Jɔshwa 15 - Krio Fɔs Oli Baybul

Di Land We PAPA GƆD Gi Di Juda Fambul

¹ Di land we PAPA GƆD bin gi di Juda fambul famili bay famili, bin kɔmɔt Idɔm bawndri na di sawt go na di ɛmti ples we pɔsin nɔ go ebul tap we nem Zin, dɔŋ dɔŋ say na di sawt na Idɔm bɔda.

² Di bawndri na di sawt kɔmɔt na di sawt pat na di Dɛd Si,

³ go Akrabim te rich Zim, te go ɔp Kedɛsh Banɛa, pas Ɛzrɔn go ɔp Ada, tɔn lɛk yu de go na Kaka,

⁴ pas Azmɔn go fala Ijipt Watasay te go Mɛditarenian Si usay di bɔda tap. Dat na bin dɛn bawndri na di sawt ɛn fɔ ɔl di Izrɛlayt dɛn.

⁵ Di bɔda na di ist say na di Dɛd Si te rich usay Riva Jɔdan jɔyn to di Dɛd Si. Di bawndri na di nɔth bigin de.

⁶ I go ɔp to Bɛth Ogla ɛn go to na di nɔth pat na di rij we de oba Jɔdan Vali. Frɔm de, i go rich Bogan Ston we na Rubɛn in pikin in nem dɛn gi de.

⁷ Di bɔda kɔmɔt Trɔbul Vali go ɔp Dɛbi ɛn tɔn lɛk yu de go Gilgal we de ɔpozit di rod fɔ go ɔp Adumim na di sawt pat na di vali. I go rich usay wata de kɔmɔt ɔnda grɔn we dɛn kin kɔl Ɛnshɛmɔsh spriŋ ɛn strɛch go na Ɛnrogɛl,

⁸ ɛn kɔntinyu go pas ɔp Inɔn Vali na di sawt pat na di il usay di Jɛbyusayt dɛn Jerusɛlɛm bin de. Di bɔda kɔntinyu go ɔp di il we de na di wɛst pat na Inɔn Vali na di nɔth pat to Refaim Vali.

⁹ Frɔm de, di bawndri go te rich usay wata de kɔmɔt ɔnda grɔn, dat na Nɛftoa Spriŋ ɛn te to di siti dɛn na Mawnt Ɛfrɔn dɛn i bɛn go rawnd to Baala we dɛn kin kɔl Kiriath Jɛarim.

¹⁰ Di bawndri go rawnd di wɛst pat na Baala ɛn go to Mawnt Sɛir, dɔn i pas na di nɔth pat na Mawnt Jɛarim ɛn go dɔŋ Bɛth Shɛmɛsh ɛn pas nia Tima.

¹¹ Frɔm Tima, di bawndri go te rich na di il na di nɔth pat na Ɛkrɔn dɔn i bɛn go Shikɛrɔn, pas Mawnt Baala ɛn go te rich Jamnia ɛn go tap na di Mɛditarenian Si.

¹² Dat na di bawndri na di wɛst pat we tap na di Mɛditarenian Si ɛn ɔl di land we de na di sho. Dɛn ɔl miks pan di land we di Juda fambul bin sheb famili bay famili.

Kelɛb Kapchɔ Ɛbrɔn Ɛn Dɛbi

¹³ PAPA GƆD bin dɔn tɛl Jɔshwa fɔ gi Kelɛb we kɔmɔ na di Juda fambul pat pan di land we di Juda fambul bin gɛt, so Jɔshwa gi an Ɛbrɔn. Na Aba we na Anak in papa bin gɛt da siti de.

¹⁴ Na di Shɛshay, di Aiman ɛn di Talmay fambul dɛn we na Anak in layn dɛn kɔmɔt bin de de datɛnde. Kelɛb drɛb dɛn ɔl kɔmɔ de ɛn tek de fɔ insɛf.

¹⁵ Afta dat, i go fɔ atak Dɛbi Siti we dɛn bin de kɔl Kiriath Sɛfa Siti.

¹⁶ Kelɛb tɛl in sojaman dɛn se di pɔsin we go ebul kapchɔ Kiriath Sɛfa Siti go mared in gial pikin Aksu.

¹⁷ We dɛn atak di siti, na Athniɛl we na Kelɛb in brɔda, Kɛnaz, in pikin kapchɔ an. So Kelɛb bin mek i mared in gial pikin, Aksu.

¹⁸ Di de we dɛn mared, Athniɛl fos am fɔ aks in papa lɛ in gi am land we wata wɛl dɛn de, We Aksu kan dɔŋ di dɔŋki, in papa Kelɛb aks am wetin i go want fɔ in wɛdin prɛzɛnt.

¹⁹ Aksu tɛl an se in want lɛ i blɛs an as i dɔn mared de kɔmɔt nain os. I se bikɔs di lan we in papa bin gi dɛn na ɔt ɛn dray land. So lɛ i gi gi dɛn land we wata wɛl dɛn de. So Kelɛb gi dɛn di wata wɛl dɛn we de ɔp say ɛn dɔŋ say na Ɛbrɔn.

Di Siti Dɛn Na Juda

²⁰ Na di siti dɛn dɛwanya we mek ɔp distrikt dɛn we mek ɔp di land we di Juda fambul bin gɛt.

²¹ Di siti dɛn we mek ɔp di fɔs distrikt de dɔŋ dɔŋ na di sawt nia Idɔm bɔda. Na dɛn dɛnwanya so: Kabzil, Ɛda, Jagɔ,

²² Kina, Dimona, Adada,

²³ Kɛdɛsh, Ezɔ, Ithnan

²⁴ Zif, Telɛm, Bɛalɔth

²⁵ Ezɔ Adata, Kɛriɔth Ɛzrɔn

²⁶ Amam, Shɛma, Mɔlada,

²⁷ Aza Gada, Ɛshmɔn, Bɛthpɛlɛt,

²⁸ Aza Shual, Biashiba, Biziɔthia,

²⁹ Baala, Iim, Ɛzɛm,

³⁰ Ɛltolad, Chɛsil, Ɔma,

³¹ Ziklag. Madmana, Sansana

³² Lɛbaɔth, Shilim, Ain ɛn Rimɔn. Na twɛnti siti ɛn dɛn vilej dɛn mek ɔp di fɔs distrikt.

³³ Dɛn wan ya na di siti dɛn ɛn dɛn vilej dɛn we mek ɔp di sɛkɛn distrikt; dɛn de na di flat grɔn: Eshtaɔl, Zɔra, Ashna,

³⁴ Zanoa, Ɛnganim, Tapua, Ɛnam,

³⁵ Jamuth, Adulam, Sɔkɔ, Azɛka

³⁶ Saharaim, Adithaim, Jɛdɛra ɛn Jɛdɛrɔthaim. Na fotin siti ɛn dɛn vilej dɛn mek ɔp di sɛkɛn distrikt.

³⁷ Di siti dɛn na di tɔd distrikt na, Zɛna, Adasha, Migdalgad,

³⁸ Dilɛan, Mizpa, Jɔkthil,

³⁹ Lakish, Bozkat, Ɛglɔn,

⁴⁰ Kabɔn, Lamam, Chitlish,

⁴¹ Gɛdɛrɔth, Bɛthdegɔn, Naama, Makɛda. Na sikstin siti ɛn dɛn vilej dɛn mek ɔp di tɔd distrikt.

⁴² Na di siti dɛn we de afwe na di il, we min se dɛn de bitwin distrikt tu ɛn tri, mek ɔp di nɔmba fo distrikt. Dɛn na Libna, Ɛtha, Ashan,

⁴³ Ifta, Ashna, Nɛzib,

⁴⁴ Kɛila, Akzib ɛn Marɛsha. Na nayn siti ɛn dɛn vilej mek ɔp di nɔmba nayn distrikt.

⁴⁵ Di siti dɛn we mek ɔp di nɔmba fayv distrikt de na di Filistin waf eria. Dɛn na Ɛkrɔn ɛn di siti ɛn vilej dɛn we de de,

⁴⁶ frɔm Ɛkrɔn te go to di Mɛditarenian Si ɛn ɔl di siti ɛn siti dɛn we de nia Ashdɔd.

⁴⁷ Yu gɛt Ashdɔd ɛn Gaza ɛn dɛn siti ɛn vilej dɛn, di watasay na di Ijipt bɔda ɛn di waf eria na di Mɛditarenian Si. Di ɔda tu Filistin siti, Ashkɛlɔn ɛn Gath nɔ miks de.

⁴⁸ Na ilɛvin siti mek ɔp di nɔmba siks distrikt ɛn dɛn de ɔp il. Dɛn na Shamir, Jatir, Sɔkɔ,

⁴⁹ Dana, Kiriath Sɛfa we dɛn kin kɔl Dɛbir,

⁵⁰ Anad, Ɛshtɛmɔ, Anim,

⁵¹ Goshɛn, Ɔlɔn ɛn Gilɔ. Na ilɛvin siti ɛn dɛn vilej dɛn mek ɔp di nɔmba siks distrikt.

⁵² Na tɛn siti mek ɔp di nɔmba sɛvin distrikt ɛn dɛnsɛf de ɔp il. Dɛn na Arab, Duma, Ɛshan,

⁵³ Janim, Bɛth Tapua, Afɛka,

⁵⁴ Umta, Ɛbrɔn ɛn Ziɔ. Na nayn siti ɛn dɛn vilej dɛn mek ɔp di nɔmba sɛvin distrikt.

⁵⁵ Na tɛn siti mek ɔp di nɔmba et distrikt. Dɛnsɛf de ɔp di il. Di siti dɛn na Maɔn, Kamɛl, Zif, Juta,

⁵⁶ Jɛzril, Jokdɛam, Zanoa,

⁵⁷ Kain, Gibɛa ɛn Timna.

⁵⁸ Na siks siti we de ɔp il na di nɔth pat if yu de Ɛbrɔn, mek ɔp di nɔmba nayn diskrikt. Dɛn na Alu, Bɛthzɔ, Gɛdɔ,

⁵⁹ Maarath, Bɛthannɔth ɛn Ɛltɛkɔn. Na siks siti ɛn dɛn vilej dɛn mek ɔp di nɔmba nayn distrikt.

⁶⁰ Na tu gren siti mek ɔp di nɔmba tɛn distrikt. Dɛn na Kiriath Baal we dɛn kin kɔl Kiriath Jɛarim, ɛn Raba. Na dɛn tu ɛn dɛn vilej dɛn mek ɔp di nɔmba tɛn distrikt.

⁶¹ Na siks siti mek ɔp di nɔmba ilɛvin distrikt. Dɛn de na flat grɔn ɛn di distrikt wayd as fa as Riva Jɔdan ɛn as fa as af ɔf di waf na di wɛst pat na Rɛd Si. Na di ɛmti ples we pɔsin nɔ go ebul tap yu gɛt, Bɛth Araba, Midin, Sɛkaka

⁶² Nibshan, di Sɔl Siti ɛn Ɛngɛdi.

⁶³ Bɔt di Izrɛlayt dɛn nɔ bin ebul drɛb di Jɛbyusayt dɛn kɔmɔ Jerusɛlɛm so dɛn de wit dɛn de te di tɛm we dɛn bin de rayt dis buk