SAM 70 - Cho Bible Common Language 2016

A Na M’htei Vai ah Taigü

¹ O Khanpughi, na hun ä! Bawipa tuhbäi na m’htei ä!

² Kei na ngawn hlük ci gui cu di maih ne ng’phyak ca u sä. Kei ah geinvai ah phäh ah yei ci gui cu, ng’hlat ba ne thüi sei u sä.

³ Kei na gaih tuk ciah chang gui cu thui ng’a nak awn ng’kup u sä.

⁴ Nang ah lawk ciah chang avan cu yeikyai ne lünlawi u sä. Na hun nak ah hmawk ah ning m’taam ciah chang avan naw, angtäi sei, “Khanpughi cu küikyang aih ci nei” ci u sä.

⁵ Kei cu ka tha ken sei ka dukhaih ci; O Khanpughi kei ah ang ghit ah law ä. Nang cu ka hun Bawi, ka Bawipa, ang ghit ah law ne na m’htei ä!