Psalm 99 - De Beebaa Dabu

¹ Go Tagi Maolunga e hodooligi, denga huaadangada gi bolebole; ia e noho i magavaa luu cherubim; henua i lalo gi ngalungalue.

² Tagi Maolunga e maolunga i Zion; ia e maolunga ange i denga huaadangada alodahi.

³ Dangada gi duuhia doo ingoo maolunga ma de hagamaatagu! Ia e dabu mmao.

⁴ De Hodooligi e mmahi, gai e lodo i de hagamodu muna heohi; koe gu hagaduu gi makaga de hagamodu muna heohi, gai koe gu hagamodu muna o Jacob i de heohi.

⁵ Hagaamua ina Tagi Maolunga taadeu Maadua, gai ino i gaogao luoono vae daumaha ange gi de ia! Ia e dabu mmao.

⁶ Moses ma Aaron ni dangada haimeedabu hogi niiona, Samuel se dangada hogi e dalodalo ange gi de ia. Gilaadeu nei ne dalodalo ange gi Tagi Maolunga, gai ia ne basa ange gi alaadeu dalodalo.

⁷ Ia ne basa ange gi gilaadeu i lo te duludulu hagausinga; gilaadeu ne daohi ana muna, aama ana hainga gu hagasauaa ange gi gilaadeu.

⁸ Tagi Maolunga, go demaadeu Maadua, koe ne basa ange gi gilaadeu; koe go de Maadua ne degi ange laa gi gilaadeu, aagai ne hagaduasala gilaadeu i alaadeu hegau baubau.

⁹ Hagaamua ina Tagi Maolunga taadeu Maadua, gai daumaha ange i dono mounga dabu; go hiidinga Iahweh taadeu Maadua e dabu.