Biblia Todo Logo
Bib sou entènèt

- Piblisite -

रोमियों 16 - गढवली नयो नियम


बैंण फीबे तैं प्रणाम

1 मि तुम बट्टी फीबे कु, जु हमारी दगड़िया विश्वासी बैंण अर किंख्रिया शहर का मण्डलि की सेविका च, मि चांदु छों कि तुम वींको समान कैरा।

2 कि जन तुम पवित्र लुखुं तैं चयणु च, जु प्रभु कु च, वेको स्वागत कैरा; अर जु कै बात मा वे तैं जु मदद तुम लुखुं बट्टी चयणु च, वेकी मदद कैरा; किलैकि उ भि भौतों की बल्कि मेरी भि उपकार कन वली हवे।


रोम शहर का संतों तैं प्रणाम

3 प्रिस्किल्ला भुल्ली अर वीं का आदिम अक्विला तैं जु यीशु मा मेरू दगड़िया च, मेरू प्रणाम।

4 जौनु मेरा प्राण बचांणु कु अपड़ा प्राण खतरा मा डालेल छा, अर भस मि ही न, बल्कि अन्यजातियों की सैरी मण्डलि भि ऊंको धन्यवाद करदींनि।

5 मेरा प्रिय इपैनितुस तैं मेरू प्रणाम, जु एशिया का प्रान्त बट्टी मसीह पर विश्वास कन वला पैलो आदिम च अर वीं मण्डलि तैं भि प्रणाम ज्वा ऊंका घौर मा कठ्ठा हूंद।

6 मरियम तैं जींल तुम कु भौत मेहनत कैरी, प्रणाम।

7 अन्द्रुनीकुस अर यूनियास तैं जु मेरा दगड़िया यहूदी छिनी, अर मि दगड़ी जेलखना मा कैद हवे छा, अर प्रेरित ऊं तैं अच्छा ढंग से जणदींनि, अर मि बट्टी पैली मसीह का चेला बंणि गै छा, मेरू प्रणाम।

8 अम्पलियातुस तैं, जु प्रभु मा मेरू प्रिय च, प्रणाम।

9 उरबानुस तैं, जु मसीह मा हमारो सहकर्मी च, अर मेरू प्रिय इस्तखुस तैं, प्रणाम।

10 अपिल्लेस तैं, परखे जांण का बाद भि जैको विश्वास मसीह मा सचो निकली, प्रणाम। अरिस्तुबुलुस का परिवार तैं, प्रणाम।

11 मेरा कुटुम्बी हेरोदियोन तैं प्रणाम। नरकिस्सुस का परिवार तैं जु लोग मसीह पर विश्वास करदींनि, ऊं तैं प्रणाम।

12 त्रूफेना अर त्रूफोसा बैणयूं तैं जु प्रभु मा मेहनत करदींनि, प्रणाम। प्रिय पिरसिस बैंण तैं जींल प्रभु मा भौत मेहनत कैरी, प्रणाम।

13 रुफुस तैं प्रभु की सेवा मा ऊंका खास काम कु चुणयूं च, अर वेकी ब्वे मि कु भि ब्वे का जन च, द्वीयूँ तैं प्रणाम।

14 असुंक्रितुस अर फिलगोन अर हिर्मेस, पत्रुबास, हिर्मास अर ऊं दगड़िया विश्वासी भयों तैं मेरू प्रणाम।

15 फिलुलुगुस अर यूलिया अर नेर्युस अर वेकी बैंण अर उलुम्पास अर ऊं दगड़ा का सभि पवित्र लुखुं तैं, प्रणाम।

16 आपस मा मसीह प्रेम बट्टी प्रणाम कैरा; तुम तैं मसीह की सैरी मण्डलियों की तरपां बट्टी प्रणाम।


द्वी हिस्सों मा बटयां मनिख्युं को त्याग

17 अब हे विश्वासी भयों, मि तुम बट्टी बिनती कनु छौं, कि जु लोग वीं शिक्षा का विपरीत बट्टी जु तुम ल पै, फूट डलण अर ठोकर खिलांण कु कारण हूंदींनि, ऊं बट्टी बचि के रावा; अर ऊं बट्टी दूर रावा।

18 किलैकि इन्देरा लोग हमारा प्रभु मसीह का नि छिनी, पर अपड़ा देह की इच्छाओं की सेवा करदींनि; अर चिकनी चुपड़ी बातों बट्टी भोला-भाला मन का लुखुं तैं धोखा दींदिनि।

19 तुम्हरा आज्ञा मंनणै की चर्चा सभि लुखुं मा फैली गै; इलै मि तुम्हरा बारा मा खुश हूंदु; पर मि इन चांदु छों, कि तुम भलै कु बुद्धिमान, पर बुरै कु भोला बंणयां रावा।

20 शान्ति कु पिता परमेश्वर शैतान की शक्तियों तैं नाश कैरी कै वे तैं तुम्हरा अधीन कैरी दयालो। हमारा प्रभु यीशु मसीह की कृपा तुम पर हूंणी रौ।


पौलुस का दगड़ियों तैं प्रणाम

21 तीमुथियुस मेरा सहकर्मी अर लूकियुस अर यासोन अर सोसिपत्रुस मेरा दगड़िया यहूदी लुखुं, तुम तैं प्रणाम।

22 मि तिरतियुस जु पौलुस कु ईं चिट्ठी तैं लिखणु छौं तुम सभियूं तैं प्रणाम लिखणु छौं।

23 गयुस जै दगड़ी मि रौंणु छो, उ भि तुम कु प्रणाम बुल्णु च। सैरी मण्डलि ऊंका घौर मा इख मिलदी। इरास्तुस जु यु शहर को खजांचि च अर क्वारतुस हमारो भैय भि तुम कु प्रणाम बुल्णु च।

24 मि प्रार्थना करदु, कि हमारा प्रभु यीशु मसीह की दया तुम दगड़ी रौ।


आशीर्वाद

25 अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

26 पर अब प्रगट हवे कै सनातन पिता परमेश्वर की आज्ञा बट्टी अर परमेश्वर की तरपां बट्टी बुल्ण वला की किताबों का द्वारा सभि अन्य-जातियों तैं प्रचार किये गै, कि उ विश्वास बट्टी परमेश्वर का वचन तैं मनणवला हवे जौं।

27 वीं एकमात्र अद्वैत बुद्धिमान परमेश्वर की यीशु मसीह का द्वारा जुग-जुग बढ़ै हूंणी रौ। आमीन।

Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.

Swiv nou:



Piblisite