Kɔgya 23 - Katɔti Ɔku Kedee

¹ Unwoti ndi mina lɛlɔ ɔnune aani baƒonu ɔdane. Anwuɔsu naaayaki lɛla lɛdi.

² Ɔɔkpanku-mi aani koƒonu teesienku kesii kani na livo lɛwɔdi lɛkya na lɛkun. Na ɔɔtɔnku-mi teesienku kesii kani abiɔ abuni ani ntu nába bɔkya na lɛni.

³ Ɔɔyá na mɔɔkɛ́ ɔyikun ɔwɔdi. Na ɔɔkpanku-mi na lɛsiaku-nwu kama siin kalɛ na babu-nwu.

⁴ Si ina nkɛ ntédu kasuudikɔ kani nse aani kekpine muedi ni, naaayia ɔgbankpi ɔdi. Ɔsika ngyi ka awɔ na nsiaku. Na ƒula ɔgagyii ku ugyii ɔdadi muusé-mi kayi.

⁵ Aayá muuwi lɛlɔ buɛɛ taadi adila abuni teemo uwi ɔni na mina bekisine benye baanu. Eewi-mi nnɔmii lili na aanu-mi lɛlɔ geen aani kalɛ na baabla lɛƒɔ teete ɔbune. Na áya na mina ɔɔƒɛɛ úyi ku atu.

⁶ Na ndubɔnu lɛti kalɛ na ƒula lɛƒɔndia ku lɛbuni ku ƒula bɔyɔ bɔdubɔsiaku-mi na mina ngba emeyi ƒui kemmo, na ndubulie-ɔ kaduli uwi ƒui.