१ साप्मुःन्धुम् 2 - लिम्बुयहुदा 1 इस्राइलरे़ कुस्साहाॽ—रुबेन, सिमियोन, ले़बि, यहुदा, इस्साखार, जबुलुन, 2 दान, युसुफ, बेन्यामिन, नप्तालि, गाद नु आसेर मे़वये़रो॥ यहुदाःल्ले़ कुस्साहाॽ 3 यहुदाःल्ले़ कुस्साहाॽ—एर, ओनान नु सेलह॥ कन् सुम्सिरे़ खुन्छिॽ माःन् कनानि मे़न्छुमा बाथ-सुआन् वये़॥ यहुदाःल्ले़ कुस्सा तुम्बा एरे़ल्ले़ यहवे दाङ्बे़न् कुनिङ्वाॽ मे़दासुम्बाल्ले़ चोगुल्ले़ खुने़ॽ खे़न् स्ये़रु॥ 4 खे़ब्याङ् यहुदाःल्ले़ कुम्बाङ्लि तामाररे़ खुने़ॽ कुलागि फारेस नु जेरहन् कत्तुसि॥ यहुदाःल्ले़ के़रे़क् कुस्साहाॽ ङासि मे़बोःक्खे़॥ 5 फारेसरे़ कुस्साहाॽ—हेस्रोन नु हामुल॥ 6 जेरहरे़ कुस्साहाॽ— जिम्रि, एतान, हेमान, कलकोल नु दर्दा के़रे़क्ले़ ङासि मे़वये़॥ 7 कर्मिरे़ कुस्साहाॽ— आकान, खे़ल्ले़ तोःम्मनाबा चिगक्वाहाॽ तेॽमा मे़न्नुॽमनाबा पाःन्निन् मे़घे़प्सुन्नाङ् इस्राइलओ तुक्खे लाक्खे तारु॥ 8 एतानरे़ कुस्सा—अजर्याहन् वये़॥ 9 हेस्रोनरे़ कुस्साहाॽ—यरहमेल, राम नु कालेब मे़वये़रो॥ हेस्रोनरे़ कुस्सा राम 10 रामे़न् अम्मिनादाबरे़ कुम्बा वये़, हे़क्क्याङ् अम्मिनादाबे़न् नहसोनरे़ कुम्बा वये़, खुने़ॽ यहुदाबा लत्छा लाम्लोबा वये़॥ 11 नहसोने़न् सल्मोनरे़ कुम्बा वये़, हे़क्क्याङ् सल्मोने़न् बोअजरे़ कुम्बा वये़॥ 12 बोअजे़न् ओबेदरे़ कुम्बा वये़, खम्भ्याङ् ओबेदे़न् यिसैरे़ कुम्बा वये़॥ 13 यिसैरे़ कुस्सा नुसि मे़वये़, कुस्सा तुम्बा एलिआब, सरुम्बा अबिनादाब, हाङ्सरुम्बा सिमेअ, 14 हाङ्सरुम्बे़ल्ले़ कुनाङ् नतनेल, नतनेलरे़ कुनाङ् राद्दै, 15 राद्दैरे़ कुनाङ् ओसेम नु फोक्वाबान् दाउद वये़॥ 16 खे़ङ्हाॽरे़ खुन्छिॽ मे़न्छुमा नुसाॽहाॽ सरुयाह नु अबिगेल वये़सि॥ सरुयाहरे़ कुस्सा सुम्सि ये़म्बित्छाहाॽ अबिसै, योआब नु असाहेल मे़वये़॥ 17 अबिगेले़न् अमासाःल्ले़ कुम्मा वये़, स्माएलि येतेरे़न् खुने़ॽ कुम्बा वये़रो॥ हेस्रोन 18 हेस्रोनरे़ कुस्सा काले़बे़ल्ले़ खुने़ॽ कुमेत् अजुबा नु यरिअतलाम् ये़म्बित्छा नु मे़न्छुमा साहाॽ कत्तुसि॥ खुने़ॽ कुस्सा ये़म्बित्छाहाॽ—येसेर, सोबाब नु अर्दोन मे़वये़॥ 19 आल्ल अजुबान् मासिङ्ङाङ् काले़बे़ल्ले़ एप्राते़न् मेःक्खिम् मे़त्तु, खे़ल्ले़ खुने़ॽ कुलागि हुरे़न् कत्तु॥ 20 हुरे़न् उरिरे़ कुम्बा वये़, हे़क्क्याङ् उरिन् बजले़लरे़ कुम्बा॥ 21 आल्ल ताःन्दि हेस्रोने़न् तुक्पोङ् तङ्बे के़रे़ल्ले़ माकिररे़ कुस्सा मे़न्छुमा, गिलादरे़ कुन्जेःल्लिन् खुने़ॽ ते़न्धाम् मेःक्खिम् मे़त्तु हे़क्क्याङ् खुने़ॽ खे़न्नु इप्से़आङ् खे़ल्ले़ सगुबे़न् कत्तु॥ 22 सगुबे़न् याइररे़ कुम्बा वये़॥ याइररे़ गिलादबा निबोङ्ङाङ् सुम्सि ये़क्यक्हाॽ हुक्काप् चोगु॥ 23 (कर गसुर नु अरामे़ल्ले़ खे़ङ्हाॽलाम् हब्बात-याइरे़न् नु केनात, खे़प्मोबा पाङ्जुम्हाॽनु सोसोरिक् के़रे़क्ले़ तुक्पोङ् ये़क्यक्हाॽ हुक्काप् चोगे़सु॥) कन्हाॽ के़रे़क् गिलादरे़ कुम्बा माकिररे़ कुधिन्दाङ् सायोबोरा मे़वये़॥ 24 हेस्रोने़न् काले़ब-एप्राताओ मासिङ्ङाङ् हेस्रोनरे़ कुमेत् अबियाःल्ले़ खुने़ॽ कुलागि असहुरे़न् कत्तु, खे़न् तकोरे़ कुम्बा वये़रो॥ हेस्रोनरे़ कुस्सा यरहमेल 25 हेस्रोनरे़ कुस्सा तुम्बा यरहमेलरे़ कुस्सा ये़म्बित्छाहाॽ— कुस्सा तुम्बा राम, खे़न् एगाङ् बुना, ओरेन, ओसेम नु अहियाह॥ 26 यरहमेलरे़ वेॽ कुमेत् थिक् वये़, खे़ल्ले़ कुमिङ् अतारा वये़॥ खे़ङ्ग ओनामरे़ कुम्मा वये़॥ 27 यरहमेलरे़ कुस्सा तुम्बा रामरे़ कुस्साहाॽ— मास, यामिन नु एकेर॥ 28 ओनामरे़ कुस्साहाॽ—सम्मै नु यादा॥ सम्मैरे़ कुस्साहाॽ— नादाब र अबिसुर॥ 29 अबिसुररे़ कुमेःत्तिल्ले़ कुमिङ् अबिहेल वये़— खुने़ॽ कुलागि खे़ल्ले़ अहबाने़न् नु मोलिदे़न् कत्तुसि॥ 30 नादाबरे़ कुस्साहाॽ— सेलेद नु अप्पेम॥ सेलेदे़न् कुस्सा ये़म्बित्छा मे़न्वाॽए लुगे़॥ 31 अप्पेमरे़ कुस्सा ये़म्बित्छा—यिसि, यिसिन् सेसानरे़ कुम्बा वये़॥ सेसाने़न्—अहलैरे़ कुम्बा वये़॥ 32 सम्मैरे़ कुन्साॽ यादारे़ कुस्साहाॽ— येतेर नु जोनाथन॥ येतेरे़न् कुस्सा ये़म्बित्छा मे़न्वाॽए लुगे़॥ 33 जोनाथनरे़ कुस्साहाॽ— पेलेथ नु जाजा॥ यरहमेलरे़ कुधिन्धाङ् सायोबोरा हाबा कन्हाॽए मे़वये़॥ 34 सेसानरे़ कुस्सा मे़न्छुमारक् मे़वये़, कर कुस्सा ये़म्बित्छा मे़होःप्ते़॥ खे़ल्ले़ यरहा मे़प्मनाबा मिस्रि कुयोक् थिक् वये़॥ 35 सेसानरे़ कुस्सा मे़न्छुमान् खुने़ॽ आम्भा कन् योग्बा यरहाःन्नु मेःक्खिम् मे़त्तु, हे़क्क्याङ् खे़ल्ले़ यरहाःल्ले़ कुलागि अत्तैन् सा कत्तु॥ 36 अत्तैन् नातानरे़ कुम्बा वये़, नाताने़न् जाबादरे़ कुम्बा वये़, 37 जाबादे़न् एपलालरे़ कुम्बा वये़, एपलाले़न् ओबेदरे़ कुम्बा वये़, 38 ओबेदे़न् येहुरे़ कुम्बा वये़, येहुन् अजर्याहरे़ कुम्बा वये़, 39 अजर्याहन् हेलेसरे़ कुम्बा वये़, हेलेसे़न् एलासारे़ कुम्बा वये़, 40 एलासान् सिस्मैरे़ कुम्बा वये़, सिस्मैन् सल्लुमरे़ कुम्बा वये़, 41 सल्लुमे़न् यकम्याहरे़ कुम्बा वये़, यकम्याहन् एलिसामाःल्ले़ कुम्बा वये़रो॥ कालेबरे़ कुहिम्सयङ्हाॽ 42 यरहमेलरे़ कुन्साॽ कालेबरे़ कुस्साहाॽ— कुस्सा तुम्बा मेसा, खुने़ॽ जिपरे़ कुम्बा वये़, हे़क्क्याङ् जिपरे़ कुस्सा मारेसा वये़, मारेसान् हेब्रोनरे़ कुम्बा वये़॥ 43 हेब्रोनरे़ कुस्साहाॽ—कोरह, तप्पुह, रेकेम नु सेमा॥ 44 सेमान् रहमरे़ कुम्बा वये़, हे़क्क्याङ् रहमे़न् योर्कामरे़ कुम्बा वये़॥ रेकेमे़न् सम्मैरे़ कुम्बा वये़॥ 45 सम्मैरे़ कुस्सा माओन वये़, हे़क्क्याङ् माओने़न् बेथ-सररे़ कुम्बा वये़॥ 46 कालेबरे़ कुजक्मेःत् एपान् हारान, मोस नु गाजेजरे़ खुन्छिॽ मानुदिङ् मा वये़॥ हाराने़न् गाजेजरे़ कुम्बा वये़॥ 47 यहदैरे़ कुस्साहाॽ—रेगेम, योताम, गेसान, पलेत, एपा नु साप॥ 48 कालेबरे़ कुजक्मेःत् माकान् सेबेर नु तिर्हानारे़ खुन्छिॽ मानुदिङ् मा वये़॥ 49 खे़ल्ले़ मद्मन्नारे़ कुम्बा सापे़न् हे़क्क्याङ् मक्बेना नु गिबियारे़ खुन्छिॽ पानुदिङ् पा सेबान्नाङ् सा कत्तुसि॥ अक्सान् कालेबरे़ कुस्सा मे़न्छुमा वये़॥ 50 कालेबरे़ कुमुॽइदाङ्साहाॽ हाबा कन्हाॽए मे़वये़रो— एप्राताःल्ले़ कुस्सा तुम्बा हुररे़ कुस्साहाॽ— सोबाले़न् किर्यत-यारिमरे़ कुम्बा वये़, 51 सल्मान् बेथले़हे़मरे़ कुम्बा वये़, खम्भ्याङ् हारेपे़न् बेथ-गादेररे़ कुम्बा वये़॥ 52 किर्यत-यारिमरे़ कुम्बा सोबालरे़ कुधिन्दाङ् सायोबोराहाॽ— हारोए, मानहतिहाॽबा कुभ्रे़ःङ् हे़क्क्याङ् 53 किर्यत-यारिमबा हिम्सयङ्हाॽ—यित्रिहाॽ, पुथिहाॽ, सुमातिहाॽ मिस्रातिहाॽ॥ कन्हाॽलाम् सोरातिहाॽ नु एस्तोलिहाॽरे़ खुन्छिॽ मुॽइदाङ्साहाॽ मे़बोःक्खे़॥ 54 सल्मारे़ कुमुॽइदाङ्साहाॽ— बेथले़हे़म, नतोपातिहाॽ, अत्रोत-बेथ-योआब, कुभ्रे़ःङ् मानहतिहाॽ हे़क्क्याङ् सोरिहाॽ नु 55 याबेसओ के़युङ्बा साम्योथिम्साम्बाहाॽरे़ खुन्छिॽ थाःक्हाॽ— तिरातिहाॽ, सिम्मतिहाॽ नु सुकातिहाॽ॥ कन्हाॽ खे़न् केनिहाॽरो, खे़ङ्हाॽग रेकाबरे़ कुहिम्सयङ्हाॽरे़ खुन्छिॽ पानुदिङ् पा हम्मतलाम् मे़द्ये़रो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.