्याहरे़ कुमुॽइदाङ्साहाॽ— पलत्याह नु यसयाह हे़क्क्याङ् रपायाहरे़ कुस्सा ये़म्बित्छाहाॽ, अर्नानरे़ कुस्सा ये़म्बित्छाहाॽ, ओबदियारे़ कुस्सा ये़म्बित्छाहाॽ नु सकन्याहरे़ कुस्सा ये़म्बित्छाहाॽ॥ 22 सकन्याहरे़ कुमुॽइदाङ्साहाॽ— समायाह नु खे़ल्ले़ कुस्साहाॽ— हत्तुस, यिगाल, बारिह, नार्याह नु साफात के़रे़क्ले़ तुक्सि मे़वये़॥ 23 नार्याहरे़ कुस्साहाॽ— एल्योएनै, हिस्कियाह नु अज्रिकाम के़रे़क्ले़ सुम्सि मे़वये़॥ 24 एल्यहोएनैरे़ कुस्साहाॽ— होदबिया, एल्यासिब, पलयाह, अक्कुब, योहानान, दलायाह नु अनानि के़रे़क्ले़ नुसि मे़वये़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.