SAM 93 - Cho Bible Common Language 2016

Khanpughi Ghangpughang

¹ Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

² O Bawipa, na mangkyang cu ang tün ung tüi ne khäng lä ci, khaw kä ang tün pha ung nang cu na om ge ci.

³ O Bawipa, tuinu thuk gui cu tho ne ng’hüüt ci gui, ngami cu gaai ne ng’hmum ci gui nei.

⁴ Bawipa naw hlüngtai ne khan kho cu uk ci, Ani cu tuinu ah gaai ah mä dämduh pi ne, tuinu ah ng’hnawh ata hlüngtai pi ci nei.

⁵ Bawipa, na thumkhän gui cu angtäi ah om ne, na Taigüim cu akcang ah theing cim lä ci nei.