SAM 43 - Cho Bible Common Language 2016

Om K’tu Chang ah Taigü

¹ O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

² Nang cu ka ng’yii nak ah na kyak ci. A i ah kyasei na na nawng ang? A i ah kyasei ka ga gui ah shedam nak ung, ka gein-vai vai ang?

³ Na k’dei la na düng nak cu yuk chah law ä; A cun gui naw na khomhtung theing Zion la na om nak ah Taigüim cu na m’shüm ne, na hteh püi ba khai gui nei.

⁴ O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

⁵ A i ah kyasei kei ka thüi aih ang? A i ah kyasei kei ka khüikha aih ang? Khanpughi ka ngaih u khai nei, Ka Hunbawi la ka Khanpughi cu ka m’taam ba mä khai nei.