Linge 124 - Ghari

God Aia Nogo e Reitutugugira Nina Tinoni

¹ ?Sauba kegua vaga ti na Taovia ke tau nogo totu tabana konida igita? !Israel, ko gokovisu mai!

² “Ti vaga na Taovia ke tau nogo totu tabana i konida igita kalina igira gada gala ara mai na labuada,

³ mi tana ti igira kara konomigita mamauri tana niqira momosatoba loki ara nauvanigita;

⁴ ma na obona na ko loki ke adivotugita, me ke tsavugita popono,

⁵ ma na tatarina ke virugita me ke lumigita.”

⁶ Ida gita ma ka soadoua na Taovia, aia e tau tamivanigira gada gala kara labugita ma ka mate sui.

⁷ Igita a tsogoligi tanigira vaga moa na manu kalina e lovoligi tania nina taviti na mane na rugu; me takuti lê niqira taviti, migita a tsogoligi lê.

⁸ Na Taovia aia e aqosia na baragata ma na barangengo, aia nogo e sangagita.