SAM 53 - Cho Bible Common Language 2016

Hniciim Chang ah Shetkat nak

¹ Chang gu ang gui naw ami m’lung kyong ung “Khanpughi kä om ci” cik ci gui. Ngami cu didap u ne m’shemshai ciah bi bik ci gui; ng’düng ci bik ci tumat phi kä om ci.

² Cüivai ciah chang, Khanpughi khawihnah ciah chang, a om la kä cun ah, Khanpughi naw khankho ah ka naw hniciim chang cu yuk teng ci.

³ Cun ung phi chang avan cu ng’hlat yawp ci gui; ami van cheishoh yawp ci gui. Ng’düng nak bik ci a u kä om ci, tumat phi kä om ci.

⁴ Khanpughi naw, “Shin ah akshe bik ci gui, a ik cang kä hmat u ne ma? Ka chang gui ah kaa, gut ne ei ci gui, kei ah phi kä taigü man ci gui nei” cik ci.

⁵ Cun ah kyasei, ngami cu kä ami kyih man ah kyih aih khai gui nei, Khanpughi naw ak chang gui ah ami gaa gui ah guh gui cu, püi sak gui khai nei. Khanpughi naw ngami cu shedam na gui sei, Israel gui naw ami van hniim gui khai nei.

⁶ Israel gui ah näng nak cu Zion khaw ungka gawk lawk khai nei. Khanpughi naw a bä mang ba sak gui ung, Israel chang gui cu a i hlawk ah yeikyai khai gui aw!