SAM 48 - Cho Bible Common Language 2016

Zion, Khanpughi ah Mang Gaw

¹ Bawipa cu küikyang ci kyasei, a khomhtung theing, mi Khanpughi mang gaw ung ak hlüng tai ah m’taam khah vai nei.

² Zion, Khanpughi ah khomhtung cu ng’tai ne kyom ci nei; küikyang ciah ghangpughang ah mang gaw naw m’dek khan avan ung yeikyai nak law püi ci nei.

³ Cun ah mang gaw ah chaam kyong ah ani awn om ung phyawn nak om ci, cicu Khanpughi naw m’dang ci nei.

⁴ Ghangpughang gui cu ng’bum u ne, Zion m’htung cu tuk vai ah lawk ci gui.

⁵ Cun ung phi ngami naw hmu law u neta, cäi u ne, kyi u ne dawng ci gui.

⁶ A cu ah ngami cu kyi u ne cat u neta, hta lawk khai ah hnumi ah mäih ah kyak ci gui,

⁷ Khinu awt ciah htinpaw im ah mäih ah kyak ci gui.

⁸ Khanpughi ah bi cu mi ng’ya man ci, m’gäi ciah Bawipa, mi Khanpughi ah mang gaw ung tuhbäi mi hmuk ci; Ani naw mang gaw cu angtäi sei phyawn khai nei.

⁹ O Khanpughi, na Taigüim ah kyong ah ng’täi ciah na m’hni nak cu kami ngaih-tüh ci nei.

¹⁰ Kho nü ung chang naw ning m’taam ci nei, Na ming theing cu m’dek ah khan avan ung ng’thang ci nei. Nang naw düng nak awn na uk ci;

¹¹ Zion chang gui cu yeikyai u sä! Nang naw düng ciah m’khoichaa nak na pek ci; Judah mang gaw gui ung yeikyai nak om sä!

¹² Khanpughi ah chang gui, Zion cu veing ne hteit ne, tänghän gui cu khei vä;

¹³ k’pang gui cu m’htei ne teng ne, gaw chaam gui phi teng kheng vä, cun ung vah hta ng’shon ung nami pyen ba hlawt khai;

¹⁴ “Shin ah Khanpughi cu ngawi yä mi Khanpughi nei; Ani naw ngawi yä lam na m’shüm gui khai nei.”