SAM 61 - Cho Bible Common Language 2016Ng’yii nak vai ah Taigü 1 O Khanpughi, ka kyah na ng’yak pe ä; ka taigü na ngaih pe ä! 2 Ngaih u maih ne, im sho sei, ka ning khü ci nei. Phyawn nak ah lung ung na hteh püi ä. 3 Nang cu ka ng’yii nak ah na kyak ci, ka gaa gui awn ng’tuk nak ung ka ng’shung nak ah na kyak ci. 4 Ka ghin ah chuih na phung ung na om sak ä, na ng’phia ka ah phyawng ne na ng’yii sak ä. 5 O Khanpughi, ka shaitak cu na ng’ya pyi ci nei. Nang ning m’tam ngak ci gui ah ami mang vai cu nang naw na na pek ci nei. 6 Ghangpughang ah ghin nak ung khokum shou sak ne; ghin sak lä ä! 7 O Khanpughi, nang ah ma ung ani naw uk lä sä; Na m’hni nak la na bekhüt nak awn shungvong ä. 8 Cun ah kyasei angtäi sei, m’taam nak ng’äi ka ning m’cu khai, ka shaitak ah mäih ah a hnüüp tä ka ning pek khai. |
Cho Bible Common Language © Bible Society of Myanmar, 2016.
Bible Society of Myanmar