SAM 98 - Cho Bible Common Language 2016M’dek Khan Uktu Khanpughi 1 Bawipa ah ma ah ng’äi thai m’cu vä; Ani naw cäicat vai gui bi pyi ci nei! Amät ah huham la ng’cim ciah thagui awn, ani naw näng nak hmuh pyi ci nei. 2 Bawipa naw ang näng nak cu ng’shäu ci nei, Ani naw a hun nak huham cu changpakhui gui am hmat sak ci nei. 3 Ani naw a bekhüt nak la ng’täi ciah am hni nak gui awn, Israel chang gui ah mi Khanpughi ah näng nak cu kho päng ung om ciah chang van naw hmu pyi ci nei. 4 Khomdek van naw Bawipa am yei ne ng’äi m’cu vä; Ng’äi m’cu ne m’taam ne m’lau ne yei vä! 5 Bawipa cu ng’äi m’cu ne m’taam vä! Tingtäng tum ne k’hting k’bei vä! 6 Bawipa mi ghangpughang ah ma ah k’phyung lawi, k’phyung puuk tum ne, m’lau ne yei vä. 7 Tuinu la acun ung om ciah akghing avan m’lau sä; khomdek la a cun ung om ci avan naw ng’äi m’cu sä! 8 Nangmi tui gui naw nami m’ya k’phyawk vä; Nangmi khomhtung gui naw Bawipa ah ma ah yei ne atäng ah ng’äi m’cu vä. 9 A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei. |
Cho Bible Common Language © Bible Society of Myanmar, 2016.
Bible Society of Myanmar