Linge 13 - Ghari

Nina Nonginongi Kesa Tinoni Rongona God Ke Sangâ

¹ ?Laka sauba ke oka koegua sagata ko padaleau igoe Taovia? ?Egua, laka ko padaleau saviliu? ?Me ke oka koegua sagata goto ko taopoi taniau?

² ?Me ke oka koegua sagata e kilia inau kau vatsangia na rota tana tidaoqu, me ke melu loki na tobaqu na dani ma na bongi? ?Me ke oka koegua sagata goto igira gaqu gala kara tuliusiau?

³ Ko moromai i koniqu Taovia niqu God, mo ko rongomia niqu nonginongi. Ko turuvaginivisua na susuligaqu, rongona kau tau mate lê.

⁴ Mo ko laka goto na tamivaniaqira gaqu gala kara tsaria, “Reia bâ, igita a tuliusia aia.” Ko laka goto na tamivaniaqira kara gini magemage kalina e managaqira mara sugutiau.

⁵ Minau au noru kalavatavia nimu galuve vo oli; me sauba nomoa kau gini magemage tana rongona igoe sauba ko laumaurisiau.

⁶ Sauba kau lilinge vanigo Taovia, matena igoe o dou sosongo vaniau.