Luka 3 - Azelle New Testament Portions

Beleng be lo se Yohana ono Obaptisima ma bi

¹ Ayimi siwai biturrun shibi ocha ogome se Kaisar Tibariya maze maze a togomo. Ocha ogome se Buntus Bilatus a togomo tan nyanga ma Yahudiya. Hiridus a togomo owulu a Galili, awano me Filibus maya togomo owulu Ituriya neng Tarakunitas. Lisaniya maze a togomo owulu Abiliniyes,

² ocha gom me an Anana neng Kayafa nga ze ana sasaru a tupiris. Ogomo Asharri ma bi belen neng Yohana vana Zakariya ayimi ija.

³ Nze Yohana ma ngame a kowaba owulu orawa o Joda. Nze ma bezi nye beleng be lo a gosan ano, “In ge garre awe nyi obaptisima anu guna a visiki nyi masharra manyi.”

⁴ Sakama nane se ama darsa otakarda annabi Ishaya, “Nze emelo asuru ayimi eja, Agusa mamarra ne Ogomo Asharri oruna, emamarra turuna tome.

⁵ Aneng binja koyo nini, zal aneng duzu towo neng tuguza anyanga. Aneng dorosa oruna utakarozo amamarre urono ogome se utarreze ne okuri o ngoma.

⁶ Zal koyo ono ya nǝrǝ obuza owo Ogomo Asharri.”

⁷ Baka nane, Yohana ma go ano chebete se nga na ra a wuza nye obaptisima, “Nyi bisana be ewa eburu, avizi na gunan nyi suma ne osharra puru owo Ogomo Asharri ora?

⁸ Zuzuni eyau ye ngoma ye geme se aneng ru se nyi na garra, sakama otiti ogome se oyo so eburi e ngoma. Tego nyi wuza adodonzo a nyi erowa, ‘Ibirahim ashuwo kodo ne.’ Deken an beze nyi, Ogomo Asharri mazen a gata ma nya Ibirahim abiya neng azuwa agina.

⁹ Ana ngona ano etumo ayetinu Yutiti, otiti ogeme se odan yo eburi e ngoma ne a ya gwinta ome a vati ayimo orra.”

¹⁰ Nze ano sangarra me, “Woro ya ngona in ni zi gina?”

¹¹ Nze magunye, “Zal onogume se ma zen tudi tu repo ama ware neng ono gome se ma zemem oyene, ono gome se ma zen emo wucu ama we nanemme.”

¹² Ano kasa ogandu a nga rai a wuza nye obaptisima, nze nga sangarra me nga gom me, “Achakura, yaze worro neng ngona?”

¹³ “Nze ma gon nye, kada ekai epegeme se e kerka epegeme se ana gunan nyi kanene.”

¹⁴ Nze tosoja toga sangarra me, “Woro fa woro neng ngonan innizi?” Ma gon nye, “Tego eshenga ano a nga ran in ru ne, kada e porre nye baka nga na ngame ne onya ka nyi ni. Kada nyi yizi epegeme se ana nyiza nyi ni.”

¹⁵ Tuni se ano ya denta ora Kiristi, nze zalle okonye nga yadodonzo a nye erowa, ne Yohana maze Almasihu me.

¹⁶ Nze Yohana gon nye zalle, “Mi miya wuza ka nyi obaptisima neng manyi ze, woi ya ra se ma keran esaru, in ta bare in buzi simin se tokakauwa tome ne, maze maya wuza ka nyi obaptisima neng uRuhu Usansang neng orra gaze.

¹⁷ Ma zen okwenkwere oware se maya kǝllǝ erra nan no, maya kanka erra ma we a yebenga, nze ma pusi to bati tome neng orra ogeme se ata bishu ni.”

¹⁸ Neng bellen chebete se ma biya nye, nze Yohana bezeze ano Bellen Be lo.

¹⁹ Nze Yohana bi okara a ogomina Hiridus, baka Hiridus ma woze a nya a Herodiya, owai owano me Filibus, ma ga woze toye togogoro to buru.

²⁰ A ngame a bimaso Hiridus ma vati osharra epeme ano guna a me Yohana a patome ogora e nyan.

Ama wuza Yeso Obaptisima

²¹ Ni sa ajamu wuza ano zal obaptisima, nze a wuza Yeso gaze. Ni se maya beroromo nze Asharri puku,

²² Nze uRuhu Usansang sakama biworrai utumi ama apana, nze a kone emelo asuru Asharri agusa, “Ngo Vana konze ogome se enbarse in kone malowa ma me ganka.”

Bisana be derte be Yeso

²³ Ocha ogome se Yeso ma bura etoma ekeme obezeze ano, ma zen sewai angame eturru taro ze a masano. Ano ma yeta me agusa me vana Yusufu ze, Yusufu vana Heli,

²⁴ Heli vana Matat, Matat vana Lawi, Lawi vana Malki, Malki vana Yana, Yana vana Yusufu,

²⁵ Yusufu vana Matatiya, Matatiya vana Amos, Amos vana Nahum, Nahum vana Azaliya, Azaliya vana Najaya,

²⁶ Najaya vana Maˈata, Maˈata vana Mattatiya, Mattatiya vana Shimiya, Shimiya vana Yose, Yose vana Yoda.

²⁷ Yoda vana Yowana, Yowana vana Resa, Resa vana Zerubabel, Zerubabel vana Shiyaltiyel, Shiyaltiyel vana Niri,

²⁸ Niri vana Malki, Malki vana Adi, Adi vana Kosama, Kosama vana Elmadoma, Elmadoma vana Er,

²⁹ Er vana Yoshuwa, Yoshuwa vana Eliza, Eliza vana Yorim, Yorim vana Matata, Matata vana Lawi,

³⁰ Lawi vana Simiyon, Simiyon vana Yahuda, Yahuda vana Yusufu, Yusufu vana Yonam, Yonam vana Eliakim,

³¹ Eliakim vana Meleya, Meleya vana Menna, Menna vana Matata, Matata vana Natan, Natan vana Dauda,

³² Dauda vana Yesi, Yesi vana Obed, Obed vana Bowaz, Bowaz vana Salamon, Salamon vana Nashon,

³³ Nashon vana Aminadab, Aminadab vana Aram, Aram vana Hezaron, Hezaron vana Ferez, Ferez vana Yahuda,

³⁴ Yahuda vana Yakub, Yakub vana Ishaku, Ishaku vana Ibirahim, Ibirahim vana Tera, Tera vana Nahor,

³⁵ Nahor vana Seron, Seron vana Reyu, Reyu vana Fele, Fele vana Eba, Eba vana Shela,

³⁶ Shela vana Kenan, Kenan vana Arfaksha, Arfaksha vana Shem, Shem vana Nuhu, Nuhu vana Lemek,

³⁷ Lemek vana Metusela, Metusela vana Enok, Enok vana Yarik, Yarik vana Mahalela, Mahalela vana Kenan,

³⁸ Kenan vana Enosh, Enosh vana Set, Set vana Adamu, Adamu vana Ogomo Asharri.