Linge 54 - Ghari

Kesa Tinoni e Nongia God Ke Reitutugua Tanigira Gana Gala

¹ !Niqu God, tana susuligamu ko maurisiginiau; mi tana susuligamu loki ko isutuguqu!

² !Niqu God ko tabea niqu nonginongi; mo ko rongomidoua niqu tsaqina goko!

³ Igira na mane kaekae ara maiginiau; migira na vanga sekoli tinoni ara tovoa laka kara labumatesiau, mara tau goto dona kara boeginia God.

⁴ Ma God aia nogo e sangaau. Na Taovia aia nogo e isutuguqu.

⁵ God ko gini aqo niqira sasaga tabaru gaqu gala ma na kedena ke gadovisu i koniqira segeni. Igoe nogo ko matesigira rongona igoe o doulaka saviliu vaniau.

⁶ Sauba kau gini mage na savori-kodoputsa vanigo, igoe niqu Taovia; ma kau soadougo rongona igoe o dou sosongo.

⁷ Igoe nogo o laumaurisiau tanigira pipi sui na omea seko ara gadoviau, minau au reia kalina igoe o tuliusigira igira sui gaqu gala.