SAM 82 - Cho Bible Common Language 2016

M’gäi ciah Uktu Khanpughi

¹ Khanpughi cu khankho kongsi lam shüm ne, khanpughi gui ah ng’lung ah ng’düi ne m’khoi m’cha nak bik ci:

² “Kä ng’düng khai ah m’khoi m’cha nak cu nami nawng vai nei; akshe gui lam ah kä nami ng’paak en ba vai nei!

³ Dukhaih ci la hmeihta gui nami küi gui vai, Geinvai ci la khüikha ci gui cu nami hmai kiang nak vai.

⁴ Changshe gui ah huham ungka nami gun gui vai.

⁵ “Nangmi cu a i hlawk ah nami awng, a i hlawk ah nami ang ci ang! Nangmi cu nami di yawp ci, Düng nak cu khomdek khan ung ng’kawn ne maih pyi ci.

⁶ Kei naw ka pyen cu, Nangmi cu ‘Khanpughi hta gui’ ah nami ki yak ci; Nami van cu ‘A Hlüngtai Säih ah hta gui’ ah nami kyak ci.

⁷ Cun ung phi nangmi cu chang ah mäih ah nami sik khai; mang ah hta ah mäih ah nami ghin nak ng’pyi khai.”

⁸ O Khanpughi, kyum law ne, khomdek khan cu uk law ä; changpakhui avan cu nang ah kaa nei.