Linge 121 - Ghari

Na Taovia Aia Nogo Nida Reitutugu

¹ ?Inau au morodato tana vungavunga; me laka iava sauba ke talumai aia ke sangaau?

² Na Taovia aia e aqosia na baragata ma na barangengo aia nogo sauba ke sangaau inau.

³ E utu ke tamivanigo ko tubulagi; aia nimu reitutugu me totu mamata sailagi.

⁴ Eo, aia niqira reitutugu na Israel e tau dona ke varivari matana se ke maturu.

⁵ Na Taovia aia nogo sauba ke mataligo; aia e totu kalavata i ligisamu gana ke reitutugugo.

⁶ Me utu ke sekoligo na aso tana dani, mi tana bongi na vula tagara goto.

⁷ Na Taovia sauba ke didia tanigo pipi sui na omea seko; me ke reitutugua na maurimu.

⁸ Aia sauba ke mataligo kalina ko vano mi kalina ko visumai i dani eni mi tana dani ma na dani.