SAM 75 - Cho Bible Common Language 2016

Khanpughi cu Suki

¹ Ka mi ning m’taam ci nei, Khanpughi, ka mi ning m’taam ci nei! Na bäimang nak cu ng’shäu u ne, cäi aih vai na bi gui cu kami pyen ci nei.

² Khanpughi naw, “M’kho m’cha nak vai ah khin cu kei naw k’bäi ne, düng nak awn ka m’khoi m’chak khai nei.

³ Ak ghing gui avan ng’thüng u ne, khomdek amät thüng sei phi, a phung ang yung cu kei naw ka htek sak khai nei.

⁴ Changshe gui kä ami m’gha m’ce vai ah ka pyen khai;

⁵ chang ah kä ami ng’shei ba vai ah ka m’thein gui khai,” cik ci.

⁶ M’khoi m’cha nak cu khei lam la kiang lam, hlum lam la siip lam ah ka lawk ciah kä kyak ci.

⁷ Khanpughi amät cu m’kho m’chak ciah kyak ci, amshah cu m’kyuk ne amshah cu m’hlawt ci.

⁸ Bawipa naw khap cu a kut ung kawt ne, sü ciah am lung she nak awn be sak ci. Ani naw kei sei changshe gui ami van naw awk ci gui; m’sing ne aw yawp ci gui.

⁹ Cun ung phi kei cu kä ng’düm ne, Jakob ah Khanpughi cu ng’thu püi ne ng’äi ne kam hlüng tai khai.

¹⁰ Ani naw changshe gui ah huham cu cheiuh khai. Cun ung phi chang düng gui ah huham cu hlüngtai law pi khai nei.