SAM 54 - Cho Bible Common Language 2016

Gaa ah Kut ung Phyawn vai ah Taigü

¹ O Khanpughi, na huham awn nak phyawn ä; na m’gäi nak awn na m’hlawt ä!

² O Khanpughi, ka taigü na ng’yak pe ä; ka ng’thu na ngaih pe ä!

³ Chang ah ng’shei ci gui naw na tu law u ne, nget ngawng ci gui naw na ngawn hlük ci gui nei. Ngami cu Khanpughi a i ah kä ngai ci gui nei.

⁴ Cun ung phi Khanpughi naw na m’htei ci, Bawipa cu ka ng’shung nak nei.

⁵ Khanpughi naw ka gaa gui cu ami mät ah katnak awn m’di gui sä. Ani cu bekhüt ci kya ne, ani naw m’di gui khai nei.

⁶ O Bawipa, kei naw yeikyai ne ka ning vawihpeh khai nei; Nang cu na bä ci kya sei ka ning m’tai khai nei.

⁷ Ka khüikha nak avan ung na gung ci sei, ka gaa gui ah di cu ka hmu yawp ci nei.