SAM 8 - Cho Bible Common Language 2016

Khanpughi ah Bämang nak la Chang ah Ng’bekhe nak

¹ O Bawipa, kami Bawi, Na bäimang nak cu m’dek khan avan ung dang ci! Chang gui ah ning m’hlüngtai nak naw khomik avan küm ci!

² Cun cu hmawhta la nausen naw a m’cu ah kyak ci. Nang cu ga avan ah kut ung ka ning hun ne, ning phyawn ci nei, Ning tuk püi ci phung nang bäng naw düm ah na om sak hning ci.

³ Na kut m’dawng awn na pyan ah khankho mik la na k’süm ah cha la aisi gui cu ka teng ung

⁴ Hniciim chang cu a i ah kyasei nang naw na ngaih nak ang? A i ah kyasei chang ghet na m’htei htang ang?

⁵ Nang naw chang cu Khanpughi ah mä api hta ng’neim ba khai ah na tüi ci; hlüngtai nak la m’taam khah nak cu na k’bün ci.

⁶ Nang naw na pyantham avan uk khai ah ani cu na m’düih ci; na tüisho avan ah khan ah na om sak ci:

⁷ Htome gui, seipat gui la khisa gui:

⁸ kah gui la nga gui tui ung om ciah ming avan:

⁹ O Bawipa, kami Bawipa, Na dämduh nak cu khomdek khan avan ung dang ci nei!