Юнус 3 - Һазирқи Заман Уйғурчә Тәрҗимиси

Юнус пәйғәмбәрниң Худаға бойсунуши

¹ Пәрвәрдигардин Юнусқа иккинчи қетим сөз кәлди/иккинчи қетим сөз аян болди.

² Пәрвәрдигар униңға: — Сән Нинәви дегән бүйүк шәһәргә дәрһал берип, у шәһәрдикиләргә Мән саңа тапшуридиған сөзләрни җакала, — деди.

³ Юнус шу ан Пәрвәрдигарниң сөзигә бенаән, Нинәвигә барди. Нинәви алаһидә чоң бир шәһәр болуп, уни арилап чиқишқа үч күн кетәтти.

⁴ Юнус шәһәргә кирип бир күнлүк йолни маңғандин кейин: — Қириқ күндин кейин Нинәви шәһири харап қилиниду! — дәп җакалиди.

⁵ Буниң билән нинәвиликләр Худаға ишинип, роза тутушни қарар қилди. Пүтүн шәһәр хәлқи мәртивиси жуқури-төвән болсун, һәммиси кәндир рәхткә йөгинип, товва қилғанлиғини билдүрүшти.

⁶ Бу хәвәр Нинәви падишасиға йәткәндә, у тәхтидин чүшүп, тонини селиветип, кәндир рәхткә йөгинип, күлдә милинип олтарди.

⁷ Падиша өзи вә әмәлдарлириниң намида нинәвиликләргә мундақ әмир чүшәрди: «Мәйли адәм, мәйли һайван, мәйли кала, мәйли қой болсун, һәммиси һеч немә тетимисун, улар һеч немә йемисун, суму ичмисун.

⁸ Пүткүл адәм вә һайванлар кәндир рәхткә йөгәнсун. Һәр бир адәм Худаға қаттиқ ялвурсун һәм яман йолидин янсун, зораванлиқтин қол үзсун.

⁹ Ким билиду, Худа шуниң билән нийитидин, қәһәр-ғәзивидин йенип, бизни һалак қилмай қоямду техи!»

¹⁰ Худа уларниң әмәллирини, йәни яман йоллиридин янғанлиғини көргәндә, илгири Өзи җакалиған уларниң үстигә чүшәрмәкчи болған балаю-апәтләрни уларға чүшәрмиди.