SAM 6 - Cho Bible Common Language 2016

Khüikha yah ung ana M’htei vai ah Taigü nak

¹ Bawipa, ka m’lungshe en ä, kä na shedam men naä! m’lungshe ne kä na m’kat-en ä!

² Bawipa ka tha maih ci nei, na m’gein ä! Ka k’tha avan maih ci nei; thagui na pe ä!

³ Ka pumsa avan cu yaica ci nei. O Bawipa, kei na na m’htei nak vai, a i güt lüng khai ang?

⁴ Law ne na hun ä, Bawipa; Na chimgein nak awn sih nak ungka nak phyawn ä.

⁵ Sih nak ah kho ung nang cu a u naw kä ning shüm ba ci nei; A cu ah a u naw nang kä ning m’tam ba hning ci nei.

⁶ Kei cu yaica ne ka tha maih ci nei; Amü tä sei ih phak ung ka awk gu ci. Ka ng’khumbei ung ka ng’phli li ci.

⁷ Kei akni ah a i kä ka hmuk ci, ka kyah nak ka mik mü aih ci, cun cu ka ga gui ah ami na m’thüi su ah kyak ci.

⁸ Changshe gui kei ah om nak ungka a hei ah hteit vä! Bawipa naw ka k’awk a guh cu ng’yak ci nei;

⁹ Kei na m’htei khai ah ka kyah ngai ci nei, Kei ah taigü phi na m’shang khai nei.

¹⁰ Kei ah ka ga gui cu lüng’aa ne, di nak gah khai gui nei; Ngami cu ng’hlat ba u ne, ang ghit ah thei ng’aa kahi gui nei.