SAM 87 - Cho Bible Common Language 2016

Jerusalem ah Taigü

¹ Bawipa naw amang gaw cu khomhtung theing ah khan ah co ci,

² Israel khaw hmun avan ung Jerusalem mang gaw cu ani naw m’hni pi ci.

³ Ngai ä, Khanpughi ah mang gaw oi, Nang ah mawng cäicat vai gui cu ani naw pyen ci nei:

⁴ “Kei na ngai ciah pakhui ka m’hnüt law ung Egypt la Babilonia cu ka kum khai nei; Philistin, Tire la Sudan chang gui cu, Jerusalem mang gaw chang ung ka khei gui khai nei,” cik ci.

⁵ Zion gawnu am phi, changpakhui avan cu acun ung om ci gui nei, Am gäi pi naw khüighat sak khai nei.

⁶ Bawipa naw chang gui k’tä ne a guk law ung, ami van cu Jerusalem mang gaw chang ah m’khäm gui khai nei.

⁷ Ngami cu ng’lam ne ng’äi u ne, “Zion mang gaw kyong ah mi hriham avan cu ng’yung ci nei” cik ci gui.