Biblia Todo Logo
Bib sou entènèt

- Piblisite -

NEHEMIA 12 - Sura Magali Nuntu Ngkatuwu


Toʼo waʼa ntadu mpanyomba pai waʼa nto Lewi 12:1-9

1 Seʼimo toʼo waʼa ntadu mpanyomba pai waʼa nto Lewi anu mewalili ungka ri pantawani sangkani-ngkani pai i Serubabeli ana i Seatieli pai Tadu mPanyomba Bangke Yesua.

2-7 Waʼa ntadu mpanyomba: i Seraya, i Yeremia, i Esira, i Amaria, i Maluki, i Hatusi, i Sekanya, i Rehumi, i Meremoti, i Ido, i Ginetoi, i Abia, i Miyami, i Maaya, i Biliga, i Semaya, i Yoyari, i Yedaya, i Salu, i Amoki, i Hilikia pai i Yedaya. Tau seʼe waʼa ntadulako ntadu mpanyomba ri i Yesua.

8 Waʼa nto Lewi: Topombawanaka ngayu mpeunde: i Yesua, i Binui, i Kadimieli, i Serebiya, i Yehuda pai i Matanya.

9 Waʼa anggota ntopongayu anu mampongayuka ngayu mpesono: i Bubukiya, i Uni pai waʼa yununya ri tau seʼe santina.


Waʼa muli i nTadu mPanyomba Bangke Yesua 12:10-11

10 Seʼimo toʼo waʼa nTadu mPanyomba Bangke Yesua: i Yesua, i Yoyaki, i Eliyasi, i Yoyada,

11 i Yonata, i Yadua.


Waʼa ntadulako ntadu mpanyomba 12:12-21

12-21 Seʼimo toʼo waʼa ntadulako ntadu mpanyomba malulu tinanya sambaʼa seʼe ri tempo i Yoyaki mewali Tadu mPanyomba Bangke: Tadu mpanyomba Ungka ri tina i Meraya i Seraya i Hananya i Yeremia i Mesula i Esira i Yohanani i Amaria i Yonata i Meliku i Yusupu i Sebanya i Adina i Harimi i Helikai i Merayoti i Sakaria i Ido i Mesula i Genetoni i Sikiri i Abia .... i Minyami i Pilitai i Moaja i Samua i Biliga i Yonata i Semaya i Matenai i Yoyaribi i Usi i Yedaya i Kalai i Salai i Heberi i Amoki i Hasabiya i Hilikia i Netaneeli i Yedaya


Tadu mpanyomba Ungka ri tina Sura mpaʼuki toʼo waʼa ncombori ntadu mpanyomba pai waʼa nto Lewi 12:22-23

22 Sura mpaʼuki sombori waʼa ntadulako ntadu mpanyomba pai tadulako ncombori waʼa nto Lewi ri tempo waʼa nTadu mPanyomba Bangke: i Eliyasi, i Yoyada, i Yohanani pai i Yadua. Nepa roo ndaʼuki sura setu sindara mpoparenta i Dariusi datu Perisia.

23 Paikanya kono toʼo ntadulako ncombori tina nto Lewi podo teʼuki anuri tempo i Yonata makumpu i Eliyasi.


Pantila tetala ri Banua i m Pue 12:24-26

24 Ri pawawanaka i Hasabiya, i Serebiya, i Yesua, i Binui pai i Kadimeeli, waʼa nto Lewi ndatila bara tesangkuja kolompo. Sangkani-sangkani pawianaka panyomba reʼe radua kolompo anu mawianaka peunde ri Pue pai montarima kase ri Sira, tau radua kolompo setu mombesono-sono, silulu pai songka i Mokole Daudi, watua i mPue Ala setu.

25 Waʼa ntopojaga baa-baa Banua mPanyomba ri Pue anu ndapapotetala majagai waʼa lincu kanjau waʼa mpangkoni mosu ri baa-baa Banua mPanyomba ri Pue inceʼemo: i Matanya, i Bakabukiya, i Obaja, i Mesula, i Talamoni pai i Akubi.

26 Tau setu tuwu ri tempo i Yoyaki ana i Yesua makumpu Yosada ri tempo i Petoro Nehemia pai Tadu mPanyomba Esira anu loʼe ri Padika setu.


I Nehemia mamposusaka karoomo bente ngkota Yerusale 12:27-43

27 Ri tempo da ndapamposusaka karoomo bente ngkota Yerusale, ndapeboomo pura-pura to Lewi da mampakadoro katewianaka mposusa setu, tau seʼe da mongayu-ngayu maunde-unde i Pue mantingko gambusu pai kecapi.

28 Mompasambakamo kojo waʼa ntopongayu ungka ri pura-pura sombori nto Lewi, madago anu kareʼe mpearinya motengi pai kota Yerusale pai ungka ri waʼa ngkota anu motengi pai Netopa,

29 Ungka ri Beta-Giligali, Geba pai Asimawe.

30 Waʼa ntadu mpanyomba pai waʼa nto Lewi, riunya mampareʼe upacara pampakagali koro ntau seʼe ngkalionya roo setu nepa pampakagali tau sondo, nepa waʼa baa-baa pai bente ngkota.

31 Kupokau waʼa ntadulako nto Yahuda mepone ri wawo bente, da mampapodede radua kolompo tau anu da modede pai da melinja mantolilimi kota da mongayu-ngayu maunde i Pue Ala. Kolompo anu kaʼisa malinja ri wawo bente lili ngkana mantagodi Baa-baa Nyoo.

32 I Hosaya melinja ri tondo taliku ntau anu mongayu, natondaraka santila tadulako ntu Yahuda.

33-35 Waʼa ntadu mpanyomba anu teʼuki toʼonya tondanya seʼi, inceʼe anu da mantondaraka mantawuisi surupeta, tau seʼe setu inceʼemo: i Asaria, i Esira, i Mesula, i Yahuda, i Benyami, i Semaya pai Yeremia. Tau seʼe natondaraka i Sakaria ana i Yonata makumpu i Semaya. Bara tesangkuja toʼo ri oyo waʼa ngkai ntau seʼe inceʼemo: i Matanya, i Mika, Sakuri ungka ri tina i Asapi.

36 Ri taliku ntau seʼe metondaraka waʼa anggota ungka ri tinanya inceʼemo: i Semaya, i Asareeli, i Gilalai, i Milalai, i Maai, i Netaneeli, i Yahuda pai i Hanani.Tau seʼe pura-pura mangkeni parewa musiki, siwia pai anu napake i Mokole Daudi watua i mPue Ala setu. Tadu mPanyomba Esira anu loʼe ri Padika mPue Ala setu melinja ri suara mamporiuka tau sondo setu.

37 Karata ntau seʼe ri Baa-baa Wera, napilesaka ntau seʼe pelinja mepone ri eja bente ngKota i Daudi melempo ri langkanae i Daudi, nepa mewalili ri bente ri Baa-baa Ue tondo ri pebetea ngkota.

38 Kolompo ntopongayu anu sambaʼa woʼu modede nepa melinja ri wawo bente lili ngkaii, yaku melulu njairia sangkani-ngkani pai santila waʼa ntau sondo. Pelinja mami moliu ri Menara mPaneru rata ri Bente Mabini.

39 Nepa kamoliu ri Baa-baa Eparai, Baa-baa Masae, Baa-baa Bau, Menara Hananeeli pai Menara Mea rantani rata ri Baa-baa Bimba. Kami meʼonto ri Baa-baa mPojaga mosu ri Banua i mPue.

40 Ratamo woʼu njairia kolompo ntopongayu anu radua setu mosu ri Banua i mPue. Ri kolompo mami banya podo waʼa ntadulako anu njoʼu sangkani-ngkani pai kami paikanya,

41 njoʼu woʼu waʼa ntadu mpanyomba anu mantawuisi surupeta. Tau seʼe setu inceʼemo: i Eliyaki, i Maaseya, i Minyami, i Mika, i Eliyoenai, i Sakaria pai i Hananya;

42 mantonda tau seʼe melinja: i Maaseya, i Semaya, i Eleasa, i Usi, i Yohanani, i Malikia, i Elami pai i Eseri. Waʼa ntopongayu setu nawawanaka i Yisirahiya.

43 Ri eo setu maria panyomba anu ndapasambaka pai ndapanyombaka ri Pue. Mawongko-wongko raya ntau sondo maka i Pue Ala anu mampakawongko raya ntau seʼe. Waʼa mbeʼa pai ananggodi tesua mosusa, painaka oni nganga ntau seʼe ua mawongko rayanya ndadonge ntongo lawa-lawa.


Pombai anu ndapakanoto tila mpanyomba ri Banua i m Pue 12:44-47

44 Ri tempo setu seʼe reʼe bara tesangkuja tau anu ndadika majagai waʼa lincu kareʼe anu ndakoni kanjau mpadika waʼa mpombai anu ndapanyombaka ri Banua i mPue, tesuamo waʼa mpanyomba sampotila sampuyu pai panyomba uyu mbua santaʼu-santaʼu. Waʼa ntopojaga setu sangaya-ngaya da mampasambaka waʼa mpombai setu ri kareʼe mpojamaa anu mantolilimi waʼa ngkota setu. Waʼa mpombai setu da napapombaika ntau seʼe ri waʼa ntadu mpanyomba pai waʼa nto Lewi silulu pai anu ndapakanoto ri Padika. Waʼa nto Yahuda mantubunaka waʼa ntadu mpanyomba pai waʼa nto Lewi setu.

45 Maka tau seʼemo anu mawianaka upacara pampakagali pai waʼa upacara ntaninya anu roo ndasongka i mPue Ala. Waʼa ntopomusiki pai waʼa ntopojaga baa-baa Banua i mPue, tau seʼe woʼu mawianaka waʼa ntetalanya, silulu pai songka i Mokole Daudi pai ananya i Salomo.

46 Montepuʼu ungka ri tempo i Mokole Daudi pai i Asapi anu loʼe ri pomusiki setu, waʼa ntopongayu lawi biasamo mampongayuka waʼa ngayu mpeunde ri Pue Ala.

47 Ri tempo i Serubabeli pai ri tempo i Nehemia woʼu, pura-pura to Isaraeli mawai panyomba da naka gana nakatuwuka waʼa ntopongayu pai waʼa ntopojaga baa-baa Banua i mPue. Waʼa ntau sondo mawai panyomba anu ndapatani tila waʼa nto Lewi, pai waʼa nto Lewi woʼu mawaika waʼa ntadu mpanyomba tilanya anu roo ndapakanoto.

Swiv nou:



Piblisite