Isaia 12 - Ghari

Na Linge na Soadou

¹ Me maimai nogo na tagu i tana igira na tinoni kara linge ma kara tsaria, “!Taovia, inau au tsonikaego! Atsa moa ti igoe o kore vaniau tana idana, mi kalina ia o tau nogo kore vaniau, mo vereau moa.

² God aia nogo niqu vagamauri. Maia moa sauba kau norua, ma kau gini tau goto matagu. Na Taovia aia nogo na susuligaqu ma niqu vagamauri.

³ Vaga nogo na kô bisibisi dou e saua na mage vania aia e marou mate, me vaga goto igamu nina tinoni God sauba kamu gini magemage kalina aia ke maurisigamu.”

⁴ Me maimai nogo na tagu i tana sauba kamu linge ma kamu tsaria, “!Soadoua na Taovia! !Kamu nongia ke sangagamu! !Ma kamu katevulagi vanigira na puku sui na omea aia e naugira! !Tsarivanigira gana loki tsapakae!

⁵ Linge vania na Taovia tana rongona na omea loki aia e naugira. Ma na barangengo popono kara rongomia na turupatuna.

⁶ !Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”