SAM 67 - Cho Bible Common Language 2016

M’hlüng Tai nak Ng’äi

¹ Khanpughi, na chimgein gui ne, hriham na pe gui ä; na k’dük nak awn na teng gui ä,

² cun ah kyasei khomdek khan avan naw na ng’yak hlü hmat khai; changpakhui van naw na hun nak hmat khai.

³ O Khanpughi, chang gui naw ning m’taam u sä; chang van naw ning m’taam u sä!

⁴ Chang pakhui avan yeikyai ne ng’äi m’cu u sä; A i ah kyasei ci ung nang naw dü khai ah na m’khoi m’chak gui ci, khomdek khan ung changpakhui avan lam na m’shüm ci.

⁵ O Khanpughi, chang gui naw ning m’taam u sä, chang avan naw ning m’taam u sä!

⁶ Khomdek cu m’theih tak ci, Khanpughi, mi Khanpughi naw hriham na pek gui ci.

⁷ Khanpughi naw hriham na pe gui ci nei, kho nü ung chang van naw ngak sä.